மே 30- முதல் படப்பிடிப்புகள் ரத்து; தியேட்டர்கள் மூடப்படும் : நடிகர் விஷால் அறிவிப்பு

சென்னை, ஏப்.27-
பட அதிபர்களின் கோரிக்கைகளை வலியுறுத்தி மே 30ந் தேதி
முதல் காலவரையற்ற வேலைநிறுத்தம் நடைபெறும்.

அப்போது, படப்பிடிப்புகள் நடைபெறாது; தியேட்டர்கள் மூடப்படும்
என்றும் நடிகர் விஷால் அறிவித்தார்.

தமிழ் திரைப்பட தயாரிப்பாளர்கள், திரையரங்க உரிமையாளர்கள்
ஆகியோரின் கூட்டுகூட்டம் சென்னையில் நடந்தது. அதில் திரை
உலக பிரச்சினைகள் பற்றி விவாதிக்கப்பட்டன. திருட்டு வி.சி.டி.
மற்றும் இணையதளங்களில் சட்டத்துக்கு புறம்பான பதிவிறக்கம்
போன்ற பிரச்சினைகள் பற்றி விவாதிக்கப்பட்டன.

மத்திய, மாநில அரசுகளுக்கு கோரிக்கை மனுக்களை அளிக்க
இருக்கிறோம். எங்கள் கோரிக்கைகளை 30 நாட்களுக்குள்
நிறைவேற்றவேண்டும். அப்படி நிறைவேறாத பட்சத்தில்
மே 30-ந் தேதி முதல் காலவரையற்ற வேலைநிறுத்தம் நடை
பெறும்.

அதன்படி எந்த தியேட்டர்களிலும் படம் திரைக்கு வராது.
படப்பிடிப்புகள் நடைபெறாது என்ற முக்கிய முடிவு எடுக்க
வேண்டிய நிலைக்கு வந்திருக்கிறோம் என்று விஷால் கூறினார்.

* திரையரங்கு கட்டண முறையில் பெரும் மாற்றங்கள் கொண்டு
வரவேண்டிய காலம் இது. திரையரங்குகளின் தன்மை, இருக்கும்
இடம், ரசிகர்களுக்கு தரும் வசதிகள், பண்டிகை நாட்கள் மற்றும்
வார இறுதி நாட்களில் சிறப்புக்கட்டணம் என பலவகை
மாற்றங்கள் கொண்டுவர அரசு எங்களுக்கு ஒத்துழைக்க வேண்டும்.

* திருட்டு வி.சி.டி. ஒழிப்பில் மாநில அளவில் காவல்துறையின்
சிறப்பு தடுப்புபணியில் குறைந்தபட்சம் ஆயிரம் நபர் கொண்ட
‘டீம்’ அமைக்கப்பட வேண்டும். இப்போது இருக்கும் 96 நபர்கள்
கொண்ட ‘டீம்’ போதவில்லை.

* மத்திய அரசு, புதிய மற்றும் உரிமை இல்லாத திரைப்படங்களை
பதிவேற்றம் செய்பவர்கள் மற்றும் பதிவிறக்கம் செய்பவர்கள்,
இதையே தொழிலாக செய்து கொள்ளையடிக்கும் தொலைபேசி
மற்றும் இணையசேவை நிறுவனங் களை உடனடியாக தடை
செய்யவேண்டும்.

மத்திய அரசாங்கம் இதற்காக தனி கண்காணிப்பு குழு அமைக்க
வேண்டும்.
-
* திரைப்படத்தொழிலையும், அரசாங்கம் அங்கீகரிக்கப்பட்ட
தொழிலாக நினைத்து மற்ற தொழில் செய்பவர்களுக்கு இருக்கும்
அனைத்து வசதிகளையும், மரியாதையையும் அளிக்கவேண்டும்
என்பது உள்பட 14 தீர்மானங்கள் நிறைவேற்றப்பட்டன.
-
கூட்டத்தில் தமிழ் திரைப்பட தயாரிப்பாளர்கள் சங்க செயலாளர்கள்
கதிரேசன், ஞானவேல்ராஜா, பொருளாளர் எஸ்.ஆர்.பிரபு, தமிழ்நாடு
திரையரங்க உரிமையாளர்கள் சங்க தலைவர் அண்ணாமலை,
செயலாளர் பன்னீர்செல்வம், டைரக்டர்கள் பார்த்திபன், பாண்டியராஜ்,
ஆர்.வி.உதயகுமார் மற்றும் ஏராளமான தயாரிப்பாளர்கள்-தியேட்டர்
உரிமையாளர்கள் கலந்துகொண்டனர்.
-
-----------------------------------------
தினபூமி