பதில் சொல்லுங்க சசிகலா...; தேர்தல் ஆணைய நோட்டீஸ் ஒப்படைப்பு

**T.N.Balasubramanian** · **T.N.Balasubramanian** Wed Feb 22, 2017 9:00 pm

பதில் சொல்லுங்க சசிகலா...; தேர்தல் ஆணைய நோட்டீஸ் ஒப்படைப்பு

பெங்களூரு: பொதுச்செயலாளர் பதவி தொடர்பாக, தேர்தல் ஆணையம் அனுப்பிய நோட்டீசை பெங்களூரு சிறையில் அடைக்கப்பட்டுள்ள சசிகலாவிடம் சிறை அதிகாரிகள் ஒப்படைத்தனர்.

நோட்டீஸ்:
அ.தி.மு.க., பொது செயலாளராக சசிகலா கடந்த ஆண்டு டிசம்பர் 31ம் தேதி தேர்வு செய்யப்பட்டார். இந்த தேர்வு செல்லாது என தேர்தல் ஆணையத்தில் ராஜ்யசபா எம்.பி., சசிகலா புஷ்பா மற்றும் மைத்ரேயன் ஆகியோர் புகார் அளித்தனர். இது தொடர்பாக கடந்த வாரம் தேர்தல் ஆணையம் விசாரணை நடத்தியது. மைத்ரேயன் நேரில் சென்று, சசிகலா தேர்வு செய்யப்பட்டது செல்லாது என வாதாடினார். இது தொடர்பாக விளக்கமளிக்க வேண்டும் என சசிகலாவுக்கு தேர்தல் ஆணையம் நோட்டீஸ் அனுப்பியது.

ஒப்படைப்பு:
இந்த நோட்டீஸ் அ.தி.மு.க., தலைமையகத்திற்கு அனுப்பி வைக்கப்பட்டது. அங்கிருந்து பாபு என்ற வழக்கறிஞர் தலைமையில் 5 பேர் தேர்தல் ஆணைய நோட்டீசை பெங்களூரு சென்று சிறை அதிகாரிகளிடம் ஒப்படைத்தனர். சிறை அதிகாரிகள் நோட்டீசை சசிகலாவிடம் வழங்கினார். இந்த நோட்டீசில், புகார் குறித்து விரைவில் பதிலளிக்க வேண்டும் எனக்கூறப்பட்டுள்ளது.

நன்றி தினமலர்

ரமணியன்