கன்னா பின்னா திரை விமர்சனம்

–
நடிகர் தியா நாயர், நடிகை அஞ்சலி ராவ், இயக்குனர்: தியா நாயர்,
இசை: ரோஷன் சேதுராமன், ஓளிப்பதிவு: ஜெரால்டு ராஜமாணிக்கம்,

நாயகி அஞ்சலி ராவ் சினிமாவில் இயக்குனராக வேண்டும்
என்ற கனவோடு இருந்து வருகிறார். இவரைப்போலவே
சினிமாவில் கேமராமேன், இசையமைப்பாளர் ஆக வேண்டும்
என்ற கனவோடு அவரது நண்பர்களுடம் உடனிருக்கிறார்கள்.

இவர்கள் அனைவரும் சேர்ந்து ஒரு படத்தை எடுக்க வேண்டும்
என்று முயற்சி செய்து வருகிறார்கள். இந்நிலையில், நாயகி
ஒரு தயாரிப்பாளரை பார்த்து கதை சொல்வதற்காக செல்கிறார்.

அப்போது, அந்த தயாரிப்பாளர், ஆக்ஷன், செண்டிமெண்ட்
இல்லாமல் முழுக்க முழுக்க காமெடியான ஒரு கதை இருந்தால்
சொல்லுங்கள், படம் பண்ணலாம் என்று கேட்கிறார். நாயகியும்
தன்னிடம் ‘கன்னா பின்னா’ என்ற தலைப்பில் ஒரு காமெடி
இருப்பதாக அவரிடம் கூறுகிறார்.

தலைப்பிலேயே மயங்கிப்போன தயாரிப்பாளர் மேற்கொண்டு
அவரிடம் எந்த கதையும் கேட்காமல், அட்வான்ஸ் தொகையாக
ரூ.5 லட்சத்தை கொடுத்து விட்டு, அவரை ஒப்பந்தம் செய்கிறார்.

வீட்டுக்கு திரும்பிய நாயகி, தனது நண்பர்களிடம் நடந்ததை
சொல்கிறாள். கதையே இல்லாமல் கதை இருப்பதாக பொய்
சொல்லி தயாரிப்பாளரிடம் பணம் வாங்கி விட்டு வந்திருப்பதாக
நாயகி ஒரு குண்டை போடுகிறார்.

இறுதியில் அவர்களுக்கு நல்ல கதை கிடைத்து,
படம் எடுத்தார்களா?
நாயகனின் குடும்பம் எவ்வளவு சிறந்தது.நாயகனைச் சுற்றி எந்த
மாதிரியான சுவாரஸ்யமான சம்பவங்கள் நடைபெறுகிறது?
என்பதை நகைச்சுவையுடன் சொல்ல கடுமையாக முயற்சி
செய்திருக்கும் படம்தான் ‘கன்னா பின்னா’.

இப்படத்தின் நாயகன் தியா நாயர்தான் இயக்குனரும்கூட.
படம் முழுக்க அவர் வெகுளித்தனத்துடனயே நடித்திருக்கிறார்.
எந்தளவுக்கு வெகுளித்தனம் என்றால், பேஸ்புக் கணக்கை
தொடங்குவதற்கு ஆயிரக்கணக்கில்
செலவு செய்யக்கூடிய அளவுக்கு வெகுளியான ஆள்.

வில்லத்தனமான கதாபாத்திரத்திற்கு பொருந்தக்கூடிய
உடலமைப்பை வைத்துக்கொண்டு கோமாளித்தனமான
கதாபாத்திரத்தில் நடித்திருப்பதை பார்க்கும்போது ஏனோ ரசிக்க
முடியவில்லை.

ரோஷன் சேதுராமன் இசையில் ‘லிங்கரி மிட்டாய்’ பாடல்
கேட்பதற்கு நன்றாக இருந்தாலும், அதை படமாக்கியவிதம் பாடலை
கெடுத்துவிட்டதுபோல் தெரிகிறது. மற்ற பாடல்கள் சுமார் ரகம்தான்.
பின்னணி இசையில் இன்னும் கூடுதல் கவனம் செலுத்தியிருக்கலாம்.

ஜெரால்டு ராஜமாணிக்கத்தின் ஒளிப்பதிவும் பரவாயில்லை
ரகம்தான்.
–
————————————–
தினபூமி

ஓ... படம் பேரே கேள்விப்படவில்லை நான் ..........