சிவராத்திரி ஸ்பெஷல்!

எண் குணத்தான்சிவபெருமானுக்கு வழங்கப்படும் பெயர்களில் ஒன்று, எண் குணத்தான். அவை:பிறப்பின்மை, இறப்பின்மை, பற்றின்மை, பெயரின்மை, உவமையின்மை, வினையின்மை, குறைவில்லா அறிவுடைமை மற்றும் கோத்திரம் இன்மை.*பார்வதி தேவி, நீரில் லிங்கம் அமைத்து, சிவனை வழிபட்ட தலம், திருவானைக்காவல். சிவலிங்கத்தின் வகைகள்:தானே தோன்றியது, சுயம்பு லிங்கம்; கரிமுகன் மற்றும் ஆறுமுகன் போன்ற கணங்களால் தோற்றுவிக்கப்பட்டது,

கண லிங்கம்; தேவர்களால், ஸ்தாபிக்க பெற்றது, தெய்வீக லிங்கம்; முனிவர்களால், ஸ்தாபிக்கப் பெற்றது ஆர்ஷிக லிங்கம்; மண், கோமேயம், அன்னம், சந்தனம், மலர் மற்றும் சர்க்கரை போன்ற பொருட்களை லிங்கமாக்கி பூஜிப்பது, கூணிக லிங்கம்; திரவலிங்கம் அல்லது பாதார்த்த லிங்கம் என்பது, சிவன், சங்கரா காலம் வரைக்கும், அன்பர்களுக்கு அருள் செய்வது; ராட்ஷசர்களால் உண்டானது, ராட்ஷச லிங்கம்; மனிதர்களால் உண்டானது மனுஷ்ய லிங்கம்.*

எல்லா சிவ ஆலயங்களிலும், அம்பிகை சன்னதி, இடது புறமே இருக்கும்; ஆனால், ராமேஸ்வரத்தில் வலப்புறம் இருக்கும். பாதாள லிங்கம்!சுயம்புவாய் தோன்றிய, பாதாள லிங்கங்கள் இரண்டு. ஒன்று, வடக்கே உத்தரகாசியில் உள்ளது; மற்றொன்று, தென்கயிலாயம் எனப்படும், உத்தரகோசமங்கையில் உள்ள மங்களநாதர்.

சிவபூஜை செய்து பேறு பெற்றோர்:திருமயிலை - கற்பகாம்பிகைகாஞ்சிபுரம் - காமாட்சிதிருவானைக்காவல் - அகிலாண்டேஸ்வரிஅவிநாசி - கருணாம்பிகைதிருச்செந்தூர் - சுப்ரமண்யர்செங்காட்டங்குடி - விநாயகர்ராமேஸ்வரம் - ராமர்இமயம் - அர்ச்சுனன்திருக்கடவூர் - மார்க்கண்டேயர்சீர்காழி - பிரம்மன்

சிவபெருமான் விரும்பும் மலர்களான, கொன்றை, வன்னி, எருக்கு, வில்வம், ஊமத்தை, கோங்கம், குரவம், ஆம்பல், தாளிக்கொடி, அருகம்புல், செங்கழுநீர் மற்றும் தும்பை போன்ற மலர்கள் சிவாலயங்களில் பூஜைக்கு பயன்படுத்தப்படுகிறது.

திருவீழிமிழலையில், ஸ்ரீநேத்திரர்ப்பணேஸ்வர ஸ்வாமி லிங்க திருமேனியின் பின், பார்வதி பரமேஸ்வரர் நின்ற கோலத்தில் காட்சி தருகின்றனர். சாதாரணமாக, சிவாலய கர்ப்பகிரகங்களில், காணமுடியாத சிறப்பு இது.

சிவபெருமானுக்கு, அகில், சந்தனம், பச்சைக் கற்பூரம், குங்குமப்பூ, கோரோசனை, கஸ்தூரி ஜவ்வாது மற்றும் புனுகு இவற்றால், அபிஷேகம் செய்வது சிறப்பு.

