விண்டோஸ் விஸ்டாவில் குழந்தைகளுக்கான இன்டர்நெட் தடை

இன்டர்நெட் குறித்த பல கேள்விகளுக்கு மத்தியில், நம் வாசகர்கள் பலர் பெருகி வரும் இன்டர்நெட் பயன்பாட்டில் உள்ள கேடுகள் குறித்தும் கவலை தெரிவித்து பலர் எழுதி உள்ளனர். நம் குழந்தைகள் இன்டர்நெட்டில் உள்ள தளங்களில் இருந்து தகவல்களைத் தேடி எடுத்து தங்கள் கல்விக்கு பயன்படுத்துவது நாம் வரவேற்று உற்சாகப் படுத்த வேண்டிய விஷயம் தான். ஆனால் அதே நேரத்தில் மனதைக் கெடுக்கும் பல விஷயங்களில் இருந்து நாம் அவர்களைக் காப்பாற்ற வேண்டியுள்ளது.


பாலியியல் சார்ந்த தளங்கள் மிக எளிதாகக் கிடைக்கும் இந்த நாளில் அவர்களின் கவனம் அதில் துளிக் கூடச் செல்லாமல் நாம் பாதுகாக்க வேண்டியுள்ளது. அண்மையில் கள்ளப்பாளையம் என்ற ஊரிலிருந்து ஒரு பெண்மணி இது குறித்து நீண்ட கடிதம் எழுதி தான் விண்டோஸ் விஸ்டாவிற்கு மாறி இருப்பதாகவும் அதில் குழந்தைகளுக்கான பாதுகாப்பு வழிகளை எப்படி மேற்கொள்வது என்றும் கேட்டு எழுதி இருந்தார். விஸ்டா பயன்படுத்தும் அனைவரும் இந்த பாதுகாப்பு வளையத்தை மேற்கொள்ளலாம் என்ற நோக்கில் கீழ்க்காணும் குறிப்புகள் தரப்படுகின்றன.


இந்த தடை parental control என்று விஸ்டா சிஸ்டத்தில் அழைக்கப்படுகிறது. அதிர்ஷ்டவசமாக இந்த வசதிக்கான புரோகிராம் சிஸ்டத்துடன் இணைத்தே தரப்படுகிறது. எனவே இதற்கென தனியே எந்த புரோகிராமும் தனியே வாங்கவோ டவுண்லோட் செய்திடவோ தேவையில்லை. இதன் மூலம் உங்கள் குழந்தைகள் (அல்லது பேரப் பிள்ளைகள்) கம்ப்யூட்டரில் என்னவெல்லாம் பயன்படுத்துகிறார்கள் என்பதில் முழுக் கட்டுப்பாட்டினை நீங்கள் மேற்கொள்ளலாம். எந்த தளங்களை அவர்கள் பார்க்கலாம் என்பது மட்டுமின்றி எவ்வளவு நேரம் இன்டர்நெட் பயன்படுத்தலாம் என்பது கூட தடைகளை அமைக்கலாம். நீங்கள் அவர்களின் இன்டர்நெட் பயன்பாடு குறித்து எந்த கவலையுமின்றி நிம்மதியாக இருக்கலாம்.

முதலில் நீங்கள் மேற்கொள்ள வேண்டியது உங்கள் யூசர் அக்கவுண்ட்கள் அனைத்தும் பாஸ்வேர்ட் மூலம் பாதுகாப்பு செய்யப் பட்டுள்ளதா என்பதனை உறுதி செய்து கொள்வதுதான். ஒன்றுக்கு மேற்பட்ட அக்கவுண்ட் இருந்தாலும் ஒரே அக்கவுண்ட் இருந்தாலும் அவை அனைத்தையும் பாஸ்வேர்ட்கள் கொடுத்து பாதுகாக்கவும். பாஸ்வேர்ட் இல்லாத அக்கவுண்ட் இருந்தால் அதில் கிளிக் செய்து பாஸ்வேர்ட் குறித்துக் கேட்கப்படும் கேள்விகளுக்குப் பதில் கொடுத்து பாஸ்வேர்ட் அமைக்கவும். அப்படி அமைக்கவில்லை என்றால் பாஸ்வேர்ட் இல்லாத யூசர் அக்கவுண்ட்டை உங்கள் குழந்தை பயன்படுத்தி இன்டர்நெட்டில் நுழைய முடியும். எனவே அனைத்து அக்கவுண்ட்களும் பாஸ்வேர்ட்களால் பாதுகாக்கப்பட்டுள்ளதா என்று உறுதி செய்து கொள்ளுங்கள்.


விஸ்டாவில் parental control பெற Start, Control Panel எனச் செல்லுங்கள். அதன் பின் User Accounts மற்றும் Family Safety எனத் தேர்ந்தெடுங்கள். அதன்பின் "Set up parental controls for any user" என்ற லிங்க்கில் கிளிக் செய்திடுங்கள். உங்கள் கம்ப்யூட்டரில் சில மாற்றங்களை மேற்கொள்ள வேண்டியதிருக்கும். தொடரலாமா? என்று உங்களைக் கேட்கும். ஒரு சில மாற்றங்கள் தான் மேற்கொள்ள வேண்டியதிருக்கும். எனவே தைரியமாக Continue என்பதில் கிளிக் செய்து தொடருங்கள்.

இப்போது எந்த அக்கவுண்டில் பேரண்டல் கண்ட்ரோல் அமைக்க விரும்புகிறீர்களோ அந்த அக்கவுண்ட்டில் கிளிக் செய்திடவும். அடுத்து கேட்கப்படும் கேள்விகளுக்கு நீங்கள் விரும்பும் வகையில் செட்டிங்ஸ் அமைக்கவும்.Parental Controls ஆப்ஷன் அமைக்கையில் On என்னும் ஆப்ஷன் தேர்ந்தெடுக்கப்பட்டிருப்பதனை உறுதி செய்திடவும். அடுத்தது Activity Reporting என்ற பிரிவு. இதிலும் On கிளிக் செய்து இயக்க நிலையில் வைத்திடவும். அடுத்து லிஸ்ட்டில் சென்று அதில் உள்ள Windows Vista Web Filter, Time Limits, Games and Allow மற்றும் Block Specific Programs பிரிவுகளில் நீங்கள் திட்டமிடும் வகையில் செட் செய்திடலாம். இந்த செட் அப்களை முடித்துவிட்டு வலது பக்கம் உள்ள பிரிவுகளுக்குச் செல்லவும் இதில் Web Restrictions என்ற பிரிவு செல்லவும். இதில் தடைகளுக்கான பல லெவல்கள் உள்ளன. அவை : High, Medium, None அல்லது Custom என நான்கு வகைகள் உள்ளன.

மேலும் Time Limits, Game Ratings மற்றும் Program Limits என்ற பிரிவுகளிலும் நீங்கள் விரும்பும் வகையில் செட் செய்திடலாம். உங்கள் குழந்தைகளின் வயதிற்கேற்ப இவற்றை செட் செய்துவிட்டு ஓகே கிளிக் செய்து வெளியேறவும். செட் செய்வது குறித்து உங்களுக்கு உதவி செய்வதற்கு அனைத்து குறிப்புகளும் கிடைக்கும். கூடுதல் உதவிக் குறிப்புகள் தேவை ப்பட்டால் http://www.microsoft.com/windows/products/windowsvista/features/details/parentalcontrols.mspxஎன்ற முகவரியில் உள்ள மைக்ரோசாப்ட் தளத்தை அணுகவும்.

கம்ப்யூட்டர் மலர்

nalla thakaval siva

அ௫மையான கட்டுரை