சும்மா கோஷம் போடாமல், எங்கே அடித்தால் எப்படி விழும் என்று தெரிந்து அடித்திருக்கிறார்கள்..! பாமக தமிழக வரலாற்றில் மெச்சத்தக்க அத்தியாயம்..!

இரா.மூர்த்தி · இரா.மூர்த்தி Sat Apr 01, 2017 4:21 pm

சட்டப்போராட்டத்தின் மூலம் ஒரே நாளில் உச்சநீதிமன்ற உத்தரவின் மூலம் மூடவைத்துள்ளது பாமக. தமிழக வரலாற்றில் மெச்சத்தக்க அத்தியாயம் இது.

கிட்டத்தட்ட ஒரு போருக்கு நிகராக, தொடர்ந்து வாளை சுழற்றி. நீதி பேரவை சார்பில் பாட்டாளி மக்கள் கட்சி வழக்கறிஞர் பாலு இதனை சாதித்துள்ளார்.

இந்த விஷயத்தில் டாக்டர் ராமதாஸ், அன்புமணி ஆகியோரின் அக்கறை வியக்கவைக்கிறது.

தமிழகத்தில் மதுபான கடைகளை அரசு நிறுவனமான டாஸ்மாக் நிறுவனமே நடத்துகிறது.

மொத்தம் 6323 டாஸ்மாக் மது கடைகள் உள்ளன. இந்த கடைகள் மூலம் தினமும் ரூ.65 கோடி வசூலாகி வந்தது. ஆண்டுக்கு ரூ.25 ஆயிரம் கோடி வருமானம் கிடைத்து வந்தது.

இவற்றில் சுமார் 3321 டாஸ்மாக் கடைகள் தேசிய மற்றும் மாநில நெடுஞ்சாலை ஓரங்களில் உள்ளன.

நெடுஞ்சாலைகளில் டாஸ்மாக் கடைகள் இருப்பதால் தினமும் விபத்துக்கள் ஏற்பட்டு வருகின்றன.

இந்நிலையில், நெடுஞ்சாலைகளில் உள்ள டாஸ்மாக் கடைகளால் போக்குவரத்து பாதிப்பு மற்றும் ஏராளமான விபத்துக்கள் ஏற்படுகின்றன.

எனவே, தமிழகத்தில் உள்ள தேசிய மற்றும் மாநில நெடுஞ்சாலைகளில் உள்ள டாஸ்மாக் கடைகளை அகற்றுமாறு உத்தரவிட வேண்டும் எனக் கோரி,

சமூக நீதிக்கான பாட்டாளி மக்கள் கட்சி வழக்கறிஞர் வக்கீல் கே.பாலு சென்னை உயர் நீதிமன்றத்தில் பொதுநல வழக்கு தொடர்ந்தார்.

இந்த வழக்கை விசாரித்த சென்னை உயர் நீதிமன்றம், தமிழகத்தில் உள்ள தேசிய நெடுஞ்சாலைகளில் உள்ள டாஸ்மாக் கடைகளை அகற்றுமாறு தமிழக அரசுக்கு உத்தரவிட்டது.

இந்த உத்தரவை எதிர்த்து தமிழக அரசு உச்ச நீதிமன்றத்தில் வழக்கு தொடர்ந்தது.

இந்த வழக்கு தலைமை நீதிபதி கே.எஸ்.கேகர் தலைமையிலான முதல் டிவிஷன் பெஞ்சில் நேற்று விசாரணைக்கு வந்தது.

அப்போது நீதிபதிகள், நெடுஞ்சாலைகளில் உள்ள மதுக்கடைகளால் விபத்துக்கள் ஏற்படுவதுடன் ஏராளமான உயிர்பலிகளும் ஏற்பட்டு வருகிறது. எனவே, தமிழக அரசின் கோரிக்கை நிராகரிக்கப்படுகிறது.

ஏற்கனவே உத்தரவிட்டதை தமிழக அரசு அமல்படுத்த வேண்டும். அரசே மதுக்கடைகளை நடத்தி வருவதால், எங்கள் உத்தரவை அமல்படுத்துவதற்கு தமிழக அரசுக்கு கால அவகாசம் வழங்க முடியாது” இவ்வாறு தீர்ப்பில் கூறியிருந்தனர்.

உச்ச நீதிமன்றத்தின் இந்த தீர்ப்பால் தமிழகத்தில் தேசிய மற்றும் மாநில நெடுஞ்சாலைகளில் உள்ள 3321 மதுக்கடைகளை நேற்று இரவுக்குள் மூட வேண்டிய நெருக்கடி தமிழக அரசுக்கு ஏற்பட்டது.

இதைத் தொடர்ந்து இரவோடு இரவாக டாஸ்மாக் கடைகளை மூடும் நடவடிக்கையில் அதிகாரிகள் இறங்கினர்.

மூடப்பட்ட கடைகளில் இருந்த சரக்குகள் இரவோடு இரவாக வேறு கடைகளுக்கு அப்புறப்படுத்தப்பட்டது.

சும்மா கோஷம் போடாமல், எங்கே அடித்தால் எப்படி விழும் என்று தெரிந்து அடித்திருக்கிறார்கள்.

**ராஜா** · **ராஜா** Sat Apr 01, 2017 11:27 pm

சும்மா கோஷம் போடாமல், எங்கே அடித்தால் எப்படி விழும் என்று தெரிந்து அடித்திருக்கிறார்கள்.

அத்தனை பாராட்டுக்களும் வழக்கறிஞர் அண்ணன் பாலு , மருத்துவர் ஐயா & மருத்துவர் அன்புமணி இவர்களையே சாரும்.

இந்த வரலாற்று சிறப்பு மிக்க தீர்ப்பால் தமிழகத்தில் ஒரே ஒரு உயிர் காப்பாற்றப்பட்டாலும் ஒரு குடும்பம் மது அரக்கனின் பிடியில் இருந்து மீண்டாலும் போதும் , இதுவே உண்மையான சந்தோசம் அன்பு மலர்

ச்சே ... இத்தனை ஆண்டுகளில் எத்தனை ஆயிரம் கோடி மது தயாரித்து விற்பதாலும் , அதை குடிக்க பார் நடத்துவதிலும் என்ன கொடுமை சார் இது

**Dr.S.Soundarapandian** · **Dr.S.Soundarapandian** Sun Apr 02, 2017 4:23 pm

**மாணிக்கம் நடேசன்** · 14/12/2009

பா.ம.க. வுக்கு நமது பாராட்டுகள்.

**ayyasamy ram** · **ayyasamy ram** Tue Apr 04, 2017 8:06 am

மாணிக்கம் நடேசன் wrote:பா.ம.க. வுக்கு நமது பாராட்டுகள்.

மேற்கோள் செய்த பதிவு: 1237533
-
அன்பு மலர்

**krishnaamma** · **krishnaamma** Tue Apr 04, 2017 8:43 pm

கிட்டத்தட்ட ஒரு போருக்கு நிகராக, தொடர்ந்து வாளை சுழற்றி. நீதி பேரவை சார்பில் பாட்டாளி மக்கள் கட்சி வழக்கறிஞர் பாலு இதனை சாதித்துள்ளார்.

வாழ்த்துகள் ! அன்பு மலர்

Sponsored content · Sponsored content

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக