தலை நிமிர் தமிழா !

jairam · jairam Wed 12 Apr 2017 - 8:26

சங்கமொழி ஈன்ற சரித்திர தமிழா
செம்மொழி வென்ற சாதனை தமிழா
தம்மொழி பேச தயங்கும் நீ !
ஓர்னொடி சிற்பங்களைப் பார் ! உன் சிறப்பறிவாய் !

காவிரியில் கல்லணை கம்பீரமாய் நிற்க‌
கடல்கடந்து கம்போடியா கலை சிறக்க‌
நீமட்டும் ஏனோ மதிப்பிழந்து நிந்தையாய் !
சிந்தை செய் கர்மவீரனை ! அறிவாய் விந்தையை !

மஞ்சள்பை மண்பானை மறந்தே போய்விட‌
கரகாட்டம் கபடியாட்டம் கணினியிலே கண்டுவிட‌
மஞ்சுவிரட்டையும் கெஞ்சும் அரசியலாக்கிய நீ
நாளை அடையாளம் அறியா அனாதையாய் ! வினோதமாய் !

பரதம் பாரெங்கும் தமிழன் பறைசாற்றிட‌
ஆதி அமுதமொழி அகிலமெங்கும் அலையடிக்க‌
ஆதிக்க அரசியலோ அழிக்கத் துடித்திட‌
மறந்தும் இடம் கொடீர் ! நாளை நமதாகிட !

உலகப் பொதுமறை ஓங்கி ஒலித்திட‌
தமிழினம் தரணியில் தளறாமல் தழைத்திட
தலை நிமிர் தமிழா ! நீ
தன்னிகரற்ற‌ தலைவனாய் ! ஓர் ஈடற்ற இதிகாசமாய் !

**T.N.Balasubramanian** · **T.N.Balasubramanian** Wed 12 Apr 2017 - 21:58

வாவ் ஜெயராம் .
ஒவ்வொரு வரியும் மிகவும் அருமை. அன்பு மலர்

ரசித்தேன்.

ரமணியன்

**T.N.Balasubramanian** · **T.N.Balasubramanian** Wed 12 Apr 2017 - 22:02

உங்கள் அர்த்தமிகு அழகு கவிதைகளை ரசிப்பேன் .
நீண்ட நாட்களாக ஈகரை பக்கம் வரவில்லையே ? ஏன்?
நலம்தானே!
ரமணியன்

இந்த பதிவைத் துவங்கியவர் நன்றி கூறியுள்ளார் T.N.Balasubramanian

jairam · jairam Thu 13 Apr 2017 - 19:34

மிக்க நன்றி ஐயா ! இங்கு நான் நலம். உமது நலம் அறிய ஆவல் . ஈகரை பக்கம் பார்ப்பதுண்டு .பதிவுகள் இடவில்லை. காரணம் பெரிதாக ஒன்றும் இல்லை. ஆனால் ஈகரையை இழக்கவோ , மறக்கவோ இயலாத காரணத்தால் மீண்டும் ஈகரையில் இனிவுடன் இயங்க வந்துவிட்டேன்.

" ஊக்குவிக்க ஒருவன் இருந்தால்..
ஊக்குவிற்பவன் கூட தேக்கு விற்பான்..! " என்ற கவிஞர் வாலியின் கவி போல உம்மை போன்றவர்கள் தரும் ஊக்கம் எனை போன்ற புதிய ஆர்வலர்களுக்கு நல்ல உத்வேகத்தை தருகிறது. நன்றி பாலசுப்ரமணியம் ஐயா .

**krishnaamma** · **krishnaamma** Thu 13 Apr 2017 - 19:39

எங்களுடன் கலந்து பேசுங்கள், பின்னூட்டங்கள் மூலம் புன்னகை

**krishnaamma** · **krishnaamma** Thu 13 Apr 2017 - 19:40

T.N.Balasubramanian wrote:வாவ் ஜெயராம் .
ஒவ்வொரு வரியும் மிகவும் அருமை.
ரசித்தேன்.

ரமணியன்

ஆமாம் ஐயா, கவிதை மிக அருமை ஜெயராம் ! மகிழ்ச்சி

jairam · jairam Thu 13 Apr 2017 - 19:44

கண்டிப்பாக பேசுகிறேன், கருத்துக்களை பகிர்கிறேன் .

**krishnaamma** · **krishnaamma** Thu 13 Apr 2017 - 20:18

jairam wrote:கண்டிப்பாக பேசுகிறேன், கருத்துக்களை பகிர்கிறேன் .

மேற்கோள் செய்த பதிவு: 1238669

ரொம்ப சந்தோஷம் ...........நாங்கள் வயதானவர்கள் ஒருவருக்கு ஒருவர் பேசிக்கொள்வதைவிட உங்களை போல குழந்தைகளிடம் பேசினால் நன்றாக இருக்கும் எங்களுக்கு புன்னகை

jairam · jairam Thu 13 Apr 2017 - 23:39

நீங்கள் குழந்தை என்று எனைக் கூறியது எனக்கு ஆனந்தமே. ஆனால் அதை என் ஐந்து வயது குழந்தை ஏற்கவேண்டுமே. எது அப்படி இருக்கட்டும். உமைப் போன்ற பெரியவர்களின் நட்பே என் பெரிய சொத்துதான்.

**M.Jagadeesan** · **M.Jagadeesan** Fri 14 Apr 2017 - 8:23

கவிதை மிகவும் நன்று . தொடர்ந்து எழுதுங்கள் !

Sponsored content · Sponsored content

தலை நிமிர் தமிழா !

தலை நிமிர் தமிழா !

Re: தலை நிமிர் தமிழா !

Re: தலை நிமிர் தமிழா !

Re: தலை நிமிர் தமிழா !

Re: தலை நிமிர் தமிழா !

Re: தலை நிமிர் தமிழா !

Re: தலை நிமிர் தமிழா !

Re: தலை நிமிர் தமிழா !

Re: தலை நிமிர் தமிழா !

Re: தலை நிமிர் தமிழா !

Re: தலை நிமிர் தமிழா !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக