இந்தியாகடலில் தத்தளித்த பாகிஸ்தான் கமாண்டோக்களை மீட்டது இந்திய கடலோர காவல்படை

புதுடெல்லி :
குஜராத் கடல் பகுதி அருகே இந்திய மீனவர்களை பிடித்து
சென்றபோது, படகு கவிழந்த விபத்தில் உயிருக்கு போராடிய
பாகிஸ்தான் கடற்படை கமாண்டோக்கள் இருவரை, இந்திய
கடலோர பாதுகாப்பு படை உயிருடன் மீட்டது.

3 கமாண்டோக்களின் உடல்களும் ஒப்படைக்கப்பட்டன.
பதிலுக்கு இந்திய மீனவர்கள் 63 பேரையும் பாகிஸ்தான் விடுவித்தது.

குஜராத் கடல் பகுதி அருகே இந்திய மீனவர்கள் மீன்பிடித்துக்
கொண்டிருந்தனர். அப்பாது அங்கு பாகிஸ்தான் கடற்படை
கமாண்டோக்கள் 6 பேர் ஒரு படகில் வந்து, இந்திய மீனவர்களின்
7 படகுகளை சுற்றிவளைத்து பாகிஸ்தான் கொண்டு சென்றனர்.

அப்போது பாகிஸ்தான் கமாண்டோக்கள் வந்த படகு இந்திய
மீனவர்களின் படகு ஒன்றில் மோதி தலைகீழாக கவிழ்ந்தது.

இதில் பாகிஸ்தான் வீரர்களும் 6 பேரும் சிக்கி கொண்டனர்.
இத்தகவல் கிடைத்ததும் அங்கு இந்திய கடலோர பாதுகாப்பு
படையின் ‘அரின்ஜே’ என்ற கப்பல் விரைந்து மீட்பு நடவடிக்கையில்
ஈடுபட்டது. இரு கமாண்டோக்கள் உயிருடன் மீட்கப்பட்டனர்.

கடலில் மூழ்கி இறந்த 3 கமாண்டோக்களின் உடல்களும்
மீட்கப்பட்டன. ஒருவரை காணவில்லை. உயிருடன் மீட்கப்பட்ட
2 கமாண்டோக்கள், இறந்த 3 கமாண்டோக்களின் உடல்களை
இந்திய கடலோர காவல் படை பாகிஸ்தானிடம் ஒப்படைத்தது.

இந்தியாவின் முன்னாள் கடற்படை அதிகாரி
குல்பூஷன் ஜாதவுக்கு பாகிஸ்தான் மரண தண்டனை விதித்துள்ள
நிலையில், பாகிஸ்தான் கமாண்டோக்கள் இருவரை இந்திய வீரர்கள்
காப்பாற்றியுள்ளனர்.

இதற்கு பிரதிபலனாக சிறைபிடிக்கப்பட்ட இந்திய மீனவர்கள்
63 பேரையும் பாகிஸ்தான் விடுவித்தது.
-
தினகரன்

நாம் காப்பாற்றியது ஆச்சரியம் இல்லை, பதிலுக்கு அவர்கள் நம் ஆட்களை அனுப்பியது தான் ஆச்சரியம்