இர்வின் பிரபுவுக்கு எத்தனை எருமைகள் சொந்தம்…

**ayyasamy ram** · **ayyasamy ram** Wed Mar 08, 2017 8:07 pm

–
இந்தியாவின் வைஸ்ராயாக இருந்த இர்வின் பிரபு
ஒரு முறை ஊட்டிக்கு வந்தார். அப்போது ஊட்டியில் வாழ்ந்த
ஆதிவாசிகளின் தலைவனிடம், இவர் இர்வின் பிரபு
செல்வச் சீமான்-என்று அறிமுகப்படுத்தப்பட்டார்
–
செல்வச் சீமானா? இவரிடம் எத்தனை எருமை
மந்தைகள் உள்ளது? என்று கேட்டானாம் அந்தத் தலைவன்.
உடனே, இவரிடம் எருமை மந்தைகள் இல்லை,ஆனால்
நிறையப்பொன் பொருள் உண்டு, என்று இர்வின் பிரபுவுடன்
இருந்தவர்கள் சொன்னார்கள்
–
ஆனாலும் ஆதிவாசிகளின் தலைவனுக்குத் திருப்தி
ஏற்படவில்லை. எனவே, நிறைய பொன், பொருள் உள்ளது
என்று சொல்லுகிறீர்களே…அப்படி என்றால், இவரது
செல்வத்தைக் கொண்டு எத்தனை எருமைகள் வாங்கலாம்?
என்று மறுபடியும் கேட்டானாம்.
–
இவரிடம் உள்ள செல்வங்களைக்கொண்டு நீலகிரி
ஆதிவாசிகளிடம்
உள்ள எல்லா எருமைகளையும் வாங்கலாம் என்று
கூறிய பிறகே, இர்வின் பிரபுவை செல்வச் சீமானாக
ஒப்புக் கொண்டானாம் அந்த ஆதிவாசிகளின் தலைவன்!
–
————————————
தேனி.எஸ்.மாரியப்பன்
மனசே…மகிழ்ச்சி பெறு- அறிஞர்களின் சமயோசித
பேச்சுகள்- தொகுப்பிலிருந்து

**Dr.S.Soundarapandian** · **Dr.S.Soundarapandian** Wed Mar 08, 2017 8:48 pm

**M.Jagadeesan** · **M.Jagadeesan** Thu Mar 09, 2017 5:19 pm

அந்தக்காலத்தில் ஒருவனுடைய வசதியை , செல்வ நிலைமையை , அவனிடம் உள்ள மாடுகளை வைத்தே மதிப்பிடுவார்கள் . எனவே மாடு என்ற சொல் செல்வத்தைக் குறிக்கும் சொல்லாயிற்று .

கேடில் விழுச்செல்வம் கல்வி ஒருவனுக்கு
மாடல்ல மற்றை யவை .

இக்குறளில் வந்துள்ள " மாடு " என்ற சொல் செல்வத்தைக் குறிக்கும் .

"வாங்கக் குடம் நிறைக்கும் வள்ளல் பெரும் பசுக்கள் " என்கிறார் ஆண்டாள் நாச்ச்சியார் . எனவே வள்ளல் பெரும் பசுக்களைப் பெற்றவன் வீட்டில் பணத்துக்குப் பஞ்சமேது !

Sponsored content · Sponsored content

இர்வின் பிரபுவுக்கு எத்தனை எருமைகள் சொந்தம்…

இர்வின் பிரபுவுக்கு எத்தனை எருமைகள் சொந்தம்…

Re: இர்வின் பிரபுவுக்கு எத்தனை எருமைகள் சொந்தம்…

Re: இர்வின் பிரபுவுக்கு எத்தனை எருமைகள் சொந்தம்…

Re: இர்வின் பிரபுவுக்கு எத்தனை எருமைகள் சொந்தம்…

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக