சிவ ஆகம முறையில் வழிபாடுகள் (தமிழில்) - டிப்ளமோ வகுப்பு சேர விருப்பமா?

SRM யூனிவர்சிட்டி (தமிழ்ப்பேராயம்) மற்றும் தெய்வத்தமிழ் அறக்கட்டளையுடன் இணைந்து நடத்தும் தமிழ் அர்ச்சகர் ஓராண்டு பட்டயப் படிப்பின் இந்த வருட சேர்க்கை நடந்து கொண்டிருக்கிறது.

இந்த படிப்பு அனைவருக்கும் தேவையான ஒன்று. இதில் பெரியவர்கள், சிறியவர்கள், ஆண்கள், பெண்கள், இனம், மொழி, சாதி, நிறம் என எந்தவேறுபாடும் பார்ப்பது கிடையாது. ஒரே தகுதி தமிழ் எழுதப்படிக்க தெரிந்திருக்கவேண்டும். அவ்வளவே!

பிறப்பு முதல் இறப்பு வரை உள்ள வாழ்வியல் சடங்குகளையும் கோவில் கடவுள் மங்கலம் மற்றும் நாட்பூசைகளையும் சிவதீக்கை பெற்று தமிழில் செய்வதற்கு உரிய இந்தப் பயிற்சி வடபழனி எஸ்.ஆர்.எம். பல்கலைக்கழக வளாகத்தில் நடைபெறுகிறது.

வகுப்புகள் ஒவ்வொரு மாதமும் சனி மற்றும் ஞாயிற்றுக்கிழமைகளில் ஒரு வாரம் விட்டு ஒரு வாரம் என 4 நாட்கள் நடைபெறும். கட்டணம் ரூ.3000 (ரூபாய் மூவாயிரம் மட்டும்).

8ஆம் வகுப்பு தேர்ச்சி பெற்ற யார் வேண்டுமானாலும் விண்ணப்பித்து இவ்வகுப்பில் பயிலலாம்.
விருப்பம் உள்ளோர் இத்திரியில் தெரிவித்தால் சேர்க்கைக்கு உண்டான முயற்சி எடுக்கப்படும்.

வகுப்பு நடக்கும் இடம்: SRM University , வடபழனி, சென்னை.

தமிழ் அர்ச்சகர் ஓராண்டு பட்டயப்படிப்பு
(Diploma  in  Tamil  Archagar )

செந்தமிழ் வேள்விச்சதுரர் திரு.மு.பெ.சத்தியவேல் முருகனார்
அவர்களால் இந்தப்பட்டயப்படிப்பு நடத்தப்படுகிறது.

இந்தப் பயிற்சியில் வரும் பாடத்திட்டங்கள்:-
முதல் பருவம்
1. தமிழகச் சமய வரலாறு
2. தமிழாகமமும் கோயிற்கலையும்
3. தமிழ் மந்திரங்களும் மறை ஒழுகலாறும் (அனுட்டானம்)
4. சிவ தீக்கையும் தீக்கை வகைகளும்

இரண்டாம் பருவம்
1. சைவ சித்தாந்தம் - ஓர் அறிமுகம்
2. கடவுள் மங்கலம் (குடமுழுக்கு)
3. வண்டமிழில் வாழ்வியல் சடங்குகள்
4. கோயில் நாட்பூசை முறைகள்

தமிழ் அருட்சுனைஞர்(அர்ச்சகர்) – Diploma in Tamil Arutsunaignar (ஓர் ஆண்டு (இரண்டு பருவம்)
பட்டயப்படிப்பு) – ஒரு செய்தி தொகுப்பினைக்காண...

http://dheivathamizh.org/video/

விருப்பமுள்ளோர் சேர்ந்து பயன்பெறுங்கள் ,