மெக்காவில் ஒரு யாசகர்

**ayyasamy ram** · **ayyasamy ram** Sat Mar 11, 2017 10:15 am

மெக்காவுக்குச் செல்லும் சாலையில் ஒரு பார்வையற்ற
யாசகர், யாத்ரீகர்களிடம் பிச்சை கேட்டுக் கொண்டிருந்தார்.

அப்போது அந்த இடத்திற்கு வந்த முஸல்மான் ஒருவர்,
குரானின் வழிகாட்டுதல்களின் படி தாராளமாக தர்மம்
செய்கிறார்களா என்று அந்த யாசகரிடம் கேட்டார்.

அந்த யாசகர் தனது தட்டைக் காண்பித்தார். ஒரு நாணயம்
கூட தட்டில் விழுந்திருக்கவில்லை. அந்தக் கருணையுள்ள
முஸல்மான், அந்தப் பார்வையற்ற யாசகரின் அனுமதியுடன்
அவர் கழுத்தில் ஒரு அட்டையை எழுதித் தொங்கவிட்டு
தன் வழியில் போனார்.

நேரம் கடந்தது. யாசகர் தட்டில் சில்லறைகள் கொட்டத்
தொடங்கின. அட்டையை எழுதித் தொங்கவிட்டுச் சென்ற
முஸல்மான் திரும்பி வந்தபோது, அந்தப் பார்வையற்ற
யாசகரை மீண்டும் சந்தித்தார்.

“என் கழுத்தில் என்ன வாசகத்தை எழுதிவிட்டுப் போனீர்கள்.
இத்தனை பணம் குவிகிறதே!” என்று ஆச்சரியத்துடன் கேட்டார்.

முஸல்மான் எழுதிச் சென்ற வாசகம் இதுதான்:
வசந்த காலத்தின் அழகான ஒரு நாள் இன்று.
சூரியன் சுடர் விட்டுப் பிரகாசிக்கிறான். எனக்கோ பார்வை
இல்லை.
-
---------------------------------------------
பாவ்லோ கொய்லோ | தமிழில்: ஷங்கர்
நன்றி - தி இந்து

**Dr.S.Soundarapandian** · **Dr.S.Soundarapandian** Sat Mar 11, 2017 8:22 pm

மெக்காவில் ஒரு யாசகர்

மெக்காவில் ஒரு யாசகர்

Re: மெக்காவில் ஒரு யாசகர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக