நைஜீரியாவில் 336 குழந்தைகள் பரிதாப மரணம்!

by **ayyasamy ram** Wed Apr 05, 2017 12:02 pm

-

நைஜீரியா நாட்டின் மத்திய மற்றும் வடமேற்குப் பகுதிகளில்
உள்ள மாநிலங்களில், கடந்த டிசம்பர் மாதம் முதல்
மூளைக்காய்ச்சல் தொற்றுநோய் வேகமாகப் பரவிவருகிறது.

இந்த நோய்க்கு இதுவரை 336 குழந்தைகள் பலியாகி இருக்கிறார்கள்.
இவர்களில் 5 முதல் 14 வயதுக்கு உள்பட்ட குழந்தைகள் அதிகம்.

மேலும், 3000-க்கும் அதிகமானவர்கள் மருத்துவமனையில்
அனுமதிக்கப்பட்டு சிகிச்சையில் இருக்கிறார்கள்.
-
நைஜீரியா அரசும் சர்வதேச சுகாதார அமைப்புகளும் இணைந்து,
மூளைக்காய்ச்சல் நோயால் பாதிக்கப்பட்டவர்களுக்குத்
தொடர்ந்து சிகிச்சை அளித்துவருகிறது. சுமார் 5 லட்சம் நோய்த்
தடுப்பு மருந்துகள், பாதிக்கப்பட்ட பகுதிகளுக்குக் கொடுக்கப்பட்டுள்ளது.

ஆனால், இன்னும் இரண்டு மில்லியன் தடுப்பு மருந்துகள்
தேவைப்படுகின்றன. மருந்துக்கான தட்டுப்பாடு காரணமாகத்
திணறிவருவதாகத் தெரிவிக்கப்பட்டுள்ளது. இந்த மூளைக்காய்ச்சல்
நோய், அருகில் உள்ள நாடுகளுக்கும் பரவலாம் என்பதால், அ
ங்கு பாதுகாப்பு ஏற்பாடுகள் செய்யப்பட்டுவருகிறது.

ஏற்கெனவே, 2015-ம் ஆண்டில் ஏற்பட்ட இந்த நோய்க்கு, நைஜீரியாவில்
1000-க்கும் மேற்பட்டோர் உயிரிழந்தார்கள். அந்த நிலை இப்போது
ஏற்படக்கூடாது.
-
-------------------------------------------
-விகடன்