சசிகலாவுக்கு பதவி பிரமாணம் செய்ய தடை விதிக்க வேண்டும்: உச்ச நீதிமன்றத்தில் மனு

**ayyasamy ram** · **ayyasamy ram** Mon Feb 06, 2017 7:49 pm

புதுடெல்லி,

சொத்துக்குவிப்பு வழக்கில் தீர்ப்பு அறிவிக்கும் வரை சசிகலாவுக்கு
முதல்-அமைச்சராக பதவி பிரமாணம் செய்துவைக்க இடைக்காலத்
தடை விதிக்க வேண்டும் என்று சுப்ரீம் கோர்ட்டில் மனு தாக்கல்
செய்யப்பட்டது.

சென்னையை சேர்ந்த சட்டப்பஞ்சாயத்து இயக்கம் சார்பில்
உச்ச நீதிமன்றத்தில் இன்று தாக்கல் செய்த மனுவில் கூறப்பட்டு
இருப்பதாவது:-

சென்னையில் நடைபெற்ற அ.தி.மு.க. எம்.எல்.ஏ.க்கள் கூட்டத்தில்
சசிகலாவை தலைவராக தேர்ந்தெடுத்து, அவரிடம் தமிழக
முதல்-அமைச்சராக பொறுப்பேற்கவும் கோரிக்கை விடுத்துள்ளனர்.

உச்ச நீதிமன்றத்தில் கர்நாடக அரசு தரப்பில் சொத்துக்குவிப்பு
வழக்கு பற்றி முறையிட்டபோது, தீர்ப்பு இன்னும் ஒரு வாரத்தில்
வெளியிடப்படும் என்று நீதிபதிகள் கூறியுள்ளனர்.

பெங்களூரு கீழ்க்கோர்ட்டில் சொத்துக்குவிப்பு வழக்கில் முன்னாள்
முதல்-அமைச்சர் ஜெயலலிதாவுக்கு சிறை தண்டனை வழங்கப்பட்ட
போது அ.தி.மு.க. தொண்டர்கள் வன்முறை சம்பவங்களில்
ஈடுபட்டதால் தமிழகத்தில் இயல்பு வாழ்க்கை பெரிதும் பாதிக்கப்பட்டது.

தற்போது அ.தி.மு.க. சார்பில் சசிகலாவை அவசர அடிப்படையில்
முதல்-அமைச்சராக பொறுப்பேற்க முயற்சிகள் எடுக்கும் நிலையில்,
அவர் பொறுப்பேற்ற ஒரு வாரத்துக்குள் சுப்ரீம் கோர்ட்டு தீர்ப்பு
வெளியிட்டால் அ.தி.மு.க. தொண்டர்கள் மீண்டும் ஒருமுறை வன்முறை
சம்பவங்களில் ஈடுபட்டு தமிழ்நாட்டில் இயல்பு வாழ்க்கைக்கு
ஊறுவிளைவிக்கும் ஆபத்து உள்ளது.

எனவே, உச்ச நீதிமன்றத்தின் தீர்ப்பு வெளியிடப்படும் வரை
சசிகலாவுக்கு முதல்-அமைச்சராக பதவிப் பிரமாணம் செய்து
வைப்பதற்கு இடைக்காலத் தடை விதிக்க வேண்டும்.

இவ்வாறு இந்த மனுவில் கூறப்பட்டுள்ளது.
-
---------------------------------------
தினத்தந்தி

**M.Jagadeesan** · **M.Jagadeesan** Mon Feb 06, 2017 8:53 pm

எது நடந்ததோ அது நன்றாகவே நடந்தது !
எது நடக்கிறதோ அதுவும் நன்றாகவே நடக்கிறது !
எது நடக்கப் போகிறதோ அது தமிழகத்தின் கேடு காலம் !

சசிகலாவுக்கு பதவி பிரமாணம் செய்ய தடை விதிக்க வேண்டும்: உச்ச நீதிமன்றத்தில் மனு

சசிகலாவுக்கு பதவி பிரமாணம் செய்ய தடை விதிக்க வேண்டும்: உச்ச நீதிமன்றத்தில் மனு

Re: சசிகலாவுக்கு பதவி பிரமாணம் செய்ய தடை விதிக்க வேண்டும்: உச்ச நீதிமன்றத்தில் மனு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக