வித்து

ச. சந்திரசேகரன் · 16/09/2012

வித்து

முயற்சிகள் யாவும் வெற்றி தருவதில்லை
ஆனால்
வெற்றியின் வித்து முயற்சியின்றி வேறில்லை

பூக்கள் யாவும் பூமாலை ஆவதில்லை
ஆனால்
பூமாலையின் வித்து பூக்களின்றி வேறில்லை

சொற்கள் யாவும் கவிதை ஆவதில்லை
ஆனால்
கவிதையின் வித்து சொற்களின்றி வேறில்லை

ஒலிகள் யாவும் இசை ஆவதில்லை
ஆனால்
இசையின் வித்து ஒலிகளின்றி வேறில்லை

அசைவுகள் யாவும் நடனம் ஆவதில்லை
ஆனால்
நடனத்தின் வித்து அசைவின்றி வேறில்லை

பார்வைகள் யாவும் காதல் கொள்வதில்லை
ஆனால்
காதலின் வித்து பார்வையின்றி வேறில்லை

உறவுகள் யாவும் உரிமை பெறுவதில்லை
ஆனால்
உரிமையின் வித்து உறவின்றி வேறில்லை

இரவுகள் யாவும் இன்பம் தருவதில்லை
ஆனால்
இன்பத்தின் வித்து இரவின்றி வேறில்லை

அணுக்கள் யாவும் கரு ஆவதில்லை
ஆனால்
கருவின் வித்து அணுவின்றி வேறில்லை

பக்தி யாவும் முக்தி பெறுவதில்லை
ஆனால்
முக்தியின் வித்து பக்தியின்றி வேறில்லை

ச. சந்திரசேகரன்

**krishnaamma** · **krishnaamma** Wed Mar 01, 2017 11:33 pm

எப்போதும் போல மிக அருமையான கவிதை சேகரன் ! .....வாழ்த்துகள் ! மகிழ்ச்சி

வித்து

வித்து

Re: வித்து

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக