நான் தேடும் இதழ்கள்

**T.N.Balasubramanian** · **T.N.Balasubramanian** Fri 24 Feb 2017 - 17:37

நான் தேடும் இதழ்கள்

இந்த சுட்டியை தட்டினால்
இந்த வார இதழ்கள் கிடைக்குமாம்.
மற்றுமோர் லிங்கை கொடுத்து
மாத இதழ்கள் பெறலாமாம்.
தினசரிகள் வேண்டுமெனில்
திறக்கவேண்டுமாம் குறிப்பிட்ட
தளங்களை.

நான் தேடும் இதழ்கள்
நாள்தோறும் என்னிடம் வர
நானென்ன செய்யவேண்டும்,
நவின்றிடுவீர் நல்லவர்களே!!

ரமணியன்

Guest · Guest Sat 25 Feb 2017 - 2:06

கவிதை பாடத் தெரியாது.நான் புரிந்து கொண்டது சரியானால், எந்த இதழ்களைத் தேடுகிறீர்கள்.
இணையத்தில் டிஜிட்டல் பதிப்பாக வந்தாலும் உங்கள் வீட்டிற்குத் தானே வரும்.அனைத்து இதழ்களையும் ஒரே இடத்தில் இணையத்தில் படிக்கலாமே . இங்கு கிடைப்பது கஷடம் என்பதால், அம்மா அப்படித்தான் படிக்கிறார்கள்.
சரியாகப் புரிந்து பதில் கொடுத்தேனா?

**T.N.Balasubramanian** · **T.N.Balasubramanian** Sat 25 Feb 2017 - 8:20

மற்ற உறவுகள் என்ன கூறுகிறார்கள் என்றும் பார்ப்போம்

ரமணியன்

**M.Jagadeesan** · **M.Jagadeesan** Sat 25 Feb 2017 - 10:17

நான்தேடும் இதழ்கள் வெற்றுக் காகிதமல்ல !
...இளஞ்சிவப்பு வண்ணத்தில் இருக்கும் அந்த
தேனூறும் பொற்கிண்ணம் பருகப் பருக
...தெவிட்டாத சொர்க்கத்தைத் தினமும் நல்கும் !
கானேகி தவம்செய்யும் முனிவர் கூட
...கடக்க முடியாத இன்பக் கடலாம் !
மான்விழியாள் மங்கையவள் முகத்தில் இருக்கும்
...மதுக்கிண்ணம் போதைதரும் இதழ்கள் ஆகும் !

**T.N.Balasubramanian** · **T.N.Balasubramanian** Sat 25 Feb 2017 - 12:46

நன்றி Jagadeesan அவர்களே.
இன்னும் 2 /3 பதிவர் பதிலையம் எதிர்பார்க்கிறேன் .

ரமணியன்

**T.N.Balasubramanian** · **T.N.Balasubramanian** Wed 1 Mar 2017 - 11:05

வரவேண்டியவர்கள் வராத காரணத்தால்,
வரவேண்டியதை வாராது தடை இடலாமோ !

ஆகவே ,

நான் தேடும் இதழ்கள் Cc0a43d2c67e4502bbaddba147952ac6

நான் தேடும் இதழ்கள் Shutterstock_49426612-e1357618590705

நான் தேடும் இதழ்கள் Affectionate-toddler-article

தவழ்ந்தே வரும்
தடுமாறியும் வரும்
தத்தக்கா பித்தக்காவென வரும்
முதுகை பிடித்து எழுந்து நின்று
முத்தமொன்று கொடுக்கும்
எச்சில் பட்டாலும்
துச்சமாகவே மதித்து
மிச்சத்தையும் கேட்போம்.

மழலைகள் இருப்பின்
முசுடுகளின் முகத்திலும்
மந்தஹாஸம்தான்.

பார்ப்பார் பலராயினும்
மறுப்பார் எவருமிலர்..
தினம் தினம் வேண்டும் இவ்விதழ்களை
இனம் கண்டாயா ஈகரை உறவே.?

ரமணியன்

@MJagadeesan
@murthy

**M.Jagadeesan** · **M.Jagadeesan** Wed 1 Mar 2017 - 12:25

அய்யாவின் கவிதை அற்புதம்தான்

என்றாலும் .......

