புதிய கங்கா நகர் ரயிலை மயிலாடுதுறை வரை நீட்டிக்க நடவடிக்கை மேற்கொள்ள வேண்டும் : பாரதிமோகன் எம்.பி. வலியுறுத்தல்

புதுடெல்லி -
புதிய கங்கா நகர் ரயிலை மயிலாடுதுறை வரை நீட்டிக்க நடவடிக்கை
மேற்கொள்ள வேண்டும் என்று இரயில்வே அமைச்சருக்கு
ஆர்.கே.பாரதிமோகன் எம்.பி. வலியுறுத்தி உள்ளார்.

இதுகுறித்து அவர் வெளியிட்டுள்ள செய்திகுறிப்பு வருமாறு.,

ராஜஸ்தான் மாநிலத்தில் உள்ள கங்கா நகரிலிருந்து - திருச்சிராப்பள்ளி
வரை ஒரு புதிய எக்ஸ்பிரஸ் இரயிலை இரயில்வேதுறை இயக்க
உள்ளது.

இந்த இரயில் தஞ்சாவூர், கும்பகோணம், வழியாக மயிலாடுதுறை
வரை நீட்டிக்கப்பட்டால் எனது மயிலாடுதுறை பாராளுமன்ற தொகுதியை
சேர்ந்த பாபநாசம், கும்பகோணம், மயிலாடுதுறை பகுதிகளில் வசிக்கும்
வடமாநில மக்களுக்கு பெரிதும் பலனாக இருக்கும்.

இதன் மூலம் டெல்டா பகுதியை சேர்ந்த மக்களுக்கு பகல் நேரத்தில்
சேலம் செல்ல ஒரு நேரடி இரயில் வசதி கிடைக்கும்.

எனவே புதிய கங்கா நகர் இரயிலினை மயிலாடுதுறை வரை நீட்டிக்க,
நடவடிக்கை மேற்கொள்ள இரயில்வேத்துறை அமைச்சரை கேட்டு
கொள்கிறேன்.
-
இரட்டை பாதையாக மாற்றிட...
-
மேலும் மிகப்பழமையான மயிலாடுதுறை வழியாக விழுப்புரம் - திருச்சி
இரயில் பாதையில் ஆண்டு பயணிகள் பயணச்சீட்டு வருவாய்
ரூ.60 கோடிக்கும் மேலாக உள்ளது. இப்பாதை ஒற்றை பாதையாக உள்ளதால்.
புதிய இரயில்கள் இயக்குவதும், தற்போது ஓடும் இரயில்களின் வேகத்தை
அதிகப்படுத்தவும் சாத்தியமில்லாமல் உள்ளது. எனவே ரயில் பயணிகளின்
வசதியையும், இரயில் இயக்க வசதியையும் கருதி தஞ்சாவூர் - விழுப்புரம்
பிரிவை மின்மயத்துடன் கூடிய இரட்டை பாதையாக மாற்றிட வேண்டுகிறேன்.

இரயில்வேத்துறை அமைச்சரை மயிலாடுதுறை பாராளுமன்ற தொகுதி
மக்களின் சார்பாக இந்த கோரிக்கைளை விரைவில் செயல்படுத்த நடவடிக்கை
எடுக்குமாறு
பணிவுடன் கேட்டு கொள்கிறேன். இவ்வாறு அந்த செய்தி குறிப்பில்
கூறப்பட்டுள்ளது.
-
------------------------------------
தினபூமி

வாழ்த்துக்கள் ஐயா , தமிழ்நாட்டின் மிக முக்கியமாக இரயில் நிலையங்களில் ஒன்று மயிலாடுதுறை இரயில் நிலையம்.

இரயில்வே துறை ஆவண செய்யும் என எதிர்பார்க்கிறோம்

அகலப்பாதை வரும்முன்...
-
மயிலாடுதுறையிலிருந்து தாம்பரத்திற்கு இரவில் பாசஞ்சர்
ரயில் ஒன்று போய்க் கொண்டிருந்தது
-
இதனை மீண்டும் ஓட விட்டால், ரிசர்வ் செய்து
பயணம் செய்ய வசதி இல்லாதவர்களுக்கு பயனுள்ளதாக
அமையும்
-

ayyasamy ram wrote:அகலப்பாதை வரும்முன்...
-
மயிலாடுதுறையிலிருந்து தாம்பரத்திற்கு இரவில் பாசஞ்சர்
ரயில் ஒன்று போய்க் கொண்டிருந்தது
-
இதனை மீண்டும் ஓட விட்டால், ரிசர்வ் செய்து
பயணம் செய்ய வசதி இல்லாதவர்களுக்கு பயனுள்ளதாக
அமையும்
-

அகலப்பாதை வருவதற்கு முன் நிறைய இரயில்கள் செல்லும் , அகன்றபாதைக்காக பணிக்காக போக்குவரத்தை நிறுத்தும் போது சில இரயில்தடங்களை அரியலூர் வழி செல்லும் இன்னொரு பாதைக்கு மாற்றினார்கள் , பிறகு அவற்றை இத்திரும்ப கொண்டுவரவே இல்லை.


இப்ப , கொஞ்சம் அதிகப்படுத்தியிருக்கிறார்கள்

பொது தேர்தலுக்கு முன்பு அமுல் படுத்தப்படும்.

ரமணியன்