ஜி.எஸ்.டி மசோதா மக்களவையில் நிறைவேற்றம்!

**ayyasamy ram** · **ayyasamy ram** Thu Mar 30, 2017 7:06 am

ஜி.எஸ்.டி என்று கூறப்படும் சரக்கும் மற்றும் சேவை வரி மசோதா
திருத்தங்களுடன் மக்களவையில் நிறைவேற்றப்பட்டுள்ளது.

இதையடுத்து, ஜி.எஸ்.டி துணை மசோதாக்கள் மீது அடுத்தடுத்து
வாக்கெடுப்புகள் நடந்தது. இதையொட்டி, ஜி.எஸ்.டி சம்பந்தமான
நான்கு மசோதாக்களும் மக்களவையில் நிறைவேற்றப்பட்டது.

முன்னதாக மக்களவையில் ஜி.எஸ்.டி மசோதாவை தாக்கல் செய்த
மத்திய நிதி அமைச்சர் அருண் ஜெட்லி, 'நாங்கள் உருவாக்கிய
இந்தச் சட்டம் மத்திய மற்றும் மாநில அரசுகளுக்கு சமமான
பயனைக் கொடுக்கும்.

இப்போது நடைமுறையில் இருக்கும் பல வரிகளை ஜி.எஸ்.டி
குறைக்கும். நாட்டின் அனைத்துப் பகுதிகளுக்கும் பொருள்களை
கொண்டு செல்வதை ஜி.எஸ்.டி சுலபமாக்கும்' என்று கூறினார்.

இதையடுத்து இந்திய பிரதமர் நரேந்திர மோடி தனது ட்விட்டர்
பக்கத்தில், 'ஜி.எஸ்.டி மசோதாவை நிறைவேற்றியதற்கு வாழ்த்துகள்.
புத்தாண்டு, புது சட்டம் மற்றும் புது இந்தியா' என்று வாழ்த்து செய்தி
பதிவிட்டுள்ளார்.

ஜி.எஸ்.டி மசோதா மக்களவையில் நிறைவேற்றப்பட்டதைத் தொடர்ந்து
செய்தியாளர்களைச் சந்தித்த மத்திய நிதி அமைச்சர் அருண் ஜெட்லி,
'ஜி.எஸ்.டி சம்பந்தமான நான்கு மசோதாக்களும் மக்களவையில்
நிறைவேற்றப்பட்டது ஒரு மிகப்பெரிய முன்னெடுப்பாக கருதுகிறேன்.

வரலாறு உருவாக்கப்படுவதை நாம் பார்த்துக் கொண்டிருக்கிறோம்.
ஏனென்றால், மிகவும் புது விதமான மறைமுக வரி நோக்கி நாம்
மாறவுள்ளோம். ஜி.எஸ்.டி சம்பந்தமான அனைத்து சட்ட நடை
முறைகளும் வரும் மார்ச் மாதம் 31-ம் தேதிக்குள் நிறைவு செய்யப்படும்'
என்று கூறியுள்ளார்.
-
-------------------------------
விகடன்

**krishnaamma** · **krishnaamma** Thu Mar 30, 2017 7:52 pm

என்ன புது இந்தியாவோ, வந்தால் தான் நிலைமை புரியும் புன்னகை

ஜி.எஸ்.டி மசோதா மக்களவையில் நிறைவேற்றம்!

ஜி.எஸ்.டி மசோதா மக்களவையில் நிறைவேற்றம்!

Re: ஜி.எஸ்.டி மசோதா மக்களவையில் நிறைவேற்றம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக