நரை கூறிய அறிவுரை

by **ayyasamy ram** Sat Feb 04, 2017 7:52 am

கோசல நாட்டு மன்னன், திருமால் அவதாரமாம் இராமனைத்
திருமகனாகப் பெற்ற பேறு வாய்த்தவன். ஒரு நாள் தன்
தலையில் முடி ஒன்று நரைத்திருப்பதைக் கண்டான்.
-
அந்த நரைமுடி அவனுக்கு ஓர் அறிவுரை கூறியது;
இராவணன் உயிருக்கு முடிவு கட்டியது. இதனை,
-
மன்னனே அவனியை மகனுக்கு ஈந்துநீ
பன்னரும் தவம்புரி பருவம் ஈதெனக்
கன்ன மூலத்தினில் கழற வந்தென
மின்னெனக் கருமைபோய் வெளுத்த தோர்மயிர்!
-
என்றார் கம்பர். "மன்னா! நீ கானகம் சென்று தவம்
புரிவதற்குரிய காலம் வந்துற்றது; அரசாட்சி பொறுப்பை
மகனிடம் ஒப்படைப்பாய்' என்பதே நரை கூறிய அறிவுரை.
-
நரை முடியினால் இராவணன் உயிருக்கு முடிவு வந்தது எவ்வாறு?
நரையைக் கண்ட காவலன் அரசாட்சிப் பொறுப்பை இராமனிடம்
ஒப்படைக்க நினைத்தான். கானகம் சென்று தவம் புரியலாம்
என்று எண்ணியவனுக்கு வானகம் செல்லும் அவலம் ஏற்பட்டது.
-
கைகேயி பெற்ற வரத்தினால் வையகம் பரதனுக்கு உரியதாயிற்று;
கானகம் இராமனுக்கு உரியதாயிற்று. கானகத்தில், மாரீசன்
மாயமான் வடிவில் வந்தான். இராமன், தன் பெண்மானாம்
சீதைக்கு அப்பொன்மானைப் பிடித்துத் தருவதற்காக அதன் பின்
சென்றான். இராவணன் சந்நியாசி வடிவில் வந்தான்;
சீதையைக் கவர்ந்தான்; இலங்கையில் சிறை வைத்தான்.
-
இராம - இரவாண யுத்தம் ஏற்பட்டது. இராவணன் முடித்தலை
சிந்த உயிரிழந்தான். நரைமுடி இத்தனைக்கும் காரணமாயிற்று.
எனவேதான்,
-
தீங்கிழை இராவணன் செய்த தீமைதான்
ஆங்கொரு நரையதா அணுகிற் றாமெனப்
பாங்கில் வந்திடு நரை படிமக் கண்ணடி
ஆங்கதில் கண்டனன் அவனி காவலன்!
-
என்பார் கம்பர்.
-
-------------------------------------------

-முனைவர் பா.நாகலட்சுமி
நன்றி-தமிழ்மணி

by **T.N.Balasubramanian** Sat Feb 04, 2017 5:55 pm

முதலில் நரை தோன்றும் பாகம் காது பக்கம் என்பர்.
நரை முடி காதில் இப்பிடி சொல்லுகிறதாம்.
" உங்களுக்கு மத்திய வயது முடிந்து முதிய வயது ஆரம்பம் ஆகிறது.
அறவழியில் ஈடுபட்டு, நல்லதே செய்து,
யாவருக்கும் ஒரு எடுத்துக்காட்டாக இருக்கவும் "

அதனால்தான் என்னவோ இப்போவெல்லாம் இளைஞர்கள் பலருக்கு
சிறு வயதிலேயே வழுக்கை விழுந்து,முடியே இருப்பதில்லை.
முடியே இல்லாதபோது நரை பற்றி கவலை பட சந்தர்ப்பமும் இல்லை .

