சிந்தை நிறைக்கும் சிவ வடிவங்கள்

by **ayyasamy ram** Wed Mar 01, 2017 6:22 pm

-

சிந்தை நிறைக்கும் சிவ வடிவங்கள் 3COm1CdySDWSCCgtiXVi+63320711

-
சாதாரணமாக ஆலயங்களில் வழிபடப்படும் சிவமூர்த்தம்,
லிங்க மூர்த்தம் என அழைக்கப்படுகிறது.

ஈசனுக்கும் பார்வதிக்கும் நடுவில் விநாயகப் பெருமான்
வீற்றுள்ள வடிவம், சோம கணபதி மூர்த்தம் என்ற
வழங்கப்படுகிறது.

பாசுபசு அஸ்திரத்தைப் பெற கடுந்தவம் செய்த
அர்ஜூனனுக்கு வேடுவ வடிவில் காட்சியளித்த ஈசனை
கிராம மூர்த்தி என்பர்.

பார்வதிக்கும் ஈசனுக்கும் இடையே முருகப்பெருமான்
இருக்கும் வடிவம் சோமாஸ் சுந்தர மூர்த்தம் என்று
வணங்கப்படுகிறது.

அன்னை பார்வதி விநாயகர், முருகனுடன் ஈசன் எருதில்
அமர்ந்தருளும் திருவடிவம் ரிஷபாரூடர் எனப்படுகிறது.

வண்டு வடிவம் எடுத்து ஈசனை மட்டுமே வலம் வந்து
பிருங்கி முனிவரின் ஆணவத்தை அடக்கி, சக்தியின்
பெருமையை உலகிற்கு உணர்த்த ஈசன் தன் உடலில்
பாதியை உமையம்மைக்குத் தந்தார் அதுவே
அர்த்தநாரீஸ்வரர் வடிவம்.

ஓம் எனும் பிரணவத்திற்கு பொருள் சொன்ன சுப்ரமணிய
சுவாமியிடம் சிஷ்ய பாவத்தின் அதன் பொருள் கேட்ட
ஈசன் சிஷ்யபாவ மூர்த்தியாகப் போற்றப்படுகிறார்.

பாற்கடலை அசுரர்களும் தேவர்களும் கடைந்தபோது
எழுந்த ஆலாலம் எனும் கொடிய விஷயத்தை விழுங்கி,
தன் கழுத்தில் ஆபரணமாக நிறுத்திய ஈசன்
விஷாபாரணமூர்த்தியாக வணங்கப்படுகிறார்.

ஈசனின் அடியைத் தேடி வராக வடிவில் திருமாலும்
முடியைத் தேடி அன்ன வடிவில் நான்முகனும் புறப்பட்டனர்.
அப்போது விண்ணுலகத்தையும் பாதாள உலகத்தையும்
இணைத்தாற் போல ஜோதிவடிவாகத் தோன்றிய ஈசன்
‘லிங்கோத்பவமூர்த்தி’ என்று அழைக்கப்படுகிறார்.

by **ayyasamy ram** Wed Mar 01, 2017 6:23 pm

பக்தனின் வேண்டுகோளை ஏற்று விண்ணுலகிலிருந்து
பூமிக்கு வந்த கங்கையை தன் சடைக்கற்றையில்
தரித்துள்ள ஈசன், ‘கங்காதரர்’ என ஆராதிக்கப்படுகிறார்.

குமாரசம்பவம் நிகழ்வதற்காக தன் மேல் மலர்க்
கணைதனை எய்த மன்மதனை தன் நெற்றிக் கண்ணால்
எரித்து சாம்பலாக்கினார் ஈசன். அவரே காமதகன மூர்த்தி.

தட்சப்பிரஜாபதியின் 27 பெண்களை மணந்து அதில்
ரோகிணியிடம் மட்டும் மிக்க அன்பு வைத்திருந்ததால்
தட்சனின் சாபம் பெற்ற சந்திரனைக் காத்து, இழந்த
ஒளியை அவனுக்கு வழங்கி தன் சிரசிலும் தரிந்துக்
கொண்ட ஈசன் சந்திரசேகரர் ஆனார்.

என்றும் பதினாறாக வாழும் வரம் பெற்ற
மார்க்கண்டேயனுக்காக காலனை எட்டி உதைத்த ஈசன்
‘காலசம்ஹாரமூர்த்தி’ எனப் பெயர் கொண்டார்.

ஹிரண்யகசிபுவை அழித்த நரசிம்மமூர்த்தியின்
ஆவேசத்தை அடக்க தன் இரு இறக்கைகளாக பிரத்யங்கிரா,
சூலினி தேவியருடன் தோன்றிய ஈசனின் தருவுருவம்
சரபேஸ்வர மூர்த்தியாக வணங்கப்படுகிறது.

தாருகா வன முனிவர்களின் ஆணவத்தை அடக்கவும்.
அவர்களின் பத்தினிகளின் மன அடக்கமின்மையை
உலகிற்குத் தெரியப்படுத்தவும் ஈசன் மேற்கொண்டது
பிட்சாடனர் திருக்கோலம்.

கஜாசுரன் எனும் அரக்கனை அழித்து, அவன் யானை
வடிவ தோலில் நர்த்தனமாடிய ஈசனின் திருவடிவம்,
கஜசம்ஹாரமூர்த்தி எனப் போற்றப்படுகிறது.

கடுந்தவம் செய்து நான்முகனிடமிருந்து பொன்கோட்டை
பெற்ற தாரகாட்சன், வௌ்ளிக்கோட்டை பெற்ற
கமலாட்சகன், இரும்புக் கோட்டை பெற்ற வித்யுன்மாலி
எனும் மூன்று அசுரர்களையும் அவர்தம் கோட்டைகளையும்
அழித்த ஈசன் திரிபுராந்தகராகக் கொண்டாடப்படுகிறார்.

தன்னை மதிக்காமல் யாகம் செய்த தன் மாமனாரான
தட்சப்பிரஜாபதியை அழித்த ஈசன் வீரபத்திரராக வழி
படப்படுகிறார்.
–
—————————————

– கே.என். மகாலிங்கம், பாண்டிச்சேரி
குமுதம் பக்தி செய்திகள்:

சிந்தை நிறைக்கும் சிவ வடிவங்கள்

சிந்தை நிறைக்கும் சிவ வடிவங்கள்

Re: சிந்தை நிறைக்கும் சிவ வடிவங்கள்