வெற்றிக்கு யார் காரணம்?: டில்லியில் அடித்துக் கொள்ளும் கட்சிகள்

by **ayyasamy ram** Wed Apr 26, 2017 6:25 pm

புதுடில்லி :
டில்லி மாநகராட்சி தேர்தல் முடிவுகள் இன்று
வெளியிடப்பட்டன. இதில் பா.ஜ., அமோக வெற்றி பெற்றுள்ளது.

டில்லி மாநகராட்சி தேர்தலில் ஆளும் ஆம்ஆத்மி கட்சிக்கு 2 வது
இடம் கிடைத்துள்ளது. . தேர்தல் தோல்விக்கும், வெற்றிக்கும்
யார் காரணம் என ஒவ்வொரு கட்சியும் மாறி மாறி குறைக்
கூறிக் கொண்டுள்ளன.

பா.ஜ., தலைவர்கள் கருத்து :

பா.ஜ., தேசிய தலைவர் அமித்ஷா செய்தியாளர்களிடம்
பேசுகையில், பா.ஜ.,வை அமோக வெற்றி பெற வைத்த
மக்களுக்கு நன்றி. எதிர்மறை அரசியலை மக்கள் புறந்தள்ளி
உள்ளனர்.

மோடி தலைமையில் மீண்டும் பா.ஜ., வெற்றியை பதிவு
செய்துள்ளது என கூறி உள்ளார். மாநில தலைவர் மனோஜ் திவாரி
கூறுகையில், கெஜ்ரிவால் ராஜினாமா செய்ய வேண்டும்,
அடுத்த 4 மாதங்களில் டில்லியை பா.ஜ., சுத்தப்படுத்தும் என
தெரிவித்துள்ளார்.

நிதின் கட்காரி கூறுகையில், வெற்றியும்
தோல்வியும் ஜனநாயகத்தின் அங்கம். மக்களின் தீர்ப்பை
பக்குவத்துடன் ஏற்றுக் கொள்ள வேண்டும் என கூறி உள்ளார்.

பக்குவமடைந்த காங்., :

வழக்கமாக பா.ஜ., வெற்றி பெறும் போதெல்லாம்
அவர்கள் மீது பழியை போடும் காங்கிரஸ், இந்த தேர்தலில்
அமைதி காத்து வருகிறது. இந்த தேர்தலில் பெற்ற தோல்விக்கு
தான் பொறுப்பேற்பதாக கூறி, அக்கட்சியின் டில்லி மாநில
தலைவர் அஜய்மக்கான் பதவி விலகுவதாக அறிவித்துள்ளார்.

ஆத்திரத்தில் ஆம்ஆத்மி :

மூன்றாவது இடத்திற்கு தள்ளப்பட்டுள்ள ஆம்ஆத்மி,
பா.ஜ., மீது சரமாரி குற்றச்சாட்டுக்களை அடுக்கி வருகிறது.
பா.ஜ.,வின் இந்த வெற்றிக்கு மோடி அலை காரணமல்ல.
ஓட்டுப்பதிவு இயந்திரம் கைப்பற்றப்பட்டதே காரணம்.உ.பி.,
உத்தரகாண்ட், பஞ்சாப் தேர்தல்களில் செய்ததை போன்று
இந்த தேர்தலிலும் ஓட்டு இயந்திரத்தில் முறைகேடு
செய்து பா.ஜ., வெற்றி பெற்றுள்ளது.

ஒரு இடத்தில் கூட பா.ஜ., உண்மையாக வெற்றி பெறவில்லை.
அனைத்து இடங்களிலும் ஓட்டுப்பதிவு இயந்திரத்தில் முறைகேடு
செய்து வெற்றியை பா.ஜ., கொள்ளையடித்துள்ளது என
தெரிவித்துள்ளது.

அதே சமயம் ஆம்ஆத்மியின் அதிருப்தியாளர்
யோகேந்திர யாதவ் கூறுகையில், கெஜ்ரிவாலை மக்கள்
புறக்கணித்து விட்டார்கள் என தெரிவித்துள்ளார்.
-
------------------------------
தினமலர்