4,000க்கும் அதிகமானோர் சீரழிப்பு பெண்கள், சிறுமிகளை கடத்தி விற்று ரூ.250 கோடி சம்பாதித்த தம்பதி கைது:

மார்ச் - 7
-----------------------
புதுடெல்லி :
பெண்களை கடத்தி பாலியல் தொழிலுக்கு விற்று
ரூ.250 கோடி பணம் பார்த்த பலே ஜோடி போலீசில்
வசமாக சிக்கியது. உத்தரபிரதேச மாநிலம்
மொரதாபாத்தைச் சேர்ந்தவர் அபக் ஹுசைன்.

வேலைக்காக  கடந்த 1999ல் டெல்லிக்கு சென்ற போது
பாலியல் தொழில் நடத்தி வந்த ஐதராபாத்தை சேர்ந்த
சைராவை அபக் சந்தித்தார். இருவரும் திருமணம் செய்து
கொண்டனர்.

அடுத்த 4 ஆண்டுகளில் அதாவது 2003ம் ஆண்டு முதல்
‘கொத்தா’வை (அங்கீகாரம் பெற்ற விபசார விடுதி)
சொந்தமாக்கினர்.

அதன் மதிப்பு மட்டும் அப்போது ரூ.40 கோடியாகும்.
நாட்டிலுள்ள பல்வேறு மாநிலங்களில் இருந்து ஏழை
குடும்பங்களை சேர்ந்த சிறுமிகளை குறிவைத்து
டெல்லிக்கு கடத்தி வந்து விபசாரத்தில் தள்ளினர்.

இது போன்று 4,000 சிறுமிகள் பாலியல் தொழிலில் ஈடுபடுத்தினர்.
இதில் ரூ.250 கோடி சம்பாதித்துள்ளனர். அதில் டெல்லி, மும்பை,
ஜெய்ப்பூர் போன்ற இடங்களில் ஏராளமான சொத்துகள் வாங்கி குவித்துள்ளனர். அவர்களிடம் ஆடி, வோக்ஸ்வேகன்,
ரேஞ்ச்ரோவர் என விலையுயர்ந்த சொகுசு கார்கள் உள்ளது.

பண்ணை வீடுகள், கடற்கரை பங்களா என நவீன சொத்துகளும் குவித்துள்ளனர். யாருக்கும் சந்தேகம் ஏற்படாத வகையில்
கடந்த 10 ஆண்டுக்கும் மேலாக தங்களது தொழிலை சாமர்த்தியமாக
செய்து வந்த தம்பதி டெல்லி போலீசிடம் வசமாக சிக்கினர்.

அவர்களை போலீசார் கைது செய்து குற்றப்பத்திரிகை பதிவு
செய்து, தீஸ் ஹசாரி நீதிமன்றத்தில் ஆஜர்படுத்தினர்.
குற்றபத்திரிகையில், மேலும் 126 குற்றவாளிகள் பெயர்களும்,
பலிகடாவான பல பெண்களின் பெயர்களும் சேர்க்கப்பட்டு
உள்ளது.

குற்றஞ்சாட்டப்பட்டவர்களில், 2 மேனேஜர், ஒரு டிரைவர் உள்பட
10 பேர் கைது செய்யப்பட்டு உள்ளனர். விரைவில் துணை
குற்றப்பத்திரிகை தாக்கல் செய்வோம் என் மூத்த காவல் அதிகாரி
ஒருவர் கூறியுள்ளார். ஆந்திரா, கர்நாடகா, மேற்குவங்கம், நேபாளம், வடகிழக்கு மாநில பெண்களை இவர்கள் பலிகடா ஆக்கியது தெரிய வந்துள்ளது.
--------------------
தினகரன்
-

இவர்கள் இன்னும் கொஞ்ச நாளில் வெளியே வந்துவிடுகிறார்கள். ஆனால் இவர்களால் பாதிக்கப்பட்டவர்கள் கதி ????????????