விக்கிபீடியா

அறிவை இலவசமாக்கியவர்!
அலெக்சா வரிசையில் Google,You Tube,Facebook,Baidu,Yahoo,Wikipedia (ஆறாவது இடம்)

295 மொழிகளில்,இன்றுவரை 312,947 முழு நேர(active) பங்களிப்பாளர்களையும்,
66,985,312 பதிவு செய்யப்பட்ட பங்களிப்பாளர்களையும் கொண்டு இயங்கி வருகிறது.
விளம்பரங்களே இல்லாத சேவை!
நமது தேடல்களுக்கு முதல் பரிந்துரையாகக் கிடைப்பது!
என பல பெருமைகளுக்கும் உரிமையுடையது விக்கிப்பீடியா!

இதை உருவாக்கிய ஜிம்மி வேல்ஸ் அவா்கள் பொருளாதாரம் படிக்க கல்லூரிக்குச் சென்றார். பின் ஸ்டாக் எக்ஸேங்கில் வேலைப் பார்த்தார். விரைவில் அதிலிருந்து விலகியவருக்கு நெட்ஸ்கேப் நிறுவனத்திடம் பங்குகள் வாங்கினார். படங்களைத் தேடித்தரும் போமிஸ் எனும் தளத்தை நடத்தினார். அது ஓரளவு லாபம் ஈட்டித்தந்தது. தொடர்ந்து ஜிம்மி வேல்ஸ் நுபீடியா எனும் தளத்தை தொடங்கி அதில் அறிவுபூர்வமான கட்டுரைகளை வெளியிட்டார்,எதிர்பார்த்த அளவுக்கு அந்தத் தளத்துக்கு வரவேற்பு கிடைக்காத நிலையில்,
   
ஜிம்மிக்கு ஒரு சிந்தனை தோன்றியது இந்தத் தளத்தை நாம் ஏன் பொதுவான திறந்த செயல்பாட்டுக்குக் கொண்டுசெல்லக்கூடாது என்று, இந்த சிந்தனை அவர் வாழ்வில் மட்டுமல்ல இணைய வரலாற்றிலும் திருப்புமுனையாக அமைந்தது.

யார் வேண்டுமானாலும், எழுதலாம், திருத்தலாம், பார்வையிடலாம் என்ற வசதிகளுடன் அறிமுகமானது விக்கிப்பீடியா. காப்புரிமை என்ற பெயரில் தம் படைப்புகளுக்கு ஒவ்வொருவரும் சொந்தம் கொண்டாடிக்கொண்டிருக்கும் காலத்தில் “ஒட்டுமொத்த மனித அறிவும் எல்லா மனிதருக்கும் இலவசமாக போய் சேர வேண்டும்”என்று கனவு கண்ட ஜிம்மி வேல்ஸ் நம் ஒவ்வொருவருக்கும் வாழ்வியல் முன்மாதிரி!

முதலில் 2000 ஆம் ஆண்டு மார்ச் மாதம் 'போமிஸ்' ஊழியர்களால் நுபீடியா (Nupedia,)  ஆரம்பிக்கப்பட்டது.நுபீடியாவின் நிறுவுனர் ஜிம்மி வேல்ஸ் உடன், லாரி சங்கர் தலைமை ஆசிரியராக பணியாற்றினார். நுபீடியாவிட்கு இணைய விளம்பர நிறுவனமான 'போமிஸ்' நிதி வழங்கியது. பின்பு, ‘விக்கிப்பீடியாத் திட்டம்’ ஆங்கில மொழியில், ஜனவரி 15, 2001-ஆம் ஆண்டு இணையத்தில் தொடங்கப்பட்டது.

விக்கி - (ஹவாய் மொழி) -விரைவு, பீடியா- என்சைக்ளோபீடியாவிலிருந்து எடுக்கப்பட்டு உருவானது.

2004 வரை தனி வழங்கியில்-server- இயங்கி,தற்போது உலகின் நான்கு பகுதிகளில் 100 க்கு மேற்பட்ட வழங்கிகள் மூலம், செயல்படுகிறது.விக்கிப்பீடியா,  விக்கிமீடீயா மென்பொருளில் இயங்குகிறது.இது PHP,MySQL உடன் HTML,CSS ம் பயன்படுத்தப்படுகின்றன.

தமிழ் விக்கிப்பீடியா  2003 ஆம் ஆண்டு ஆரம்பமாகி தற்போது இதில் 91,469 கட்டுரைகள் உள்ளன. 1,09,120 பயனர் கணக்குகள் பதிவு செய்யப்பட்டுள்ளன.

நியூயார்க்கைச் சேர்ந்த ஆசிரியர் மைக்கேல் மாண்டி என்பவர், ஆங்கில விக்கியைப் புத்தகமாகத் தொகுத்துள்ளார்.

விக்கிபீடியா (Wikipedia )– Wikivoyage, Wikibooks, Meta-Wiki,MediaWiki, Commons ,Wikisource , Wikispecies ,Wikidata ,Wikiquote,Wikinews , Wiktionary என  பல்வேறு பிரிவுகளில் தகவல்களை தருகிறது.

தமிழ் விக்கிபீடியாவில் தங்கள் பங்களிப்பை, நேரம் கிடைக்கும் போது கொடுக்கலாம்.
புதியவர்களுக்கு எழுதும் முறையை ,திருத்தும் முறையை சொல்லித் தருகிறார்கள். உங்கள் ஊரைப் பற்றிக் கூட எழுதலாம்.முதலில் எழுதும் போது வல்லுநர்கள் சரிபார்த்து உதவி செய்கிறார்கள்.

நன்றி-விக்கிபீடியா,இரா.குணசீலன்.

நல்ல உபயோககரமான செய்திகள் 

ரமணியன்