அந்த “மானை’ப் பாருங்கள்.. அழகு!

**ayyasamy ram** · **ayyasamy ram** Fri Mar 03, 2017 6:44 pm

இராவணனைப் பார்த்து மாரீசனானவன்,
“இராவணா நீயோ மாயவித்தைகளில் வல்லவன். நீயே ஏன்
இராமனைப்போல் உருமாறி சீதையை நம்ப வைத்து,
அவளை அழைத்துக்கொண்டு வரக்கூடாது?” எனக் கேட்க,
அதற்கு இராவணன் சொன்ன பதில் என்ன என்று நான் கேட்க,
ஹெட்போன் பாட்டி எழுந்து சொன்ன பதிலால் நான் மலைத்துப்
போனேன். அந்தப் பாட்டி என்ன சொன்னது தெரியுமா?

மாரீசனைப் பார்த்து இராவணன், “அட மக்கு மாமா…
நான் இராமனாக உருமாறிவிட்டால் என்னால் எப்படி அடுத்தவன்
மனைவி மீது ஆசை கொள்ள முடியும்? உருவத்திற்கேற்ற
உள்ளமும், உணர்வும் வந்துவிடாதா என்றுதானே சொன்னான்?”
என்று ஹெட்போன் பாட்டி கேட்டுவிட்டு,

“அம்பிகளா இது இராமாயணத்துல இல்ல. இமயஜோதி சிவானந்தர்
சொன்ன கதையாக்கும்” என்று கிராஸ்டாக்காகச் சொல்லிமுடிக்க,
எல்லாரும் சந்தோசமாகக் கைதட்டினார்கள்.

-பேராசிரியர் கு. ஞானசம்பந்தன்

உன்னோடு போட்டி போடு -கட்டுரையிலிருந்து