சின்ன சின்ன கை வைத்தியங்கள்!

**ayyasamy ram** · **ayyasamy ram** Mon Feb 13, 2017 7:00 pm

* கசகசாவை பாலில் ஊறவைத்து அரைத்து அத்துடன்
பாசிபருப்பு மாவை கலந்து தலையில் தேய்த்து வர முடி
உதிர்தல் நிற்கும்.

* கற்றாழை சாறில் தேங்காய் எண்ணெய் கலந்து தேய்த்தால்
முடி உதிர்தல் நின்று நன்கு வளரும். அத்துடன் உடலும்
குளிர்ச்சியாகும்.

* செம்பருத்திப் பூவுடன் தேங்காய் எண்ணெய் கலந்து
தலையில் தேய்த்தால் முடி உதிராது அத்துடன் கூந்தல்
கருமையாகவும் மாறும்.

* முட்டை வெள்ளைக் கருவை தலையில் தேய்த்து 10 நிமிடம்
கழித்து சியக்காய் கொண்டு குளித்தால் தலைமுடி உதிர்வது
சுத்தமாக நின்று விடும்.

* வாரம் ஒருமுறை முடக்கத்தான் கீரையை அரைத்து
தலையில் தேய்த்து 5 நிமிடம் ஊறியதும் குளிக்கவும்.
இதுபோன்று தொடர்ந்து மூன்று மாத காலம் குளித்துப்
பார்க்கவும். முடி கொட்டுவது நின்றுவிடும்

அதுமட்டும் அல்ல முடக்கத்தான் கீரைக்கு நரை விழுவதைத்
தடுக்கும் ஆற்றலும் உண்டு.
-
-------------------------------------
- பொ.பாலாஜிகணேஷ்

**ayyasamy ram** · **ayyasamy ram** Mon Feb 13, 2017 7:01 pm

* 30 விநாடிகள் இரு காது துவாரங்களையும் விரல்களால்
அடைத்துக் கொண்டால் விக்கல் நின்று போகும்.

* ஒரு தேக்கரண்டி சர்க்கரையை வாயில் போட்டு
சுவைத்தால் விக்கல் நின்று போகும்.

* அடிக்கடி கொட்டாவி வந்தால். நான்கு அல்லது ஐந்து
தடவை நன்கு மூச்சை இழுத்து விடுங்கள். கொட்டாவி
போய்விடும்.

* 2 தேக்கரண்டி சீரகத்தை நீரில் போட்டு இரவு முழுவதும்
ஊற வைத்து, மறுநாள் காலையில் அந்த நீரை கொதிக்க
வைத்து, வடிக்கட்டி, அதில் ஒரு தேக்கரண்டி
எலுமிச்சைச்சாறு பிழிந்து, இரண்டு வாரத்திற்கு தினமும்
காலையில் குடித்து வர, விரைவில் உடல் எடை குறையும்.

* சிறிது தயிரில் 1 தேக்கரண்டி சீரகப் பொடி சேர்த்து
கலந்து தினமும் உட்கொண்டு வந்தால், உடல் எடையைக்
குறைக்கலாம்.

**ayyasamy ram** · **ayyasamy ram** Mon Feb 13, 2017 7:11 pm

* அரை தேக்கரண்டி சீரகப் பொடியை நீரில் சேர்த்து,
அதோடு தேன் கலந்து தினமும் குடித்து வருவதன் மூலமும்
உடலில் உள்ள கொழுப்புகளைக் கரைத்து உடல் எடையைக்
குறைக்கலாம்.

* சீரகம் உடலில் கெட்ட கொழுப்புகள் சேர்வதைத் தடுத்து,
அதிகப்படியான கலோரிகளை எரிக்கும். ஏனெனில் இதில்
உடலின் மெட்டபாலிசத்தை அதிகரிக்கும் ஊட்டச்
சத்துக்களும், ஆன்டி - ஆக்ஸிடன்ட்டுகளும் ஏராளமாக
உள்ளன.

இதனால் இவற்றை அன்றாட உணவில் எடுத்து வந்தால்,
கொழுப்புகளால் அதிகரித்த தொப்பையையும்
குறைக்கலாம்.

* செரிமானத்தை சீர்படுத்தி, வாய்வு தொல்லையை நீக்கும்
ஆற்றல் சீரகத்திற்கு உண்டு.
-
----------------------------
மகளிர் மணி

Sponsored content · Sponsored content

சின்ன சின்ன கை வைத்தியங்கள்!

சின்ன சின்ன கை வைத்தியங்கள்!

Re: சின்ன சின்ன கை வைத்தியங்கள்!

Re: சின்ன சின்ன கை வைத்தியங்கள்!

Re: சின்ன சின்ன கை வைத்தியங்கள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக