கொடநாடு எஸ்டேட் காவலாளி கொலை: போலீஸ் விசாரணை

**ayyasamy ram** · **ayyasamy ram** Mon Apr 24, 2017 11:39 am

-

நீலகிரி மாவட்டத்தில் உள்ளது கொடநாடு எஸ்டேட்.
இங்குள்ள பங்களாவை முன்னாள் முதல்வர் ஜெயலலிதா
ஓய்வு எடுப்பதற்காக பயன்படுத்திவந்தார்.

இந்நிலையில், கொடநாடு பங்களாவில் இன்று
(திங்கள்கிழமை) அதிகாலை 3 மணியளவில் காவலாளி
ஒருவர் படுகொலை செய்யப்பட்டார். மற்றொரு காவலாளி
அரிவாளால் வெட்டப்பட்டுள்ளார்.

10 பேர் கொண்ட கும்பல் திருட்டு முயற்சியில் ஈடுபட்டதாக
காயமடைந்த நபர் தெரிவித்துள்ளார்.

இச்சம்பவம் தொடர்பாக போலீஸ் எஸ்.பி. முரளிரம்பா,
"இன்று (திங்கள்கிழமை) அதிகாலை 3 மணியளவில் இந்தச்
சம்பவம் நடந்துள்ளது. கொடநாடு பங்களாவில் மொத்தம்
13 வாயில் கதவுகள் இருக்கின்றன. இவற்றில் 10-ம் எண்
வாயில்கதவில் பாதுகாப்புப் பணியில் ஈடுபட்டிருந்த
ஓம்பகதூர் (50) என்ற காவலாளியை திருடர்கள் அரிவாளால்
வெட்டியுள்ளனர். இதில் அவர் சம்பவ இடத்திலேயே இறந்தார்.

மற்றொரு காவலாளி கிருஷ்ண பகதூருக்கு கையில் அரிவாள்
வெட்டு விழுந்துள்ளது. அவரை கட்டிப்போட்டுவிட்டு திருட்டு
முயற்சியில் ஈடுபட்டுள்ளனர்.

காயமடைந்த அவர் கோத்தகிரி அரசு மருத்துவமனையில்
சிகிச்சைக்காக அனுமதிக்கப்பட்டுள்ளார்.

பங்களாவில் உள்ள ஓர் அறையின் ஜன்னல் உடைக்கப்
பட்டுள்ளது. ஆனால், எந்தப் பொருளும் திருடுபோனதாக
தெரியவில்லை.

மற்ற காவலாளிகள் அளித்த தகவலின்படி உடனடியாக
போலீஸ் படை அனுப்பிவைக்கப்பட்டது. மோப்ப நாய்களுடன்
வந்த 5 போலீஸ் படை சோதனையில் ஈடுபட்டது.

முதல்கட்ட சோதனையில் இது திருட்டு முயற்சி என்றே
தெரிகிறது. தொடர்ந்து தீவிர விசாரணை நடைபெற்றுவருகிறது"
என்றார்.

கொலை செய்யப்பட்ட ஓம் பகதூர் (50), தாக்கப்பட்ட கிருஷ்ண
பகதூர் ஆகிய இருவரும் நேபாளத்தைச் சேர்ந்தவர்கள்.
கடந்த 10 ஆண்டுகளாக இங்கு பணியாற்றி வருகின்றனர்.
-
---------------------------------
தி இந்து

**M.Jagadeesan** · **M.Jagadeesan** Mon Apr 24, 2017 7:59 pm

ஒரு பெண்ணுக்கு இவ்வளவு சொத்துக்கள் எதற்கு ? போகும்போது அள்ளிக்கொண்டா போனார் ?

" நந்தன் படைத்த பண்டம் நாய் பாதி ; பேய் பாதி " என்று சொல்வார்கள் .

யாரோ சம்பாதித்த பணம் யார் யாருக்கோ போகப்போகிறது ! ஒழுங்காக சம்பாதித்த பணம்தான் நல்லவழியில் செலவாகும் !

**krishnaamma** · **krishnaamma** Tue Apr 25, 2017 10:23 am

ரொம்ப பாவம் அவர்கள் சோகம்

...........ஆனால் நிறைய டாக்குமெண்ட்கள் மற்றும் பொருட்கள் திருட்டு போய் உள்ளதாக செய்திகளில் சொன்னார்கள் அண்ணா !

**ராஜா** · **ராஜா** Tue Apr 25, 2017 10:41 am

M.Jagadeesan wrote:ஒரு பெண்ணுக்கு இவ்வளவு சொத்துக்கள் எதற்கு ? போகும்போது அள்ளிக்கொண்டா போனார் ?

" நந்தன் படைத்த பண்டம் நாய் பாதி ; பேய் பாதி " என்று சொல்வார்கள் .

யாரோ சம்பாதித்த பணம் யார் யாருக்கோ போகப்போகிறது ! ஒழுங்காக சம்பாதித்த பணம்தான் நல்லவழியில் செலவாகும் !

உண்மை ஐயா ,

ஜெயலலிதா வாழ்க்கை வரலாறு மனிதர்களுக்கு ஒரு அருமையான பாடம்.

**krishnaamma** · **krishnaamma** Tue Apr 25, 2017 10:53 am

ராஜா wrote:
M.Jagadeesan wrote:ஒரு பெண்ணுக்கு இவ்வளவு சொத்துக்கள் எதற்கு ? போகும்போது அள்ளிக்கொண்டா போனார் ?

" நந்தன் படைத்த பண்டம் நாய் பாதி ; பேய் பாதி " என்று சொல்வார்கள் .

யாரோ சம்பாதித்த பணம் யார் யாருக்கோ போகப்போகிறது ! ஒழுங்காக சம்பாதித்த பணம்தான் நல்லவழியில் செலவாகும் !

உண்மை ஐயா ,

ஜெயலலிதா வாழ்க்கை வரலாறு மனிதர்களுக்கு ஒரு அருமையான பாடம்.

மேற்கோள் செய்த பதிவு: 1240000

எங்கே ராஜா, அவங்க வாழ்க்கையை கூட இருந்தே பார்த்தவர்களே இப்போது அந்த சொத்துக்காக எந்த அளவிற்கு அடித்துக் கொள்கிறார்கள் பார்த்துக்கொண்டு தானே இருக்கிறீர்கள்............. சோகம்

.....தமிழ் நாட்டையே கூறு போட்டுக்கொண்டு இருக்கிறார்களே !.............என்ன பாடம் கற்றார்கள் ? ........இதற்கு என்ன சொல்வது?????