பிஎஸ்-3 வாகனங்கள் தடை செய்யப்பட்ட விவகாரத்தில், போக்குவரத்துத் துறை பதிலளிக்க உயர் நீதிமன்றம் உத்தரவிட்டுள்ளது.

by **ayyasamy ram** Sat Apr 29, 2017 5:20 am

சுற்றுச்சூழல் மாசுப்பாட்டைக் குறைக்கும் வகையில்,
பிஎஸ்.3 ரக இன்ஜின் பொருத்திய வாகன விற்பனைக்கு,
கடந்த ஏப்ரல் 1-ம் தேதி முதல் உச்ச நீதிமன்றம் தடை
விதித்தது.

இதையடுத்து, ஏப்ரல் 1-ம் தேதி முதல் அந்த வாகனங்களை
விற்பனை மற்றும் பதிவுசெய்யத் தடை விதிக்கப்பட்டது.
இதனிடையே சாந்தி என்பவர் பிஎஸ்-3 தடைக்கு எதிராக
உயர்நீதிமன்றத்தில் வழக்கு தொடர்ந்தார்.

இது குறித்து அவர் தாக்கல் செய்த மனுவில்,'
மார்ச் 29-ம் தேதியே புதிய காரை வாங்கியும், பிஎஸ்-3
வாகனம் எனக் கூறப்பட்டு பதிவு செய்ய மறுக்கப்பட்டுள்ளது'
எனக் குற்றம்சாட்டியிருந்தார்.

இதையடுத்து இன்று விசாரணைக்கு வந்த இவ்வழக்கை
விசாரித்த நீதிபதி, போக்குவரத்து துறை பதிலளிக்க
உத்தரவிட்டுள்ளார்.

மேலும் மார்ச் 31-ம் தேதிக்கு முன்பே வாங்கப்பட்ட காப்பீடு
செய்யப்பட்ட வாகனங்களையும் பதிவு செய்யவேண்டும்
என்றும் உத்தரவிட்டுள்ளது.
-
-----------------------
விகடன்

by **Muthumohamed** Sun Apr 30, 2017 9:33 pm

நிறைய வாகனங்கள் பதிவு செய்ய முடியாமல் இருக்கிறது இதற்கு ஒரு தீர்வு வந்தால் நல்லது தான்