பிரேக்கிங் நியூஸ் (ஒரு பக்கக் கதை )

**ayyasamy ram** · **ayyasamy ram** Sat Apr 15, 2017 6:25 am

எல்லா பரபரப்பும் அடங்கியும் பிரேக்கிங் நியூஸ் ஃ
போபியா ராஜியை விட்ட பாடில்லை... பள்ளியில் இருந்து
திரும்பிய மகள் யமுனாவைக் கூட கவனிக்காமல் மீண்டும்
மீண்டும் செய்திச் சேனல்களை மாற்றி மாற்றி பார்த்துக்
கொண்டிருந்தாள். “சே! உருப்படியாக ஒன்றும் இல்லை.”
-
“என்னம்மா இப்படி பண்றியேம்மா? பசிக்குது ஏதாவது
குடும்மா” என்றாள் யமுனா .
-
“ஒரு அஞ்சு நிமிஷம் இருடி. ஏதாவது பிரேக்கிங் நியூஸ்
வருதான்னு பாத்துட்டுப் போறேன். அதுக்கு முன்னாடி
சமயக்கட்டுல ஜூஸ் பிழிஞ்சு வச்சுருக்கேன் எடுத்துக் குடி”
என்று தலையைத் திருப்பாமல் கூறினாள் ராஜி.
-
“அம்மா! கொஞ்ச நாளா உனக்கு என்னமோ ஆயிடிச்சி”
என்று சொல்லிக் கொண்டே ஜூசைக் எடுத்துக் கொண்டு
வந்து சோபாவில் ராஜியின் பக்கத்தில் அமர்ந்து குடிக்கத்
தொடங்கினாள் யமுனா
-
அதற்குள் விளம்பர இடைவேளை வர “இதோ பாருடி
உனக்கு நான் மேகி செஞ்சு கொண்டு வரேன்.
அதுவரைக்கும் ஜூஸ் குடிச்சிக்கிட்டே டிவி
பாத்துக் கிட்டு இரு. ஏதாவது பிரேக்கிங் நியூஸ் வந்தா
உடனே என்னை கூப்பிடு . சரியா?
என்று சொல்லி விட்டு வேகமாக சமையலறை சென்றாள்.
-
ஒரு சில நிமிடங்களிலேயே யமுனாவின் குரல் ஒலித்தது
“அம்மா ஒரு பிரேக்கிங் நியூஸ். சீக்கிரம் வா!"
-
“என்ன? என்ன? கையில் கரண்டியுடன் டிவியைப் பார்த்துக்
கொண்டே ஓடிவந்தாள் ராஜி..
-
“அம்மா! ஓடிவராதே! கீழே பாத்து வா!” என்று கத்த ராஜி
கீழே பார்த்தாள்.ஜூஸ் டம்பளர் கீழே விழுந்து சுக்கு நூறாக
உடைந்திருந்தது .
-
“அடியே! உன்ன... “என்று கரண்டியை தூக்கி வீச யமுனா
நகர்ந்து கொள்ள கரண்டி டிவியை நோக்கி பறந்து கொண்ருந்தது
யமுனா சிரித்துக் கொண்டே கலாய்த்தாள்
-
" அம்மா! இன்னொரு பிரேக்கிங் நியூஸ்"

*********************************************
டி.என்.முரளிதரன்
குமுதம்

பாலாஜி · பாலாஜி Sat Apr 15, 2017 12:05 pm

**krishnaamma** · **krishnaamma** Sun Apr 16, 2017 5:22 pm

அச்சச்சோ............ ஜாலி

Sponsored content · Sponsored content

பிரேக்கிங் நியூஸ் (ஒரு பக்கக் கதை )

பிரேக்கிங் நியூஸ் (ஒரு பக்கக் கதை )

Re: பிரேக்கிங் நியூஸ் (ஒரு பக்கக் கதை )

Re: பிரேக்கிங் நியூஸ் (ஒரு பக்கக் கதை )

Re: பிரேக்கிங் நியூஸ் (ஒரு பக்கக் கதை )

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக