ஏப்.1ம் தேதி முதல் இன்சூரன்ஸ் கட்டணங்கள் 5 சதவீதம் வரை உயர்கிறது

**ayyasamy ram** · **ayyasamy ram** Mon Mar 27, 2017 9:09 pm

புதுடெல்லி:

வரும் ஏப்ரல் 1ம் தேதி முதல், கார், இருசக்கர வாகனங்கள்,
மருத்துவம் ஆகியவற்றுக்கான இன்சூரன்ஸ் கட்டணங்கள்
5 சதவீதம் வரை உயர்கிறது.

இன்சூரன்ஸ் ஏஜன்ட்களுக்கான கட்டணத்தை முறைப்படுத்தும்
வகையில், இன்சூரன்ஸ் கமிஷன் அல்லது வெகுமதி ஒழுங்கு
முறை விதிகள் வரும் ஏப்ரல் 1ம் தேதி முதல் அமலுக்கு
வருகிறது.

இதன்படி, ஏஜன்ட்களுக்கான கமிஷன் தொகையில் பல்வேறு
மாற்றங்கள் செய்யப்பட்டுள்ளன. இதற்காக, இன்சூரன்ஸ்
கட்டணத்தை உயர்த்த வேண்டிய நிலை நிறுவனங்களுக்கு
ஏற்பட்டுள்ளது. இதை பிரீமியத்தில் சரிக்கட்ட இன்சூரன்ஸ்
ஒழுங்குமுறை மற்றும் மேம்பாட்டு ஆணையம் (ஐஆர்டிஏஐ)
ஒப்புதல் அளித்துள்ளது.

இதனால் வரும் ஏப்ரல் 1ம் தேதியில் இருந்து இன்சூரன்ஸ்
கட்டணங்கள், 5 சதவீதம் வரை உயர வாய்ப்புள்ளது. இது கார்,
இருசக்கர, மருத்துவம் என்று அனைத்து இன்சூரன்ஸ்
திட்டங்களுக்கும் பொருந்தும்.

ஏற்கனவே மூன்றாம் நபர் இன்சூரன்ஸ் கட்டணங்கள் சமீபத்தில்
கனிசமாக உயர்த்தப்பட்டன. அதுவும் ஏப்ரல் 1ம் தேதியில்
இருந்துதான் அமலுக்கு வருகிறது. இதனால் பொதுமக்கள் அதையும்
கட்ட தங்களுடைய பர்சை தயார் செய்துக் கொள்ள வேண்டும்.
-
--------------------------
தினகரன்

இரா.மூர்த்தி · 08/07/2014

இன்சூரன்ஸ் கட்டணம் உயர்வு வங்கிகளில் சேவைகட்டணம் உயர்வு,தமிழகத்தில் சத்தமே இல்லாமல் பேருந்துகட்டணம் உயர்வு.,இப்படி சாமானியர்கள் வயிற்றில் அடிக்கின்றனர் மத்திய மாநில அரசுகள்

**krishnaamma** · **krishnaamma** Tue Mar 28, 2017 12:23 am

ரொம்ப அநியாயமாய் இருக்கிறதே?.............. கோபம்

எல்லோரும் கண்டிப்பாக இன்சூரன்ஸ் செய்வார்கள், அதை பயன்படுத்திக்கொண்டு இப்படி செய்வது மிகவும் அநியாயம்.........கேட்க யாரும் இல்லாததால் இப்படி செய்கிறார்கள்............ சோகம்