உன்னுடன் வரும் எனது பொழுது

by **ayyasamy ram** Wed Apr 05, 2017 6:01 pm

-
நம்மை
மழை நனைத்த பொழுது
இன்னும்
நீர்த்திவலைகளாக
மனதில் படிந்திருக்கிறது

.

புத்தக அடுக்குகளிலிருந்து
தலை நீட்டித் தெரியும்
நான்காய் மடிந்த காகிதம்
முழுமையாய் சொல்கிறது
உனது துயரங்களை

.

விம்மியடங்கும் ஓசைகள்
மெலிதாய் எழுகின்றன

.

கடிதம்
புத்தகத்தினுள் வைக்கப்பட்டவுடன்
மழை தொடங்கிவிட்டது

.

இங்கு
வேறு யாருமில்லை
புத்தகத்தைப் பெற்றுக்கொண்ட
எனது விரல்களில்
மழைத்துளி பட்டுத் தெறிக்கிறது

மழை நனைத்துக் கொண்டிருக்கிறது
மரங்களை
செடிகளை
பூக்களை
பறவைகளை
கூடவே
உன்னையும்
உன்னுடன் வரும் எனது அன்பையும்
.

நீ
கொண்டு செல்கிறாய்
நம்மை நனைத்த மழையையும்
அந்த பொழுதையும் .

————————-

………..சக்தி ஜோதி
எனக்கான ஆகாயம் – கவிதை தொகுப்பிலிருந்து

by **krishnaamma** Wed Apr 05, 2017 7:41 pm

அந்த போட்டோவில் இருப்பது எந்த இடம் அண்ணா, மிக அழகாக இருக்கிறது புன்னகை

உன்னுடன் வரும் எனது பொழுது

உன்னுடன் வரும் எனது பொழுது

Re: உன்னுடன் வரும் எனது பொழுது