கொடுப்பதால் புண்ணியம் வருமா…?

**ayyasamy ram** · **ayyasamy ram** Wed Mar 01, 2017 6:13 pm

பிச்சை யெடுத்தே வாழ்வ தென்றுயிர்
பேணிடு பலரைப் பார்க்கின்றோம் – அவர்
இச்சை யுடனதைச் செய்கிறா ரென்றால்
இவர்களை யந்நிலை விட்டவர்யார் ?

அமைதியை வேண்டிக் கோயிலே சென்றால்
அங்கவர் கைகளை நீட்டுகின்றார். – நாம்
அமைதி யுடனெதோ போடுகின் றோமதை
ஆங்கவர் வாங்கி அமைகின்றார்.

கொடுக்குங் கைமேல் இருப்பதும் பெறுங்கை
கீழே இருப்பதும் இயல்நிலையாம்; –இந்தக்
கொடுப்பவர் பெறுபவர் இருப்பது நலமா ?
கோவிலுள் போவோர் நினைப்பதில்லை.

கல்வியில் யாசகம் சிறந்ததொன் றெனவே
கழறுதல் கற்றோம்; அதுசரிதான்; — உண்ண
இல்லையே எனப்பலர் யாசகம் கேட்பதில்
என்னதான் நியாயம் இருக்கிறது ?

கல்வியில் யாசகம் பெற்றவ னுயர்ந்தே
கல்வியைப் பலர்க்கும் ஈகின்றான்; — இங்கே
இல்லையே என்றுகை நீட்டும் யாசகன்
என்றும் உயர்நிலை காண்பதில்லை.

கொடுப்பவர் புண்ணியம் பெறுவதா யெண்ணிக்
கொடுத்துப் பலரைக் கெடுக்கின்றோம்; — அதுதான்
கெடுப்பதே உழைப்பினைச் சோம்பலில் இன்பம்
காண்பவர் பலரைப் படைக்கின்றோம்.

யாசகம் வேண்டா வாய்ப்பினைத் தந்தே
யாரெவர் அவர்தமை உயர்த்திடுவார் ?— அந்த
வாசகம் கேட்குநல் நாள்வரு மாவென
வானையே பார்த்துக் கேட்கின்றேன்.
–
—————————
– டாக்டர். ச.சவகர்லால்

**krishnaamma** · **krishnaamma** Fri Mar 03, 2017 12:47 am

கொடுப்பதால் புண்ணியம் வருமா…? 3838410834

கொடுப்பதால் புண்ணியம் வருமா…? 1571444738

**M.Jagadeesan** · **M.Jagadeesan** Fri Mar 03, 2017 7:58 am

கொடுப்பதால் புண்ணியம் வருமா ? என்பது நமக்குத் தெரியாது ; ஆனால் மனதிலே ஒரு இன்பம் உண்டாகும் ; அதை யாரும் மறுக்க இயலாது . அதை

" ஈத்துவக்கும் இன்பம் " என்று அய்யன் வள்ளுவர் குறிப்பிடுவார் .

இந்த பதிவைத் துவங்கியவர் நன்றி கூறியுள்ளார் M.Jagadeesan

**krishnaamma** · **krishnaamma** Sun Mar 05, 2017 9:53 am

M.Jagadeesan wrote:கொடுப்பதால் புண்ணியம் வருமா ? என்பது நமக்குத் தெரியாது ; ஆனால் மனதிலே ஒரு இன்பம் உண்டாகும் ; அதை யாரும் மறுக்க இயலாது . அதை

" ஈத்துவக்கும் இன்பம் " என்று அய்யன் வள்ளுவர் குறிப்பிடுவார் .

மேற்கோள் செய்த பதிவு: 1235298

உண்மை ஐயா, அதை கொடுத்துப் பார்த்தல் தான் அனுபவிக்க முடியும் ஜாலி