வட்டி விகிதங்களில் மாற்றமில்லை: ரிசர்வ் வங்கி அறிவிப்பு

வட்டி விகிதங்களில் எந்த மாற்றமுமில்லை,
ரெபோ விகிதம் 6.25 நிலையிலேயே இருக்கும் என
ரிசர்வ் வங்கி அறிவித்துள்ளது.

நேற்று நடைபெற்ற நடப்பு நிதியாண்டு முதல் நிதிக்
கொள்கை கூட்டத்துக்கு பின்னர் இதை அறிவித்துள்ளது.
ஆறு பேர் கொண்ட ரிசர்வ் வங்கியின் நிதிக் கொள்கை
கமிட்டி ஒருமனதாக இந்த முடிவினை எடுத்துள்ளது.

நுகர்வோர் விலைக் குறியீடு அடிப்படையிலான பணவீக்கத்தை
4 சதவீதத்திலிருந்து அதிகரிப்பது அல்லது மைனஸ் 2 சதவீதத்துக்கு
குறையாமல் இருப்பதை இடைக்கால இலக்காகக் கொண்டுள்ளது.

இந்த நோக்கத்துக்கு ஏற்ப நிதிக் கொள்கை கமிட்டி எடுத்துள்ள
முடிவு வளர்ச்சிக்கு உதவும் என்றும் கூறியுள்ளது.

இந்த முடிவுக்கு பின்னணியில் `எல் நினோ’ விளைவுகளும்
காரணமாக உள்ளன. பரும மழை பொய்த்துப் போனதால் உணவு
பொருள்கள் விலை அதிகரிக்கும் அபாயமும் கருத்தில் கொள்ளப்
பட்டுள்ளது, இது தவிர சர்வதேச அளவில் கச்சா எண்ணெய்
மற்றும் கமாடிட்டி விலை அதிகரிப்பு உள்ளிட்ட காரணங்களும்
கவனத்தில் கொள்ளப்பட்டுள்ளது.

ஜிடிபி அதிகரிப்பு

ஒட்டுமொத்த உள்நாட்டு உற்பத்தி (ஜிடிபி) கணிப்பையும் ஆர்பிஐ
அதிகரித்துள்ளது. குறிப்பாக நடப்பாண்டில் ஜிடிபி 7.4 சதவீதமாக
இருக்கும் என கணித்துள்ளது. இது கடந்த ஆண்டில் 6.7 சதவீதமாக
இருந்தது. பணவீக்க விகிதம் முதல் அரையாண்டில் 4.5 சத
வீதமாகவும், இரண்டாவது அரையாண்டில் 5 சதவீதமாகவும்
இருக்கும்.

பல சமிக்ஞைகள் இந்திய பொருளாதார வளர்ச்சியை சுட்டிக்
காட்டுகின்றன. பருவமழை குறைவு காரணமாக எழும் நிச்சயமற்ற
தன்மைகள் வெளி சிக்கல்களை உருவாக்கும் என்றும் ரிசர்வ் வங்கி
சுட்டிக் காட்டியுள்ளது.

ரிசர்வ் வங்கி வட்டி விகிதங்களில் எந்த மாற்றங்களும் செய்யாததை
அடுத்து பங்குச் சந்தையில் சரிவான வர்த்தக போக்கு இருந்தது.
மும்பை பங்குச் சந்தையின் சென்செக்ஸ் 46 புள்ளிகள் சரிந்தது.
தேசிய பங்குச் சந்தையிலும் வர்த்தக சரிவு இருந்தது.
-
-----------------------------------------
தி இந்து

ம்ம்...