இரட்டை இலை யாருக்கும் இல்லை: முடக்கியது தேர்தல் ஆணையம்

**ayyasamy ram** · **ayyasamy ram** Thu Mar 23, 2017 6:28 am

-
புதுடில்லி:
இரட்டை இலை சின்னத்தை முடக்கி வைத்து தேர்தல் ஆணையம்
உத்தரவிட்டுள்ளது.

இரட்டை இலை:

சென்னை ஆர்.கே.நகர் சட்டசபை தொகுதிக்கு இடைத்தேர்தல்
ஏப்ரல் 12-ம் தேதி நடைபெறுகிறது. இதில் அ.தி.மு.க.வில் சசி
அணியில் தினகரனும், பன்னீர் அணியில் மதுசூதனனும்
போட்டியிடுகின்றனர்.

கட்சியின் சின்னமான இரட்டை இலை தங்களுக்கு ஒதுக்க வேண்டும்
என இரு தரப்பினரும், டில்லி தலைமை தேர்தல் ஆணையத்தில்
முறையிட்டனர்.

ஆலோசனை:

சசி அணி மற்றும் பன்னீர் அணி ஆகியோரின் தரப்பு வாதங்கள்
நடந்து நிறைவடைந்தன. இரட்டை இலை சின்னத்தை யாருக்கு
ஒதுக்குவது என்பது குறித்து தலைமை தேர்தல் ஆணையர்
நஜிம் ஜைதி , ஆலோசனை நடத்தினார்..

இதையடுத்து நஜிம் ஜைதி இன்று இரவு (மார்ச், 22) 11 மணியளவில்
தனது அதிகாரப்பூர்வ அறிவிப்பை வெளியிட்டார்.
அதில், இரட்டை இலை
யாருக்கும் இல்லை என அறிவித்து அச்சின்னத்தை முடக்கி வைத்து
உத்தரவிட்டார்.
இதனால் இரு தரப்புக்கும் இரட்டை இலை இல்லை என்றாகிவிட்டது.

தேர்தல் ஆணையம் வெளியிட்டுள்ள அறிக்கையில்
கூறப்பட்டுள்ளதாவது:

இரட்டை இலை சின்னம் இருதரப்பிற்கும் இல்லாமல் முடக்கப்பட்டுள்ளது.
மேலும் கட்சியின் சின்னத்தையோ, கட்சியின் பெயரையோ எங்கும்
பயன்படுத்தக்கூடாது. இரட்டை இலை சின்னம் முடக்கம் என்பது
இடைக்கால உத்தரவுதான். இருத்தரப்பினரும், நியாயமாக நடந்து
கொள்ளவே இப்படியான உத்தரவு பிறப்பிக்கப்பட்டுள்ளது.

இவ்வாறு அறிக்கையில் தெரிவித்துள்ளது.
-
-------------------------------------
--தினமலர்

**krishnaamma** · **krishnaamma** Thu Mar 23, 2017 10:02 am

இரட்டை இலை யாருக்கும் இல்லை: முடக்கியது தேர்தல் ஆணையம் TSpWKG7XSJqK0nRWNqob+1490223662-1963

இரட்டை இலை சின்னம் யாருக்கு என்பதை முடிவு செய்யும் முன்னர் இரு அணிகளின் வாதங்களையும் கேட்ட தேர்தல் ஆணையம் இரட்டை இலை சின்னம் யாருக்கும் கிடையாது என்று கூறியதோடு இரு அணிகளும் அதிமுக என்ற கட்சியின் பெயரையும் பயன்படுத்த கூடாது என்று கூறியதுதான் யாரும் எதிர்பார்க்காத டுவிட்ஸ்ட். மேலும் இதுகுறித்து தேர்தல் ஆணையம் கூறியுள்ள ஐந்து முக்கிய விஷயங்களை பார்ப்போம்.

1. இரட்டை இலை சின்னம் யாருக்கும் கிடையாது. அச்சின்னம் முடக்கப்படுகிறது.