செந்தமிழ்த் தேன்மொழியாள் ! - நிலாவென
சிரிக்கும் மலர்க்கொடியாள் !
பைங்கனி இதழில் பழரசம் தருவாள் !
பருகிடத் தலைகுனிவாள் !

என்ற கண்ணதாசனின் வரிகளில் ரமணியின் ஐயாவுக்கு உடன்பாடு இல்லைபோலும் .

இந்த பதிவைத் துவங்கியவர் நன்றி கூறியுள்ளார் M.Jagadeesan

**T.N.Balasubramanian** · **T.N.Balasubramanian** Wed 1 Mar 2017 - 19:33

இதழ்கள் தேவைதான்
இருக்குமிடம் தான் வேறு.!

இதயம் அறிவுறுத்தும்
இங்கிதமுடன் நடந்திடவே.!!

ரசித்ததுண்டு .....
கவிஞரின் வரிகள் யாவையும்
ரமணியன்

**ayyasamy ram** · **ayyasamy ram** Wed 1 Mar 2017 - 22:45

-
ஒரு கதை ஞாபகத்திற்கு வருகிறது:
--------
"நேற்று இரவு என் படுக்கை அறையில் நிம்மதியாய்
தூங்கிக் கொண்டிருக்கும் போது ஒருவன் உள்ளே
நுழைந்து என் மார்பில் ஏறி எட்டி உதைத்தான்.
அவனுக்கு என்ன தண்டனை தர வேண்டும் முடிவு
செய்யுங்கள்'' என்றார் அரசர்
-
சேனாதிபதி எழுந்து அவன் காலை வெட்டிவிட வேன்டும்
என்றார்.

இன்னொரு தளபதி எழுந்து அஜாக்கிரதையாய் இருந்த
மெய்காப்பாளர்களை தூக்கிலிட வேண்டும் என்றார்.

இப்படியாக ஆளுக்கு ஒரு கருத்தும், தண்டனையும் வழங்கினர்.

மத்திய மந்திரி எழுந்தார். "மன்னனின் மார்பில் உதைத்த அந்த
கால்களுக்கு தங்க கொலுசு போட வேண்டும்'' என்றார்.
அரசவை சலசலத்தது. மந்திரி தொடர்ந்தார்.

இவ்வளவு பாதுகாப்பான அரண்மனைக்குள் அந்நியன் யாரும்
நுழைய முடியாது. அதுவும் மன்னரின் படுக்கை அறைக்குள்
அவரது குடும்பத்தை தவிர யாரும் செல்லவே அனுமதியில்லை.

ஆகவே, படுக்கை அறைக்குள் நுழைந்து மன்னரின் கட்டில்
ஏறி மார்பில் எட்டி உதைத்தது. மன்னரின் பேரக்
குழந்தையாகத்தான் இருக்க முடியும். அதனால் தண்டனை
வேண்டாம். பரிசு வழங்குங்கள் என்றார்.
மன்னர் மந்திரியின் அறிவை பாராட்டினார்.
-
-----------------------------------------

**T.N.Balasubramanian** · **T.N.Balasubramanian** Wed 1 Mar 2017 - 23:09

எனது தாயாரும் இந்த கதை சொல்லுவார்கள் ராம்!
"மார்பில் காலால் உதைத்தவனுக்கு, தங்க காப்பு போடவேண்டும்."
தங்க கொலுசுக்கு பதில் தங்கக்காப்பு என்பார்கள்.
கையில் விலங்கு போடுவதையும் தங்கக்காப்பு போடுதல் என்று கூறுவதுமுண்டு.

ரமணியன்

Sponsored content · Sponsored content

நான் தேடும் இதழ்கள்

நான் தேடும் இதழ்கள்

Re: நான் தேடும் இதழ்கள்

Re: நான் தேடும் இதழ்கள்

Re: நான் தேடும் இதழ்கள்

Re: நான் தேடும் இதழ்கள்

Re: நான் தேடும் இதழ்கள்

Re: நான் தேடும் இதழ்கள்

Re: நான் தேடும் இதழ்கள்

Re: நான் தேடும் இதழ்கள்

Re: நான் தேடும் இதழ்கள்

Re: நான் தேடும் இதழ்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக