இரா. இரவியின் படைப்புலகம் ! நூல் ஆசிரியர் தமிழ்த் தேனீ இரா .மோகன் ! நூல் மதிப்புரை கவிபாரதி மு .வாசுகி மேலூர் !

by **eraeravi** Fri Feb 24, 2017 11:41 am

இரா. இரவியின் படைப்புலகம் !

நூல் ஆசிரியர் தமிழ்த் தேனீ இரா .மோகன் !

நூல் மதிப்புரை கவிபாரதி மு .வாசுகி மேலூர் !

வெளியீடு ;

வானதி பதிப்பகம் !

104 பக்கம் . விலை ரூபாய் 70.

23. தினதயாளு தெரு

தியாகராயர் நகர்

சென்னை 600 017.

பேச 044- 24342810 / 24310769

மின் அஞ்சல் vanathipathippakam@gmail.com

தனது மகிழ்வை விட தன்னோடு இருப்பவர்களின் மகிழ்விற்காக பாடுபடுவது எல்லோருக்கும் வாய்த்திடாத பெரும் பேறு இரா. இரவி அவர்களுக்கு கிடைத்திருப்பது எனக்கு மிக்க மகிழ்ச்சி!

இரா. மோகன் ஐயாவின் புகழின் நீளத்திற்கு நான் ஒரு புள்ளியாய்க் கூட இருக்க முடியாது என்பதை நானே அறிவேன் இருப்பினும் அவரின் சொற்களைக் கேட்ட காதுகளும், புன்னகையைக் கண்ட கண்களும் எனக்குச் சொந்தமானதால் அவரைப் பற்றி எழுத ஒரு தகுதியிருப்பதாய்க் கௌரவப்படுகிறேன். அறிவும், புகழும் ஒருவரே இணையப் பெற்ற இரா. மோகன் ஐயா இந்நூலை வெளியிட்டிருப்பது இரா. இரவி அவர்களுக்கு நீங்காத புகழைப் சேர்க்கும் என்பதில் என்னளவும் ஐயமில்லை! மதிப்பிற்குரிய இறையண்பு அவர்கள் குறிப்பிட்டதைப் போன்று.

“எங்கு நாற்று கண்களுக்கு தெரிந்தாலும் அது மரமாக வளரும் வரை குடைபிடிக்கும் எண்ணத்தைக் கடைபிடிக்கும் பேராசிரியர் இரா. மோகன்” என்றும் குறிப்பிட்டு இருப்பது நூற்றுக்கு நூறு சதவீத உண்மை.

திருக்குறளுக்கு திருவள்ளுவமாலை போல், இரா. இரவியின் பதினாறு நூல்களுக்கும் இந்த படைப்புலகம் நூல் விளங்கும்.

இதுவரை 16 நூலையும் படிக்காதவர்களும் இந்த ஒரு நூலின் மூலம் இரா. இரவியின் வாசகராக மாறி விடுவர்.

பல எழுத்தாளரின் நூலகத்தில் வைப்பதற்கு ஒரு புத்தகம் எழுதுவார்கள்!

இரா. மோகன் ஐயாவின் புத்தகங்களை வைப்பதற்காகவே ஒரு நூலகம் திறக்க வேண்டும்!

இத்தனை புகழுக்குரிய இரா. மோகன் ஐயா கவிஞர் இரா. இரவி வரலாற்றில் ஓர் இடத்தை முன்பதிவு செய்திருக்கிறார்! என்றே கூற வேண்டும்.

இரா. மோகன் அவர்களின் நட்பு! இலக்கிய ஆர்வலர்களுக்கு உப்பு!