குதிரைபேரம் செய்யப் புறப்பட்ட முதலமைச்சர் .

மதுரைக்கு அருகே திருவாதவூர்,அந்தணர் குல சம்புபாதாசிரியர் - சிவ ஞானவதியார் தமபதியர்க்கு, இறையருளால் பிறந்தவர் வாதவூரன், என்கிற மாணிக்கவாசகர் கருவிலேயே திரு மிகுந்திருந்த அவர் ஆயகலை அனைத்திலும் திறன் பெற்றிருந்ததால் பாண்டியமன்னன் அரிமர்த்தனன், அவரைத் தனது முதலமைச்சராக நியமித்திருந்தான். ஒரு அமைச்சன் எப்படி இருக்க வேண்டும் என்பதை சிவபக்தியோடு செயல்பட்டு, அனைத்துக்கும் மேலான சிவஞானத்தை எதிர் நோக்கியிருந்தார் மணிவாசகர்.
பாதுகாப்புக்கான குதிரைப்படைக்கு நல்ல குதிரைகளை வாங்குவதற்காக, ஏராளப் பொன் கொடுத்து முதல்வரை மன்னன் அனுப்பினார். வழியிலே திருப்பெருந்துறை எனும் தலத்திலே ஈஸ்வரனே வீற்றிருந்தார். யோகியைக் கண்ட மணிவாசகர் தன்னை மறந்தார். சிவயோகச் சிவனிடமே சிவதீட்சை பெற்று தெய்வத் தமிழ்பாடும் திறன் பெற்றார்.
வையமெலாம் போற்றி வணங்கி முழங்கும் திருவாசகத்தைப் பாடி முடித்துப் பரமனின் திருப்பணியிலே மூழ்கிவிட்டார் மாணிக்கவாசகர். குதிரை வாங்கச் சென்ற முதலமைச்சர், கோயிலைக் கட்டிப் பொருளையெல்லாம் அழித்து விட்டதை அறிந்த பாண்டிய மன்னன், சேனாபதியை அனுப்பினான். ஈசனைப்பணிந்தார் மணிவாசகர். " குதிரைகள் மதுரைக்குப் போய்ச் சேரும்" என அசரீரி ஒலித்தது.
ஈசனே குதிரைச் சேவகனாகி காட்டு நரிகளையெல்லாம் பரி (குதிரை) களாக்கி மதுரையில் சேர்க்கிறார். பரிகள் மறு நாள் நரிகளாகின்றன! மன்னன் சினந்து, மாணிக்கவாசகரை வைகை நதியில் நிறுத்தித் தண்டிக்கிறான். விடுவானா சிவன். வைகையில் வெள்ளம் ! புட்டுக்கு மண்சுமந்த திருவிளையாடல். முடிந்து, திருவாசகம் தந்த பெருமானின் பெருமையைப் பாண்டியன் அறிந்து பணிகின்றான்.

நன்றி : இணையம் .