ஆந்திராவில் திருநங்கையர் நல வாரியம் அமைப்பு

-
திருநங்கையரின் கல்வி, வேலை வாய்ப்பு மற்றும்
வாழ்க்கை தரத்தை உயர்த்தும் வகையில், ஆந்திராவில்
திருநங்கையர் நல வாரியம் அமைக்கப்பட்டுள்ளதாக,
அம்மாநில அரசு தெரிவித்து உள்ளது.

ஆந்திராவில், தெலுங்கு தேசம் கட்சியைச் சேர்ந்த,
சந்திரபாபு நாயுடு முதல்வராக உள்ளார்.
இந்த மாநிலத்தில், பெண்கள், மாணவர்களின்
நலனுக்காக, மாநில அரசின் சார்பில் பல்வேறு
நலத்திட்டங்கள் செயல்படுத்தப்பட்டு வருகின்றன.

இந்நிலையில், 'திருநங்கையரின் கல்வி, வேலை
வாய்ப்பை உறுதிப்படுத்த, மாநில அரசுகள் உரிய
நடவடிக்கை எடுக்க வேண்டும்' என, சுப்ரீம் கோர்ட்
உத்தரவிட்டிருந்தது.

இதையடுத்து, தமிழகம், கேரளா, மேற்கு வங்கம்
உள்ளிட்ட மாநிலங்களில், திருநங்கையர் நல வாரியம்
அமைக்கப்பட்டது. இந்த மாநிலங்களை தொடர்ந்து,
ஆந்திராவிலும், திருநங்கையருக்கென தனி வாரியம்
அமைக்கப்பட்டுள்ளது.

திருப்பதியில் உள்ள, ஸ்ரீ வெங்கடேஸ்வரா பல்கலையில்,
மாநில அரசின் சார்பில், திருநங்கையர் நல வாரியம்
துவக்கப்பட்டுள்ளது.

இது குறித்து, மாநில அரசு அதிகாரிகள் கூறியதாவது:

ஆந்திராவில், அரசின் நலத் திட்டங்கள் அனைத்து
தரப்பினரையும் சென்றடைய வேண்டும் என்பதில்,
மாநில அரசு தீவிரமாக செயலாற்றி வருகிறது.

இதன் படி, திருநங்கையரும், சமுதாயத்தின் ஒரு அங்கம்
என்ற வகையில், அவர்களின் கல்வி, வேலை வாய்ப்பு,
வாழ்க்கை தரம் உயர்வு கருதி, அவர்களுக்கென தனி நல
வாரியம்உருவாக்கப்பட்டுள்ளது.

இதன் மூலம், பிழைப்புக்காக பாலியல் தொழிலில்
ஈடுபடும் திருநங்கையர், இந்த வாரியத்தின் உதவியால்,
மாற்றுத் தொழில் குறித்த ஆலோசனை மற்றும்
அனைத்து வகை வழிகாட்டுதல்களையும் பெற முடியும்.

அவர்களின் கல்விக்காக, இந்த வாரியம் முழு உதவி
செய்யும்.திருநங்கையருக்கானஉரிமைகள் குறித்த
விழிப்புணர்வை ஏற்படுத்தி, அவர்களின் வாழ்க்கை
தரத்தை உயர்த்துவதே, இந்த வாரியத்தின் நோக்கம்.
இவ்வாறு அவர்கள் கூறினர்.
-
----------------------------
தினமலர்

காவல் துறையில் உதவி ஆய்வாளராக ஒரு திருநங்கை நியமிக்கப் பட்டுள்ளார் .இது போதாது ; திருநங்கைகளுக்கு அமைச்சரவையிலும் இடம்தர வேண்டும் .