யாழ்ப்பாணத்துக்குள் விடுதலைப்புலிகள் புகுந்தனர்: ராணுவத்துடன் கடும் சண்டை

**Admin** · **Admin** Tue Mar 10, 2009 4:10 pm

கொழும்பு, மார்ச். 10- இலங்கையில் விடுதலைப்புலிகள் முல்லைத் தீவு மாவட்டத்தில் புதுக்குடியிருப்பு மற்றும் அதை சுற்றியுள்ள 50 சதுர கிலோ மீட்டர் நிலப்பரப்பில் முடக்கப்பட்டுள்ளனர். அவர்களை ஒரு வாரத்தில் முற்றிலும் தோற்கடித்து விடுவோம் என்று சிங்கள அரசு கூறுகிறது. ஆனால் விடுதலைப்புலிகள் ராணுவ காவல் அரணை உடைத்துக்கொண்டு அங்கிருந்து வெளியேறி உள்ளனர்.

அவர்கள் சிங்கள படை ஏற்கனவே பிடித்த பகுதிகளுக்குள் ஊடுருவி விட்டனர். இதனால் புதுக்குடியிருப்பை முற்றுகையிட்டுள்ள சிங்கள படை மீது விடுதலைப்புலிகள் பின்னால் இருந்து தாக்கும் நிலை உருவாகி உள்ளது.

விடுதலைப்புலிகளின் ஒரு பகுதியினர் யாழ்ப்பாணம் பகுதிக்குள் புகுந்துள்ளனர். யாழ்ப்பாணம் பல ஆண்டுகளாகவே ராணுவத்தின் கட்டுப்பாட்டில் உள்ளது. இங்கு எப்படியோ விடுதலைப்புலிகள் புகுந்து விட்டனர்.

சிங்கள ராணுவத்தின் ஒட்டு மொத்த படை இப்போது முல்லைத்தீவு மாவட்டத்தில் உள்ளது. எனவே இங்கு குறைந்த அளவு படைகளே உள்ளன. அவர்கள் மீது விடுதலைப்புலிகள் தாக்குதல் தொடங்கி உள்ளனர். இரு தரப்புக்கும் இடையே கடுமையான சண்டை நடந்து வருகிறது.

சனிக்கிழமையும், ஞாயிற்றுக்கிழமையில் இந்த பகுதியில் கடும் துப்பாக்கி சண்டையும், பீரங்கி சண்டையும் நடந்ததாக அந்த பகுதி மக்கள் தெரிவித்தனர். ஆனால் இதில் இரு தரப்புக்கும் ஏற்பட்ட சேதம் குறித்து தகவல் இல்லை.

இதே போல ராணுவம் 2 மாதங்களுக்கு முன்பு கைப்பற்றிய விசுவமடு பகுதியிலும் விடுதலைப்புலிகளுக்கும், ராணுவத்துக்கும் கடும் சண்டை நடந்தது. இந்த பகுதிக்குள்ளும் விடுதலைப்புலிகள் எப்படியோ ஊடுருவி இருக்கின்றனர்.

யாழ்ப்பாணத்துக்குள் விடுதலைப்புலிகள் புகுந்தனர்: ராணுவத்துடன் கடும் சண்டை

யாழ்ப்பாணத்துக்குள் விடுதலைப்புலிகள் புகுந்தனர்: ராணுவத்துடன் கடும் சண்டை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக