ஜனாதிபதி வேட்பாளராக ஆனந்தி பென் : சுப்பிரமணியன் சுவாமி விருப்பம்

**ayyasamy ram** · **ayyasamy ram** Wed Apr 26, 2017 5:42 am

--
ஆமதாபாத் :
ஜனாதிபதி வேட்பாளராக குஜராத் முன்னாள் முதல்வர்
ஆனந்தி பென் படேலை, பாரதிய ஜனதா கட்சி முன்னிறுத்த
வேண்டும் என்று அக்கட்சியின் மூத்த தலைவர்
சுப்பிரமணியன் சுவாமி கூறியுள்ளார்.

ஜனாதிபதி பிரணாப் முகர்ஜியின் பதவிக்காலம் விரைவில்
முடிவடைய உள்ளது. இந்நிலையில், புதிய ஜனாதிபதியை
தேர்ந்தெடுப்பதற்கான தேர்தல், ஜூலை மாதத்திற்குள்
நடத்த மத்திய அரசு திட்டமிட்டுள்ளது.

இந்நிலையில், பா.ஜ. மூத்த தலைவர் சுப்பிரமணியன் சுவாமி
டுவீட்டரில் தெரிவித்துள்ளதாவது, ஜனாதிபதி தேர்தலுக்கான
சிறந்த வேட்பாளர் குஜராத் முன்னாள் முதல்வர்
ஆனந்தி பேன் படேல் ஆவார். நான் குஜராத்தின் மருமகன்
தான் என்று அவர் அதில் குறிப்பிட்டுள்ளார்.

ஆர்.எஸ்.எஸ்.தலைவர் மோகன் பகவத்தை, ஜனாதிபதி தேர்தல்
வேட்பாளராக, சிவசேனா கட்சி பரிந்துரைந்திருந்த நிலையில்,
மோகன் பகவத் மறுத்திருந்தது குறிப்பிடத்தக்கது.
-
-------------------------------------
தினமலர்

**M.Jagadeesan** · **M.Jagadeesan** Wed Apr 26, 2017 2:28 pm

" நான் குஜராத்தின் மருமகன் " என்று சு .சாமி சொல்வதன் மூலமாக ஜனாதிபதி பதவிக்கு துண்டு போடுகிறார் என்றே எண்ணவேண்டியுள்ளது .

**T.N.Balasubramanian** · **T.N.Balasubramanian** Wed Apr 26, 2017 7:50 pm

M.Jagadeesan wrote:" நான் குஜராத்தின் மருமகன் " என்று சு .சாமி சொல்வதன் மூலமாக ஜனாதிபதி பதவிக்கு துண்டு போடுகிறார் என்றே எண்ணவேண்டியுள்ளது .

மேற்கோள் செய்த பதிவு: 1240149

இவர் மனைவி ஒரு பார்ஸி. ஒருங்கிணைந்த ( மகாராஷ்டிரா+குஜராத் ) பாம்பேயில் பிறந்தவர் .குஜராத்தி .

BJP இந்த பிள்ளைப்பூச்சியை ஜனாதிபதியாக ஆக்க விரும்பாது. ஏன், எந்த கட்சியுமே விரும்பாது .
அப்பிடிப்பட்ட நல்ல குணம்

ரமணியன்