விவசாயிகளுக்கு ஆதரவாக கத்திப்பாராவில் போராட்டம் : ஸ்தம்பித்தது சென்னை!

டெல்லியில் கடந்த ஒரு மாத காலமாகப் போராடிவரும்
தமிழக விவசாயிகளுக்கு ஆதரவாக, சென்னை கத்திப்பாரா
பாலத்தில் போராட்டம் நடைபெற்றுவருகிறது.

இயக்குநர் கௌதமன் தலைமையிலான இந்தப் போராட்டத்தால்,
போக்குவரத்து கடுமையாகப் பாதிக்கப்பட்டுள்ளது.

மக்கள் அலுவலகம், கல்லூரி, பள்ளி செல்லும் நேரம் என்பதால்
போக்குவரத்து கடுமையாக பாதிக்கப்பட்டுள்ளது.

அந்த வழியாகச் செல்லும் அனைத்து வாகனங்களும் தேங்கி
நிற்கின்றன!
-
இயக்குநர் கௌதமன் தலைமையிலான போராட்டக்
குழுவினர், கத்திப்பாரா மேம்பாலத்தில் சாலையை சங்கிலியால்
மறித்துப் பூட்டி வைத்துவிட்டனர்.

இந்த மறியல் போராட்டத்தைத் தடுக்க காவல்துறை முயற்சி
செய்துவருகிறது
---
விகடன்

-
நன்றி- விகடன்

சென்னை ஸ்தம்பிப்பு.. உளவுத்துறை கண்ணில் மண்ணை தூவி,
சர்ஜிக்கல் ஸ்ட்ரைக் போல நடந்த போராட்டம்!
--
தமிழ ஒன் இந்தியா செய்தி
-----------------

வெற்றிகரமான போராட்டம்
ஆனால் சமூக வலைத்தளங்கள் பெருகிவிட்ட இக்காலகட்டத்தில் கூட,
உளவுத்துறையால் மாணவர்கள் திரள், கவுதமனின் நடவடிக்கைகளை
கண்டுபிடிக்க முடியவில்லை என்பதே கேலிக்கூத்துதான்.

ஜல்லிக்கட்டு பிரச்சினையின்போது கவுதமன் முன்னின்று
போராடியவர். வழக்கமாக இதுபோன்ற போராட்டக்காரர்களை
உளவுத்துறை தொடர்ந்து கண்காணித்து வரும்.

இது தனிமனித சுதந்திரத்திற்கு எதிரானது என்ற கோஷங்களும்
எழும். ஆனால் கவுதமன் இதையெல்லாம் தாண்டி போராட்டம்
நடத்துவதில் வெற்றி பெற்றுள்ளார்.

சர்ஜிக்கல் ஸ்டிரைக்

மின்னல் வேகத்தில் நடந்த இந்த போராட்டம், ஏறத்தாழ, ராணுவ
வீரர்கள் நடத்தும், சர்ஜிகல் ஸ்டிரைக் போல இருந்தது.
அரசு நிர்வாகங்களால் இதை ஊகிக்கவே முடியவில்லை.
டிராபிக் நெரிசலில் சென்னை விழிபிதுங்கிய பிறகுதான் ஓரளவுக்கு
நடப்பது என்ன என்பதை காவல்துறை, உளவுத்துறை அறிந்து
கொள்ள முடிந்தது.

போராட்ட களம்

மேலும், போராட்டக்காரர்கள், சென்னையின், முக்கியமான இடத்தை
போராட்ட களமாகக தேர்வு செய்துள்ளனர். விமான நிலையத்திலிருந்து
வரும் வாகனங்களை ஸ்தம்பிக்க வைத்துள்ளனர்.

போராட்ட களமாக சென்னை நகரின் நுழைப் பகுதியைத் தேர்வு
செய்துள்ளனர்.

பலமுனை நெரிசல்

இந்த போராட்டம் காரணமாக, வெளியூர்களுக்குப் போகும் முக்கிய
சாலையான பூந்தமல்லி நெடுஞ்சாலை ஸ்தம்பித்தது. அண்ணா
சாலையை நோக்கிய போக்குவரத்தும் பாதிக்கப்பட்டது.
பலமுனைகளிலும் போக்குவரத்து பெரும் பாதிப்பு ஏற்பட்டது.

மக்களின் கருத்து

அதேநேரம், போக்குவரத்து நெரிசலில் சிக்கியிருந்தாலும் கூட
பலர் போராட்டம் நியாயமானதே என்றனர்.
சிலர் நியாயமானது என்றாலும் வேறு இடத்தில் செய்திருக்கலாம்
என்றனர்.

மக்களிடம் ஒரேடியாக வெறுப்பை சம்பாதிக்கவில்லை என்ற
போதிலும், சிலர் அசவுகரியத்தை உணர்ந்ததாக வேதனைப்பட்டனர்.

எப்படியோ மாநில காவல்துறை, உளவுத்துறை, மாணவர்கள்
போராட்டத்தின் முன்பு தோற்றுவிட்டதாகவே தெரிகிறது.

விவசாயிகளுக்கு வலுக்கிறது ஆதரவு...
-

சாலையை மறித்து சங்கிலியால் பூட்டுப் போட்டு நடத்தப்பட்ட
இந்தப் போராட்டத்தால் சுமார் 40 நிமிடங்கள் போக்குவரத்து
பாதிப்பு ஏற்பட்டது.

சம்பவ இடத்திற்கு வந்த போலீசார், அவர்களுடன் பேச்சுவார்த்தை
நடத்தினர்.
பின்னர் இயக்குனர் கவுதமன் உள்ளிட்ட போராட்டக்காரர்கள்
கைது செய்யப்பட்டனர்.
-
புதிய தலைமுறை