விற்பனை வரித்துறை அதிகாரி வீட்டில் சோதனை நடத்திய போது கட்டுகட்டாக பணம், தங்கம்!

உத்தரபிரதேசம் மற்றும் உத்தரகாண்ட் மாநிலங்களில் கடந்த
புதன் கிழமை வருமான வரித்துறை அதிகாரிகள் அதிரடி
சோதனையில் ஈடுபட்டனர்.

நொய்டாவில் விற்பனை வரித்துறையில் கூடுதல் கமிஷ்னராக
இருந்த கேசவ் லால் வீட்டிலும் சோதனையானது நடத்தப்பட்டது.

அப்போது வருமான வரித்துறை அதிகாரிகள் அதிர்ச்சியளிக்கும்
வகையில் வீட்டில் பல்வேறு பகுதிகளில் கட்டுகட்டாக புதிய
ரூபாய் நோட்டுகள் சிக்கியது. வீட்டின் படுக்கை அறையில்
பதுக்கிவைக்கப்பட்டிருந்த பணமும் எடுக்கப்பட்டது.

புதிய ரூபாய் நோட்டுகள் 18 கோடியளவில் சிக்கியது.
மேலும் 10 கிலோ தங்கம் மற்றும் பிற விலை உயர்ந்த
பொருட்களும் சிக்கியது. பல்வேறு நகரில் அவர் வாங்கி
உள்ள அசையா சொத்துக்கள் தொடர்பான ஆவணங்களும்
சோதனையில் சிக்கியது.

இதுதொடர்பான வருமான வரித்துறையினர் விசாரணையில்ஈ
டுபட்டு உள்ளனர். அவர் தன்னுடைய வங்கி கணக்கு மற்றும்
லாக்கர்களில் பணம் அதிகமாக வைத்து இருக்கலாம் எனவும்
வருமான வரித்துறையினர் ஆய்வு செய்து வருகின்றனர்.
சோதனையானது நேற்று இரவு வரையில் நடந்து உள்ளது.

கைப்பற்ற பொருட்களில் மதிப்பு இன்னும் அதிகமாக
இருக்க கூடும் எனவும் கூறப்படுகிறது. புதன் கிழமை அன்று
லக்னோவில் விற்பனை வரித்துறை சார்பில் நடைபெற்ற
நிகழ்ச்சியில் கலந்துக் கொள்ள சென்றார்.

பின்னர் கான்பூர் சென்றுவிட்டார், அவரை வருமான
வரித்துறையினர் விசாரணைக்கு அழைத்து சென்றனர்.
அதிகாரிகளின் கேள்விகளுக்கு அவரால் ஆதாரங்களை
சமர்பிக்க முடியவில்லை. எப்படி இவ்வளவு பணம் மற்றும்
நகை கிடைத்தது என்பது தொடர்பாக அவர் சரியாக பதில்
அளிக்கவில்லை. உத்தரகாண்ட் மாநிலத்திலும் அதிகாரிகள்
வீடுகளில் சோதனை நடந்தது.

இருமாநிலங்களிலும் அதிகாரிகள் வீட்டில் நடத்தப்பட்ட
சோதனையில் கணக்கில் காட்டப்படாத பணம் மற்றும்
நகைகள் பறிமுதல் செய்யப்பட்டு உள்ளது.
-
-------------
தினத்தந்தி