நேற்று இரவு திடீரென்று குண்டுகளின் அன்னை’ எனப்படும் உலகின் சக்திவாய்ந்த வெடிகுண்டை ஆப்கானிஸ்தான் மீது வீசியது அமெரிக்கா..!

1945 ஆம் ஆண்டு ஜப்பான் மீது தாக்குதல் நடத்திய பிறகு, வீசப்பட்டுள்ள மிகப்பெரிய குண்டு இதுவாகும்.

ஆப்கானிஸ்தானின் ஆசின் மாவட்டத்தில் ஐ.எஸ் அமைப்பினர் அதிகம் வசிக்கக்கூடிய பகுதியான ‘நங்கர்ஹார்’ பகுதியில் மிகப்பெரிய வெடிகுண்டை வீசி தாக்குதல் நடத்தியுள்ளதாக அமெரிக்க ராணுவம் தெரிவித்துள்ளனர்.

‘குண்டுகளின் அன்னை ’ என விவரிக்கப்படும் சுமார் 21,000 பவுன்ட் எடையுள்ள ‘MOAB’ எனப்படும் சக்திவாய்ந்த குண்டை இரவு சுமார் 7.30 மணியளவில் ஆப்கானிஸ்தான் மேல் வீசப்பட்டுள்ளது.

ஈராக் போரின் போது உருவாக்கப்பட்ட இந்த வெடிகுண்டை முதன்முறையாக அமெரிக்கா பயன்படுத்தியுள்ளது.

எனினும் இது அணுகுண்டு அல்ல அமெரிக்க ராணுவ தலைமைச் செயலகமான பெண்டகன் தெரிவித்துள்ளது.

ஐ.எஸ். அமைப்பினரின் கட்டுப்பாட்டில் இருக்கும் சுரங்கங்கள், அவர்கள் பதுங்கி வாழ பயன்படுத்தப்படும் குகைகள் உள்ளிட்டவற்றை குறிவைத்து நடத்தப்பட்ட இத்தாக்குதலில் மிகப்பெரிய உயிர்சேதம் ஏற்பட்டிருக்கலாம் என எதிர்ப்பார்க்கப்படுகிறது.

தீவிரவாதிகள் மட்டுமல்லாது அப்பாவி மக்களும் இத்தாக்குதலில் உயிரிழந்திருக்கக்கூடும் எனவும் அஞ்சப்படுகிறது.

ஐ.எஸ் அமைப்பினருக்கும் அமெரிக்காவும் இடையில் நடந்துவரும் கடும் சண்டையில் அமெரிக்க ராணுவ அதிகாரி ஒருவர் கடந்த சனிக்கிழமையன்று கொல்லப்பட்டார்.

இந்நிலையில் அமெரிக்க ராணுவத்தின் இத்தாக்குதல் ஆப்கானிஸ்தானில் வாழும் அப்பாவி மக்களை பெரும் அச்சத்தில் ஆழ்த்தியுள்ளது.

நன்றி~ செய்தி புனல்

தீவிரவாதிகளை ஒழிக்கும்போது அப்பாவி மக்களும் அடிபடுகிறார்கள்.
தீவிரவாதிகள் எதை சாதிக்க நினைக்கிறார்கள்? எந்த ஒரு மதமும் பிற மதத்தினரை அழிக்கக்கூறுகிறதா ?
இல்லையே , பின் ஏன் இந்த மதமாற்ற தீவிரவாதம் ?
அமெரிக்கா அடுக்குமுறையும் பெரிய அண்ணன் செயல்பாடும் கண்டிக்கத்தக்கது.வெறுக்கத்தக்கது.
பாவம் அப்பாவி மக்கள்.
ரமணியன்

மற்ற ஊடகங்களில் இருந்து எடுத்து பதிவிடும் போது,
ஆதாரம் /மூலம் எந்த ஊடகத்தில் இருந்து எடுக்கப்பட்டது
என்பதை தெரிவிப்பதுடன் , அவர்களுக்கு நன்றி சொல்லுவது
ஈகரையின் விதிமுறைகளில் ஒன்று.
இனி ஆதாரங்களையும் நன்றியுடன் பதிவிடவும் மூர்த்தி அவர்களே..

ரமணியன்