தினமலர்

சிவன் என்றால் ஜீவன் (உயிர்) மற்றும் மங்கலம் தருபவர் என்று பொருள். உயிர் இருந்தால் தான், உடலுக்கு மங்கலம். அருவமாகவும், அருவுருவமாகவும் இருக்கும் சிவபெருமான், தட்சிணாமூர்த்தி கோலத்தில் ஞானத்தை அருளி, பைரவராகவும், வீரபத்திரராகவும் இருந்து தன் பக்தர்களை காக்கிறார்.
மேலும், லிங்க வடிவில் எழுந்தருளியுள்ள சிவபெருமான், தனக்கும் தன் மனைவிக்கும் இடையே முருகனை, அமர வைத்து, சோமாஸ்கந்தர் என்ற பெயர் பெறுகிறார்.

உருவம் இல்லா ஜோதி வடிவான இறைவனை, திருமந்திரத்தில், 'அன்பே சிவம்' என்கிறார், திருமூலர். வள்ளலாரோ, சிவனிடம், 'அப்பா... நான் வேண்டுதல் கேட்டருள் புரிய வேண்டும்; ஆருயிர்க்கெல்லாம் நான் அன்பு காட்ட வேண்டும்...' என்று வேண்டுகிறார்.

இத்தகைய சிறப்புடைய சிவனை, மாசி மாத தேய்பிறை சதுர்த்தசியன்று வரும் சிவராத்திரி அன்று விழித்திருந்து வழிபடுகின்றனர் பக்தர்கள்.

பாற்கடலில் இருந்து, சாகா மருந்தான அமுதம் பெற, வாசுகி எனும் பாம்பை கயிறாகவும், மேரு மலையை மத்தாகவும் கொண்டு, தேவர்களும், அசுரர்களும் கடலை கடைந்தனர். வாலையும், தலையையும் பிடித்து இழுத்ததால், வலி பொறுக்காத வாசுகி, விஷத்தை கக்கியது. இதனால் தேவர்கள் இறந்து விடுவரே எனக் கருதி அவ்விஷத்தை அருந்தினார், சிவன்.

பதறிப் போன பார்வதி, கணவரின் கழுத்தைப் பிடிக்க, விஷம் அதற்கு மேல் போகாமல் நீல நிறத்தில் சிறு உருண்டையாக கழுத்திலேயே தங்கி விட்டது. இதனால், நீலகண்டன் என பெயர் பெற்றார், சிவன். கண்டம் என்றால் கழுத்து என்று பொருள்.இந்நிகழ்ச்சி நடந்தது, ஒரு சதுர்த்தசி திதியில்! அன்று மாலையில், தன் பக்தர்களை மகிழ்விக்க நடனமாடினார், சிவன்.

இதனால், மகாசிவராத்திரியன்று, மாலையில், முதலில் நடராஜரை வழிபட வேண்டும் என்பது மரபு. தொடர்ந்து, இரவின் முதல் ஜாமத்தில் சோமாஸ்கந்தரையும், இரண்டாம் ஜாமத்தில் தட்சிணாமூர்த்தியையும், மூன்றாம் காலத்தில் லிங்கோத்பவரையும், நான்காம் காலத்தில், காளையில் அமர்ந்து அருள்பாலிக்கும் சந்திரசேகரரையும் வழிபட வேண்டும்.சிவராத்திரியன்று காலையில் விரதத்தை துவங்கி, இரவில் கண்விழித்து,

'சிவாயநம...' என ஜெபித்தபடி, நான்கு கால அபிஷேகத்தை தரிசிக்க வேண்டும். மேலும், சிவபுராணம், தேவாரம் மற்றும் திருவாசகம் படிப்பதும் நன்மை தரும். மறுநாள் காலையில் அன்னதானம் செய்த பின் சாப்பிட வேண்டும்.

இந்நாளில், சிவனுக்கு வில்வார்ச்சனை செய்தால், ஈரேழு ஜென்மத்தில் செய்த பாவம் நீங்கி விடுவதுடன், செல்வ வளமும் பெறுவதோடு, மறுமையில் கைலாயத்தில் வாழும் பேறும் பெறுவர். அத்துடன், பெற்றோருக்கு பெருமை தேடித்தரும் நற்குழந்தைகள் பிறப்பர். மங்களகரமான இவ்விரதத்தை, அனைவரும் அனுஷ்டித்து, சிவன் அருள்பெறுவோம்!

- தி.செல்லப்பா