அமைச்சர் விஜயபாஸ்கர் வீட்டில் கைப்பற்றிய ஆவணத்தில் ஜெயலலிதா கைநாட்டை உறுதி செய்த டாக்டருக்கு ரூ.5 லட்சம் பட்டுவாடா

**ayyasamy ram** · **ayyasamy ram** Mon Apr 10, 2017 4:24 am

சென்னை :
தமிழக சுகாதாரத் துறை அமைச்சர் விஜயபாஸ்கரின் கிரீன்ஸ்வேஸ்
சாலையில் உள்ள அரசு வீடு, புதுக்கோட்டையில் உள்ள வீடு,
அவரது நண்பர்கள், உறவினர்கள் வீடுகள், அவருக்கு சொந்தமான
கல் குவாரிகளில் வருமான வரித்துறையினர் கடந்த 7ம் தேதி அதிரடி
சோதனையில் ஈடுபட்டனர். அந்த சோதனை நேற்று முன்தினம்
அதிகாலை 4 மணிக்கு முடிவடைந்தது. அதில்,

பல முக்கிய ஆவணங்கள் கைப்பற்றப்பட்டதாக தகவல்கள் வெளியாகியது.
அதில் ஒரு ஆவணத்தில் செலவு பட்டியலில் அரசு டாக்டர் பாலாஜிக்கு
கடந்த நவம்பர் 1ம் தேதி ரூ.5 லட்சம் கொடுக்கப்பட்டதாக குறிப்பிடப்
பட்டுள்ளது.

அண்மையில் நடைபெற்ற தஞ்சை, அரவக்குறிச்சி, திருப்பரக்குன்றம்
தேர்தல்களில் வேட்பு மனுத்தாக்கல் செய்த 3 அதிமுக வேட்பாளர்களுக்கு
சின்னம் ஒதுக்கக் கோரும் ‘பி’ பார்ம் படிவத்தில் அதிமுக
பொதுச்செயலாளர் என்ற வகையில் ஜெயலலிதா கையெழுத்து போட
வேண்டும்.

ஆனால், மருத்துவமனையில் இருந்த நிலையில் அவரின் கையெழுத்துக்கு
பதிலாக அவருடைய பெருவிரல் ரேகை பதிக்கப்பட்டு இருந்தது.

இதற்கு சென்னை ராஜீவ்காந்தி அரசு மருத்துவமனையின் டாக்டர்
பி.பாலாஜி ஒப்புதல் அளித்திருந்தார். மேலும் ஜெயலலிதாவின் வலது
கைவீக்கம் அடைந்திருந்ததால் அவரது இடது கைவிரல் ரேகை பெற்றிருப்பதாக
அப்போது தெரிவிக்கப்பட்டிருந்தது. உடல்நிலை சரியில்லாமல் உள்ள ஒருவர்
எப்படி கைரேகை வைக்க முடியும் என்று பல்வேறு அரசியல் கட்சிகளின்
தலைவர்கள் அப்போதே கேள்வி எழுப்பினர்.

அப்போது அந்த விவகாரம் பெரும் சர்ச்சையை ஏற்படுத்தியது.
ராஜீவ்காந்தி அரசு மருத்துவமனையின் டாக்டர் பி.பாலாஜி சாட்சியாக
இருந்ததாகவே ஒப்புதல் அளித்ததாக அப்போது தேர்தல் ஆணையத்திலும்
தெரிவிக்கப்பட்டது.

அதற்கான நன்றி கடன் மற்றும் தங்கள் சொன்னதை செய்ததற்காக
ரூ.5 லட்சம் பணத்தை விஜயபாஸ்கர் டாக்டர் பாலாஜிக்கு வழங்கியுள்ளார்.
இவை கைப்பற்றபட்டுள்ள ஆவணத்தின் மூலம் தெரியவந்துள்ளது.
இது தமிழக அரசியலில் பெரும் பரபரப்பை ஏற்படுத்தியுள்ளது.
-
------------------------------
தினகரன்

**T.N.Balasubramanian** · **T.N.Balasubramanian** Mon Apr 10, 2017 6:50 am

ஆல் இந்திய மெடிக்கல் அசோசியேஷன் இந்த டாக்டரை
சரிவர விசாரித்து அவசியமெனில்,
அவர் டாக்டராக பணிபுரிவதை தடை செய்யவேண்டும்.

ரமணியன்

**M.Jagadeesan** · **M.Jagadeesan** Mon Apr 10, 2017 11:58 am

" படித்தவன் பாவம் செய்தால் ஐயோவென்று போவான் " என்று பாரதியார் பாடியுள்ளார் .

இப்போது பாவம் செய்தவர்கள் அனைவருமே படித்துப் பட்டம் பெற்ற டாக்டர்கள் .

அமைச்சர் Dr . விஜயபாஸ்கர் , மருத்துவப் பல்கலைக்கழக துணைவேந்தர் கீதாலட்சுமி , அரசு டாக்டர் பாலாஜி எல்லோருமே விசாரணை வளையத்திற்குள் சிக்கியிருக்கிறார்கள் .

எல்லோருமே "ஓஹோ ' என்று வாழ்ந்து பழக்கப்பட்டவர்கள் . இனி " ஐயோவென்று " போகின்ற அவல நிலைக்கு வந்துவிட்டார்கள் .

Sponsored content · Sponsored content

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக