மகள் மறந்த சீதனம்

ஈகரை தமிழ் களஞ்சியம் :: கவிதைக் களஞ்சியம் :: சொந்தக் கவிதைகள் :: புதுக்கவிதைகள்

Page 1 of 1 •

மகள் மறந்த சீதனம்

#1234311

ச. சந்திரசேகரன்
தளபதி: பதிவுகள் : 1170
இணைந்தது : 16/09/2012

Post ச. சந்திரசேகரன் Wed Feb 22, 2017 4:54 am

மகள் மறந்த சீதனம்

மறுவீடு சென்ற மண மகளே
மறந்து சென்ற மரப்பாச்சி இங்கே
புகுந்தவீடு சென்ற பொன் மகளே
பிரிந்து சென்ற பொம்மை இங்கே

பட்டம் படித்த புத்தகம் இங்கே
சட்டம் பேசும் மொழிகள் அங்கே
வாட்டம் கொண்ட உயிர்கள் இங்கே
நாட்டம் கொண்ட நங்கை அங்கே

தோட்டம் பூத்த மலர்கள் இங்கே
தொடுத்து வைத்த மாலை இங்கே
ஆட்டம் போடும் அழகி அங்கே
அள்ளிச்சூடும் அருமை அங்கே

சட்டைப் பையில் காசு இங்கே
சட்டென எடுக்கும் கைகள் அங்கே
அட்டைப் பெட்டியில் ஆடைகள் இங்கே
அணிந்து மகிழ்ந்த அழகி அங்கே

ஓட்டி மகிழ்ந்த வாகனம் இங்கே
உட்கார்ந்து வந்த ஊர்வசி அங்கே
வாட்டி எடுக்கும் நினைவுகள் இங்கே
வாதம் செய்யும் நங்கை அங்கே

ஊட்டி விட்ட உற்றார் இங்கே
உண்ணாது ஓடும் உரியவள் அங்கே
ஆட்டி வைத்த அரசி அங்கே
அவளின் நினைவில் நாங்கள் இங்கே

பொட்டு வைத்த பெற்றோர் இங்கே
போக்கு காட்டும் பொற்கொடி அங்கே
விட்டுக் கொடுத்த பெற்றோர் இங்கே
விந்தை காட்டும் விழியாள் அங்கே

கண்போல் காத்த காவலர் இங்கே
கருத்தில் கொண்ட கண்மணி அங்கே
பொன்போல் போற்றிய பெற்றோர் இங்கே
பொறுப்பாய் சென்ற பொன்மகள் அங்கே

உன்னை நோக்கி உறவுகள் இங்கே
உணர்ந்து கொள்வாரா உன்னவர் அங்கே
விண்ணை நோக்கி விழிகள் இங்கே
வந்து செல்வாயோ வளர்மதி இங்கே

ச.சந்திரசேகரன்

மகள் மறந்த சீதனம் 425716_444270338969161_1637635055_n

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

Page 1 of 1