ரமணியன்

by **krishnaamma** Sat Feb 04, 2017 8:32 pm

ayyasamy ram wrote:கோசல நாட்டு மன்னன், திருமால் அவதாரமாம் இராமனைத்
திருமகனாகப் பெற்ற பேறு வாய்த்தவன். ஒரு நாள் தன்
தலையில் முடி ஒன்று நரைத்திருப்பதைக் கண்டான்.
-
அந்த நரைமுடி அவனுக்கு ஓர் அறிவுரை கூறியது;
இராவணன் உயிருக்கு முடிவு கட்டியது. இதனை,
-
மன்னனே அவனியை மகனுக்கு ஈந்துநீ
பன்னரும் தவம்புரி பருவம் ஈதெனக்
கன்ன மூலத்தினில் கழற வந்தென
மின்னெனக் கருமைபோய் வெளுத்த தோர்மயிர்!
-
என்றார் கம்பர். "மன்னா! நீ கானகம் சென்று தவம்
புரிவதற்குரிய காலம் வந்துற்றது; அரசாட்சி பொறுப்பை
மகனிடம் ஒப்படைப்பாய்' என்பதே நரை கூறிய அறிவுரை.
-
நரை முடியினால் இராவணன் உயிருக்கு முடிவு வந்தது எவ்வாறு?
நரையைக் கண்ட காவலன் அரசாட்சிப் பொறுப்பை இராமனிடம்
ஒப்படைக்க நினைத்தான். கானகம் சென்று தவம் புரியலாம்
என்று எண்ணியவனுக்கு வானகம் செல்லும் அவலம் ஏற்பட்டது.
-
கைகேயி பெற்ற வரத்தினால் வையகம் பரதனுக்கு உரியதாயிற்று;
கானகம் இராமனுக்கு உரியதாயிற்று. கானகத்தில், மாரீசன்
மாயமான் வடிவில் வந்தான். இராமன், தன் பெண்மானாம்
சீதைக்கு அப்பொன்மானைப் பிடித்துத் தருவதற்காக அதன் பின்
சென்றான். இராவணன் சந்நியாசி வடிவில் வந்தான்;
சீதையைக் கவர்ந்தான்; இலங்கையில் சிறை வைத்தான்.
-
இராம - இரவாண யுத்தம் ஏற்பட்டது. இராவணன் முடித்தலை
சிந்த உயிரிழந்தான். நரைமுடி இத்தனைக்கும் காரணமாயிற்று.
எனவேதான்,
-
தீங்கிழை இராவணன் செய்த தீமைதான்
ஆங்கொரு நரையதா அணுகிற் றாமெனப்
பாங்கில் வந்திடு நரை படிமக் கண்ணடி
ஆங்கதில் கண்டனன் அவனி காவலன்!
-
என்பார் கம்பர்.
-
-------------------------------------------

-முனைவர் பா.நாகலட்சுமி
நன்றி-தமிழ்மணி

[You must be registered and logged in to see this link.]

அருமையான பகிர்வு ராம் அண்ணா புன்னகை

by **krishnaamma** Sat Feb 04, 2017 8:33 pm

T.N.Balasubramanian wrote:முதலில் நரை தோன்றும் பாகம் காது பக்கம் என்பர்.
நரை முடி காதில் இப்பிடி சொல்லுகிறதாம்.
" உங்களுக்கு மத்திய வயது முடிந்து முதிய வயது ஆரம்பம் ஆகிறது.
அறவழியில் ஈடுபட்டு, நல்லதே செய்து,
யாவருக்கும் ஒரு எடுத்துக்காட்டாக இருக்கவும் "

அதனால்தான் என்னவோ இப்போவெல்லாம் இளைஞர்கள் பலருக்கு
சிறு வயதிலேயே வழுக்கை விழுந்து,முடியே இருப்பதில்லை.
முடியே இல்லாதபோது நரை பற்றி கவலை பட சந்தர்ப்பமும் இல்லை .

ரமணியன்

ஹா..ஹா..ஹா.... சரியாக சொன்னீர்கள் ஐயா ஜாலி

by **Dr.S.Soundarapandian** Sat Feb 04, 2017 10:23 pm

வணக்கம் ஐயா.

தாங்கள் எடுத்துக்காட்டியுள்ள நரை கூறிய அறிவுரை கம்பனின் கருத்து நன்று. வாழ்க்கையில் மிகப்பெரும் மாற்றங்களைச் சிறுசிறு நிகழ்வுகளே தீர்மானிக்கின்றன. உற்றுநோக்கி அறிவதில் நாம் காட்டுகிற அலட்சியம் தான் துன்பத்திற்குக் காரணமாகின்றது.

நன்றி.

வணக்கம் ஐயா.

ரமணியன் ஐயா சொல்வதும் சரிதான். இன்றுள்ள இளைஞர்களுக்குத் தலையில் மயிர் இருந்தால்தானே நரைப்பதற்கு. இருக்கும் சிலபேருக்கோ எல்லாம் நரைத்துள்ளது. எங்கிருந்து நரைக்க ஆரம்பித்தது என்பதை எல்லாம் இனி வரும் காலங்களில் கருத்து சொல்ல இயலாது. எம்போன்றோருக்கு வேலை இல்லை

நன்றி.