சிவனை வைத்து புகழும் பணமும் சம்பாதிக்க நினைத்தால்?

தமிழும் சைவமும் என்று ஆரம்பமானது என்பதற்கு யாருக்கும் சரியான விடை தெரியாது. இன்று இருக்கும் மற்றைய எல்லாச் சமயங்களும், மொழிகளும், பிற்பட்டவையே. இந்த உலகத்துக்கு முழுமுதற் கடவுள் சிவபெருமானே.

உலகில் உள்ள உயிர்கள் நற்கதி பெற வேண்டும் என்பதற்காக சிவபெருமானால் வடமொழியில் தரப்பட்டது வேதங்களும் ,ஆகமங்களும், தமிழ் மொழியில் சிவன் தந்தது "இறையனார் அகப்பொருள்" என்ற நூல்.முதன் முதலில் தமிழுக்கு இலக்கணம் தந்தது சிவபெருமானே. சிவன் அகத்தியருக்கு சொல்ல அகத்தியரால் எழுதப்பட்டதே "அகத்தியம்" என்ற நூல்.

அதைப் பின்பற்றியே தொல்காப்பியர் "தொல்காப்பியம்" என்ற நூலை எழுதினார். அகத்தியம் இன்று எம்மிடம் இல்லை அழிந்துவிட்டது. தொல்காப்பியம் இருக்கிறது. சிவனுக்கு மிகவும் பிடித்தது தமிழ் மொழியே. சம்பந்தர்,அப்பர், சுந்தரர்,மாணிக்கவாசகர், ஆகிய நான்கு போரையும் தமிழில் பாடும்படி கேட்டுப் பாடவைத்தார்.

தென்னாடுடைய சிவனே போற்றி என்நாட்டவர்க்கும் இறைவா போற்றி என்று சிவனைப் போற்றுவதைக் கேட்டிருப்பீர்கள். இதில் தென்னாடு என்பது இன்றைய தமிழ்நாடு ஆகும். இன்று நாம் படிக்கும் திருவாசகத்தை மாணிக்கவாசகர் சொல்ல சிவனே தன்னுடைய கையால் ஏடுகளில் எழுதி வைத்தார்.

பல்லாயிரம் பிறவிகளில் செய்த புண்ணியத்தின் பலனாலேயே சிவனைக் காணும் வாய்ப்பு கிடைக்கும். தமிழுக்கும் சைவத்துக்கும் அழிவு வரும்போது சிவன் அதைக் காப்பதற்கு தகுதியானவர்களை அவதாரம் செய்ய வைத்துக் காப்பாற்றிக் கொள்ளுவார். அதனாலேயே தமிழும் சைவமும் இன்றுவரை வாழ்கிறது. எப்போதும் வாழும்.

முக்கியமாகக் கவனிக்க வேண்டியது என்னவென்றால் தானும் தன்னைப்போலவே மற்றவர்களும் சிவனருள் பெறவேண்டும் என்ற நல்ல எண்ணத்தில் கோவில் கட்டுபவர்களுக்கு சிவபுண்ணியம் வந்து சேரும். ஆனால் சிவனை வைத்து புகழும் பணமும் சம்பாதிக்க நினைத்தால் கொடிய பாவம் வந்துசேரும்.

நீங்கள் சொல்வது நிஜம் தான்..............வெகுநாட்களாக உங்களை இங்கு காண முடிவதில்லையே , நலம் தானே?