ரூ.2,000 கள்ள நோட்டு புழக்கமா?: மத்திய அரசு மறுப்பு

**ayyasamy ram** · **ayyasamy ram** Sat Feb 04, 2017 2:13 pm

புது தில்லி:
ரூ.2 ஆயிரம் கள்ள நோட்டுகள் புழக்கத்தில் இருப்பதாக
உறுதியான தகவல் எதுவும் வரவில்லை என்று மத்திய
அரசு மறுத்துள்ளது.

இதுதொடர்பாக மக்களவையில் கேட்கப்பட்ட கேள்விக்கு
மத்திய நிதித்துறை இணையமைச்சர் அர்ஜுன் ராம் மேக்வால்
எழுத்துப் பூர்வமாக தாக்கல் செய்த பதிலில் தெரிவித்துள்ளதாவது:

மத்திய அரசுக்கோ அல்லது ரிசர்வ் வங்கிக்கோ, வங்கிகளிடம்
இருந்து ரூ.2,000 கள்ள நோட்டுகள் டெபாசிட் செய்யப்பட்டதாக
எந்த உறுதியான தகவலும் வரவில்லை.

நாடு முழுவதும் ரூபாய் நோட்டுகளின் புழக்கம் சீராக இருப்பதை
உறுதி செய்யும் வகையில், வங்கிகள் மூலம் பணத்தை புழக்கத்தில்
விடுவதற்கு தேவையான அனைத்து நடவடிக்கைகளையும் ரிசர்வ்
வங்கி மேற்கொண்டுள்ளது.

கடந்த ஆண்டு டிசம்பர் மாதம் இறுதி நிலவரப்படி, நாடு முழுவதும்
உள்ள வங்கிகளுக்கு 2,200 கோடி எண்ணிக்கையில் பல்வேறு
மதிப்புடைய ரூபாய் நோட்டுகளை ரிசர்வ் வங்கி அனுப்பியுள்ளது.
அதில் ரூ.10, ரூ.20, ரூ.50, ரூ.100 ஆகிய மதிப்பு ரூபாய் நோட்டுகளின்
எண்ணிக்கை 2,000 கோடி ஆகும்.

இதுதவிர, ரூ.500, ரூ.2,000 ஆகிய ரூபாய் நோட்டுகளையும் 200 கோடி எ
ண்ணிக்கையில் ரிசர்வ் வங்கி அனுப்பியுள்ளது.
ரூபாய் நோட்டுகளை அச்சிடும் விவகாரத்தில், அவ்வப்போது ரூபாய்
நோட்டுகளுக்கு இருக்கும் தேவைகளை ரிசர்வ் வங்கி ஆய்வு செய்கிறது.

பிறகு அதுகுறித்து மத்திய அரசுடன் கலந்தாலோசனை நடத்திவிட்டு,
ரூபாய் நோட்டுகளை அச்சிடுகிறது என்று அந்த பதிலில்
அர்ஜுன் ராம் மேக்வால் தெரிவித்துள்ளார்.
--------------------------------
தினமணி

ரூ.2,000 கள்ள நோட்டு புழக்கமா?: மத்திய அரசு மறுப்பு

ரூ.2,000 கள்ள நோட்டு புழக்கமா?: மத்திய அரசு மறுப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக