ராமர் கோயிலை எதிர்ப்போர் தலையை எடுப்பேன்: பா.ஜ.க. எம்.எல்.ஏ. பகிரங்க மிரட்டல்

ஐதராபாத்:

ராமர் கோயில் கட்டுவதை யாராவது எதிர்த்தால் அவர்களின்
தலையை எடுப்பேன் என்று பா.ஜ. எம்.எல்.ஏ. மிரட்டல்
விடுத்துள்ளார். இது தொடர்பான வீடியோ பரபரப்பை ஏற்படுத்தி
உள்ளது.

ஐதராபாத்தைச் சேர்ந்த பா.ஜ. எம்.எல்.ஏ., ராஜா சிங்,
ராமநவமி விழாவில் பங்கேற்று பேசுகையில் அயோத்தி ராமர்
கோயில் பற்றி பேசி உள்ளார். “அயோத்தியில் ராமர் கோயில்
கட்டினால் கடும் விளைவுகள் ஏற்படும் என்று எச்சரிக்கிறார்கள்.

அவர்களுக்காகத் தான் காத்திருக்கிறோம்.
ராமர் கோயில் கட்டுவதை தடுத்தால், உங்களின் தலைகள்
எடுக்கப்படும்.

இது போன்ற துரோகிகளின் தலையை எடுக்கத் தான் பல
ஆண்டுகளாக காத்திருக்கிறோம். உங்களை வரவேற்கிறோம்”
என்று அவர் பகிரங் கமாகவே மிரட்டல் விடுத்தார்.

“அயோத்தியில் எப்படியும் ராமர் கோயில் கட்டு வோம்.
ஏனென்றால், இப்போது அங்குநடப்பது குண்டர்கள் ஆட்சி அல்ல”
என்றும் அவர் சுட்டிக்காட்டி பேசி இருப்பது சமூக வலை
தளங்களில் வீடியோவாக வலம் வந்து பரபரப்பை ஏற்படுத்தி
உள்ளது.
-
இதற்கு முன்பும் பசுக்களை பாதுகாப்பதற் காக இவர் பேசிய
பேச்சும் வன்முறையை தூண்டும் வகையில் இருந்தது.

பசுக்களை கொல்கிற தலித்துகளை தாக்குவது சரியான ஒன்று.
அதை நான் ஆதரிக்கிறேன். அவர்களுக்கு பாடம் கற்பிப்பதை
ஆதரிக்கிறேன் என்று குறிப்பிட்டதும் பிரச்னை கிளப்பியது.

இது தொடர்பாக அவர் மீது வழக்கும் பதிவு செய்யப்பட்டுள்ளது.
சர்ச்சைக்குரிய வகையில் பேசியதற்காக பல முறை அவர்
கைதாகி இருப்பதும் குறிப்பிடத்தக்கது. தெலுங்கானா சட்டசபையில்
பா.ஜ.கொறடாகவும் அவர் இருக்கிறார்.

ராஜாசிங்கின் இந்த வன்முறை பேச்சு ஏற்கத்தக்கது அல்ல
என்று ஆர்.எஸ்.எஸ். கூறி உள்ளது. இது போன்ற வன்முறை
பேச்சுகள் கண்டிக்கத்தக்கது. அதை ஒருபோதும் ஆதரிக்க மாட்டோம்.
இத்தகைய கருத்துக்களும், செயல் பாடுகளும் எங்களுக்கு
உடன்பாடானது அல்ல என்று ஆர்.எஸ்.எஸ். முன்னணி தலைவர்
ராகேஷ் சின்கா டில்லியில் நிருபர்களிடம் கூறினார்.
-
------------------------------------
தினமலர்