ரணம்

முனைவர் ப.குணசுந்தரி · 18/07/2015

என்னவோ
இப்பொழுதெல்லாம்
படபடப்பதில்லை.

இடையிடையே
காந்துவதால்
பக்குவப்பட்டுவிட்டதாக
எண்ணமுடியவில்லை.

எல்லோரையும்போல்
பேசுகிறேன் சிரிக்கிறேன்
உள்ளார்ந்த புழுக்கம்
மனதில் கனமாய்.

மனதின் கனம்
தாங்கமுடியாததாலோ என்னவோ
இளைத்தவிட்டது உடல்.

சமீப காலமாக
எல்லோரும் சொல்கிறார்கள்
எப்படி இப்படி
இளைத்திருக்கிறீர்கள்

மெலியும் காரணத்தையும்
சொல்லவேண்டுமாம்.

சிலபேருக்கு
நொடிப்பு வேறு.

மெலிவதா அழகு
ஆரோக்கியம்தானே அழகு.

யார் இவர்களுக்குப்
புரிய வைப்பது.

சிலபோது
என்விழி மலர்த்தும்
மகிழ்ச்சியில்

இன்று பார்க்கும்
உருவிலேயே என்றும்
இருந்துவிடம்மா
இருப்பாயல்லவா
என்கிறாள் மகள்.

சுருண்டு விடும் நொடிகளில்
விஞ்ஞானியாகி மருந்தறிவேன்
என்கிறான் மகன்.

இளவேனிலின்
தொடக்கம்தான்
எலும்பும் நரம்பும்
இற்றுப்போய்விடுமோ

உடலின் ஒவ்வொரு
அணுவும் வலிக்கிறது.

உன்னைத் தொலைத்து விட்டு
எப்படி வாழ்வோம்
அவரின் ஆதங்கம் ஒருபக்கம்

வலிகளைவிட
இவர்களின் ஏக்கத்தில்
சிதைந்து போகிறேன்.

ஒருவகையில்
மற்றவர்களின்
என்மீதான அனுதாபத்தைவிட
நொடிப்பே தேவலாம்.

**M.Jagadeesan** · **M.Jagadeesan** Mon 3 Apr 2017 - 21:18

முனைவர் ப.குணசுந்தரி wrote:

மெலிவதா அழகு
ஆரோக்கியம்தானே அழகு.

.

மேற்கோள் செய்த பதிவு: 1237509

மெலிந்து இருப்பதுதான் பெண்களுக்கு அழகு !

" உண்டி சுருங்குதல் பெண்டிர்க்கு அழகு " என்பது ஒளவையின் மொழி .

" பொய்யோ எனும் இடையாள் " என்று சீதையை வர்ணிப்பான் கம்பன் .

ரணம்

ரணம்

Re: ரணம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக