தேசியத்தலைவர் பிரபாகரனுக்கான பிறந்தநாள் கவிதை

வித்யாசாகர் · வித்யாசாகர் Thu Nov 26, 2009 6:15 pm

மாசிலா மன்னனே..

உலகத்தில் பேர் சொல்ல தலைவருண்டு
நீ மட்டுமே - தமிழர்களை தலைவனாக்க
தலைவனானாய்;

உலக நாடுகள் தன்னை நீட்டி விரித்துக்
கொண்ட போது - நீ மட்டுமே - தமிழனுக்கும் தனி
நாடுண்டென ஈழத்துக் கொடி பிடித்தாய்;

புலி விரட்டிய தமிழச்சியின் தவப் புதல்வனே
தொப்புள் கொடி உறவறுத்து - தமிழருக்கு
அண்ணனான அண்ணலே;

வாழ்வது ஒருமுறை; வீழ்வதும் ஒருமுறை
இரண்டில் எதுவாயினும் ஈழத்திற்கேயென
போர்புரிந்த மாவீரனே;

செய்திகளுக்கு தீனி போட்டு..
வீடுகளுக்கு புகழில் வெள்ளையடித்து..
அதிகார வர்க்கத்தில் -
எதையும் அசைத்து விடுவதாய் எண்ணி வாழும்
பல உலகமகா தலைவர்களை தாண்டி
விடுதலையென்னும் ஒற்றை சொல்லுக்காய்
வாழ்வின் அரை தூரம் கடந்து விட்ட மாசிலா மன்னனே;

நீ பிறந்தாய் -
தமிழரின் தனி அடையாளத்தை
உலகம் தெரிந்துக் கொண்டது!

நீ பிறந்தாய் -
தமிழரின் தீரம் இதுவென்று கண்டு
உலகமே அதிர்ந்து நின்றது!

நீ பிறந்தாய் -
சிங்களனின் திமிரெங்கோ
தலைகவிழ்ந்து வீழ்ந்தது!

நீ பிறந்தாய் -
ஈழ தேசம் ஒட்டுமொத்த தமிழரின்
கனவு தேசம் ஆனது!

இதோ.. கனவு தேசம் கைகூடும்
நாளின்னும் வெகு தொலைவிலில்லை..

எங்களின் ஒற்றை தலைவனே..
கனவு தேசம் இனி எங்களின் -
லட்சிய தேசமென முழங்குவோம்;

இந்த லட்சிய தேசம் வெல்லும் நாளில்
உன் பிறந்த தினம் தானே - எங்களின்
முடிசூடும் ஈழ திருநாளாகும்!
-------------------------------------------------

வீர எழுச்சி மிகு அண்ணன் அவர்களுக்கு பிறந்த நாள் நல்
வாழ்த்துக்களுடன்...

வித்யாசாகர்

மீனு · மீனு Thu Nov 26, 2009 6:25 pm

இதோ.. கனவு தேசம் கைகூடும்
நாளின்னும் வெகு தொலைவிலில்லை தேசியத்தலைவர் பிரபாகரனுக்கான பிறந்தநாள் கவிதை 677196

ஆம் நமக்கு ஈழம் நிச்சயம் உண்டு,நம் மக்களுக்கு விடியலும் நிச்சயம் உண்டு ,
அருமையான கவிதை வித்யாசாகர் .

selvak · selvak Fri Nov 27, 2009 11:23 am

எங்களின் ஒற்றை தலைவனே.. கனவு தேசம் இனி எங்களின் - லட்சிய தேசமென முழங்குவோம்;

அற்புதம் தோழரே , நன்றி தேசியத்தலைவர் பிரபாகரனுக்கான பிறந்தநாள் கவிதை 677196

Sponsored content · Sponsored content

தேசியத்தலைவர் பிரபாகரனுக்கான பிறந்தநாள் கவிதை

தேசியத்தலைவர் பிரபாகரனுக்கான பிறந்தநாள் கவிதை

Re: தேசியத்தலைவர் பிரபாகரனுக்கான பிறந்தநாள் கவிதை

Re: தேசியத்தலைவர் பிரபாகரனுக்கான பிறந்தநாள் கவிதை

Re: தேசியத்தலைவர் பிரபாகரனுக்கான பிறந்தநாள் கவிதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக