ஆன்மீக நண்பர்கள் அனைவருக்கும் ராமநவமி வாழ்த்துக்கள்

by **ayyasamy ram** Wed Apr 05, 2017 5:34 am

-
மகாவிஷ்ணு பல அவதாரங்கள் எடுத்திருந்தாலும்,
அவற்றில் பெரிதும் போற்றப்படும் அவதாரமாக இருப்பது
ராம அவதாரம் என்றால் அது மிகையாகாது.

தெய்வமாக இருந்தாலும், பூமியில் பிறப்பெடுத்து இறுதி
வரை நீதி நெறி வழுவாமல், ஒழுக்கம் மிகுந்த மனிதனாக
வாழ்ந்தவர் என்ற வகையில் ராமர் பெரும் சிறப்பை
எய்துகிறார்.

மகாவிஷ்ணு பல அவதாரங்கள் எடுத்திருந்தாலும், அவற்றில்
பெரிதும் போற்றப்படும் அவதாரமாக இருப்பது ராம அவதாரம்
என்றால் அது மிகையாகாது. இன்று ஸ்ரீராம நவமி கொண்டாடப்
படுகிறது.

-
சிவபெருமானிடம் பல வரங்களை பெற்ற ராவணன்,
தேவர்களையும், முனிவர்களையும், மனிதர்களையும்
கொடுமைப்படுத்தி வந்தான்.அவனை அழிப்பதற்காக,
அயோத்தியை ஆண்டு வந்த தசரத மன்னனுக்கு மகனாகப்
பிறந்தார் மகாவிஷ்ணு.

ஸ்ரீ ராமபிரான் அவதாரம்

ஸ்ரீராமபிரான் அவதரித்த புண்ணிய நாளை ஸ்ரீராம நவமியாகக்
கொண்டாடி வருகிறோம். பங்குனி மாதம், வளர்பிறை
நவமியும் புனர் பூச நட்சத்திரமும் சேர்ந்திருக்கும் நாளே
ஸ்ரீராமரின் அவதார தினம்.

சில வருடங்களில் இந்த நன்னாள் சித்திரை மாதத்தில்
அமைவதும் உண்டு. ஸ்ரீராமர் பிறந்தபோது புனர்பூச நட்சத்திரம்
4-ஆம் பாதத்தில் ஐந்து கிரகங்கள் உச்சத்தில் இருந்தனவாம்.
ஸ்ரீ ராம நவமி ராம நாமமானது அஷ்டாட்சரமான
'ஓம் நமோ நாராயணாய' என்பதில் உள்ள 'ரா' என்ற
எழுத்தையும், பஞ்சாட்சரமான 'நமச்சிவாய' என்ற எழுத்தில்
'ம' என்ற எழுத்தையும் சேர்த்து 'ராம' என்றானது.
-
-----------------------------------அஸ்ட்ரோ சுந்தரராஜன்