2. ஒரு அணிகளும் அதிமுக என்ற கட்சியின் பெயரை பயன்படுத்தக் கூடாது.

3. தேர்தல் ஆணையம் அங்கீகரித்துள்ள 85 சின்னங்களில் ஏதாவது மூன்று சின்னங்களை இரண்டு அணிகளும் தங்களுக்கு தேர்வு செய்து கொள்ள வேண்டும். தேர்வு செய்த தகவலை இன்று காலை 10 மணிக்குள் தேர்தல் ஆணையத்திடம் தெரிவிக்க வேண்டும்.

4. அதிமுக என்ற பெயர் இல்லாத வேறு ஒரு பெயரை, இரு அணிகளும் தேர்வு செய்து அது குறித்த தகவலையும் காலை 10 மணிக்குள் தங்களுக்கு தெரிவிக்க வேண்டும்.

5. இரு தரப்பும் தங்களுக்கு சாதகமான ஆவணங்களை வரும் ஏப்ரல் 17-ஆம் தேதிக்குள் தேர்தல் ஆணையத்திடம் ஒப்படைத்தால் மீண்டும் இரட்டை இலை சின்னம் குறித்து விசாரிக்கப்படும்

மேற்கண்ட ஐந்து விஷயங்கள் சசிகலா , ஓபிஎஸ் ஆகிய இரு பிரிவினர்களையும் அதிர்ச்சிக்குள்ளாக்கியுள்ளது

வெப்துனியா

**ராஜா** · **ராஜா** Thu Mar 23, 2017 11:08 am

இரட்டை இலை யாருக்கும் இல்லை: முடக்கியது தேர்தல் ஆணையம் 3838410834

மோடியாட்டம் ஆரம்பம்

**krishnaamma** · **krishnaamma** Thu Mar 23, 2017 11:25 am

ராஜா wrote: மோடியாட்டம் ஆரம்பம்

மேற்கோள் செய்த பதிவு: 1236740

ஆனால் ரொம்ப ஸ்லொ என்று நினைக்கிறேன்.............. அய்யோ, நான் இல்லை

**T.N.Balasubramanian** · **T.N.Balasubramanian** Thu Mar 23, 2017 2:20 pm

மோடிக்கும் இதற்கும் சம்பந்தம் இல்லை என்றே எண்ணுகிறேன்.
OPS --சசிகலா இருவர் தரப்பிலும் + - அதிகம் உண்டு .
முக்கியமாக OPS தரப்பில் பெரும்பான்மை நிரூபிக்கமுடியாது.
சசிகலா தலைமையே ஏற்கக்கூடியதா என்ற சந்தேகங்கள் உண்டு.
நியமன குளறுபடிகள் இருக்கின்றன.
இரட்டை இல்லை சின்னம் தற்காலிகமாக RK நகர் தேர்தலை பொறுத்தவரையில்
முடக்கப்படவேண்டியதே, என்று நினைத்து இருந்தேன் . அதைத்தான் தேர்தல் கமிஷன்
செய்து இருக்கிறது.
(ரமணியன் ஆட்டம் என்று சொல்லக்கூடாது)

ரமணியன்

Sponsored content · Sponsored content

இரட்டை இலை யாருக்கும் இல்லை: முடக்கியது தேர்தல் ஆணையம்

இரட்டை இலை யாருக்கும் இல்லை: முடக்கியது தேர்தல் ஆணையம்

Re: இரட்டை இலை யாருக்கும் இல்லை: முடக்கியது தேர்தல் ஆணையம்

Re: இரட்டை இலை யாருக்கும் இல்லை: முடக்கியது தேர்தல் ஆணையம்

Re: இரட்டை இலை யாருக்கும் இல்லை: முடக்கியது தேர்தல் ஆணையம்

Re: இரட்டை இலை யாருக்கும் இல்லை: முடக்கியது தேர்தல் ஆணையம்

Re: இரட்டை இலை யாருக்கும் இல்லை: முடக்கியது தேர்தல் ஆணையம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக