ராணா தயவில் நான் இல்லை!

வெண்ணெய் நிறத்தழகி தாப்ஸி! ஆடுகளம் மூலம்
தமிழர்கள் மனதில் சலவை மொட்டாக படர்ந்தவர்,
இடையில் பாலிவுட்டை நம்பி கோலிவுட்டை மறந்தார்.
அதற்குள் காதல் கிசுகிசுக்கள் வேறு.
-
தமிழ் சினிமா மீது உங்களுக்கு என்ன கோபம்?
-
ஆடுகளம் அறிமுகமென்றாலும் அதிர்ஷ்டத்தைப் பற்றி
என் காதுபடவே பின்னாளில் பேச ஆரம்பித்ததுதான்
என்னால் ஜீரணிக்க முடியாதது.
-
ஒரு நடிகையை அவரது திறமை தோற்றத்தை வைத்து எடை
போடலாம். அதிஷ்டமில்லாதவ அப்படி இப்படின்னு
சொல்றதெல்லாம் அபத்தம் முட்டாள்தனம்.
ஒரு லெவலுக்க மேல என்னால பொறுக்க முடியல,
இந்திக்கு போய் விட்டேன்.
-
சரி, தமிழில் அழகான அனுபவம்னு எதைச் சொல்வீங்க?
-
ஆரம்பம், அஜித் நயன்தாரா, ஆர்யா இவர்களுடன் நடித்தது
மறக்க முடியாதது. அஜித், ஆர்யா இரண்டு பேரும் செம
ஜாலியாக இருப்பார்கள். எப்படிப்பட்ட சீன்லயும்
அலட்டிக்காமல் ஈசியா நடிக்கறது எப்படினு எனக்கு புரிய
வைத்தார்கள்.
-
இதில் நடிக்கும்போது தான் எனக்கும் நயன்தாராவுக்கும்
நட்பு மலர்ந்தது. பெஸ்ட் ஃபிரெண்ட்ஸ் ஆனோம். தினமும்
குறுஞ் செய்திகளை பரிமாறிக் கொள்வோம்
படம் பற்றி, பர்சனல் லைஃப்ல நடந்த சுவாரஸ்யங்கள் பற்றி
மூடி மறைக்காமல் பகிர்ந்து கொண்டோம்.
-
திரும்பவும் தமிழுக்கு?
-
நான் எப்பவும் தயார்
தென்னிந்திய சினிமாதான் என்னை தள்ளிவைக்கிறது
இன்னும் சொல்லப் போனால் தலை முழுகிவிட்டதுன்னு
சொல்லலாம். ஆனால் எனக்கு இங்கதான் ரசிகர்கள் அதிகம்.
அவங்களோட ஆதரவு போதும்.
-
எப்ப வேணும்னாலும் எப்படி வேணும்னாலும் வருவேன்.
வேற யார் தயவும் எனக்குத் தேவையில்லை இப்போதைக்கு
இந்தி, தெலுங்கு, கன்னடம்னு பிஸியா இருக்கேன்.
தமிழுக்கு ஃபிரஷ்ஷா வருவேன்.
-
---------------------------------------

ராணா உங்களுக்க சிபாரிசு செய்கிறாராமே,
அவருடைய கேர்ள் ஃபிரெண்ட் நீங்கதானா?
-
அவர் ஹீரோ நான் ஹீரோயின் என்பதோடு தான் எங்கள்
எல்லை. ஷூட்டிங் ஸ்பாட்ல வரைதான் எனக்க அவர் நண்பர்.
அதுக்குப் பிறகு நான் யாரோ அவர் யாரோ இப்படி
தேவையில்லாமல் முடிச்சுப் போடாதீங்க!
-
‘பேபி’ என்ற இந்திப் படத்தில் எனக்காக கேரக்டருக்காகத்
தான் தேர்ந்தெடுக்கப்பட்டேன். அவர் என்னை சிபாரிசு எதுவும்
செய்யவில்லை. அப்படிப்பட்ட அவசியமும் எனக்க இல்லை.
இந்தியில் நான் அறிமுகமான நடிகைதான்.
-
எந்த நடிகரோடும் நட்பு இல்லையா?
-
நட்பு வேற காதல் வேற என்னுடன் நடிப்பவர்களுடன்
தோழமையோடு பேசுவேன். பழகுவேன். அது காதல் கிடையாது.
நல்ல நடிப்பை வெளிப்படுத்தும்போது பாராட்டுவது காதலில்
சேராது.
------------------------


– சபீதா ஜோசப்

குமுதம்