அஜித்தின் 57-வது படத் தலைப்பு 'விவேகம்': ஜூனில் ரிலீஸ்

by **ayyasamy ram** Fri Feb 03, 2017 11:09 am

சிவா இயக்கத்தில் அஜித் நடித்துவரும் படத்துக்கு 'விவேகம்'
என தலைப்பிட்டு இருக்கிறார்கள். ஜூனில் வெளியாகவுள்ளது.
-
காஜல் அகர்வால், விவேக் ஒபராய், அக்‌ஷரா ஹாசன் உள்ளிட்ட
ஒட்டுமொத்த படக்குழுவினரும் பல்கேரியா படப்பிடிப்பில்
கலந்து கொண்டார்கள்.
இப்படப்பிடிப்பில் பைக் துரத்தல் காட்சிகளில் டூப்பின்றி சில
காட்சிகளில் நடித்து படக்குழுவினரை வியப்பில் ஆழ்த்தியுள்ளார்
அஜித்.
-
அஜித் உடலமைப்பை முழுமையாக மாற்றி நடித்துள்ள
இப்படத்துக்கு 'விவேகம்' என தலைப்பிட்டுள்ளார்கள். பர்ஸ்ட் லுக்
போஸ்டருக்கு சமூகவலைதளத்தில் பெரும் வரவேற்பு கிடைத்துள்ளது.
-
ஜூனில் இப்படத்தை வெளியிட தயாரிப்பு நிறுவனம்
திட்டமிட்டுள்ளது.
-
-----------------------

by **ayyasamy ram** Fri Feb 03, 2017 11:11 am

படக்குழு தரப்பில் விசாரித்தபோது அவர்கள் கூறியதாவது:
-
இந்தக் கதையை தேர்வு செய்ததும் அஜித் தினசரி 5 மணி நேரம்
உடற்பயிற்சி செய்து உடலை வலுவாக்குவதில் தீவிரம் காட்டினார்.
-
படத்தின் பெரும்பகுதி வெளிநாட்டு களத்தில் நடப்பதால்
ஐரோப்பாவில் அவர் பல நாட்கள் தங்கியிருக்க வேண்டிய சூழல்
உருவானது. அந்த நாட்களில் அதிகாலை 3 மணிக்கு எழுந்து
உடற்பயிற்சியில் ஈடுபடுவார்.
-
அவருக்கு சென்னையைச் சேர்ந்த யூசுப் என்பவர் பயிற்சியாளராக
இருந்து வருகிறார். படத்தின் 80 சதவீத பணிகள் நிறைவு பெற்றுள்ளன.
-
மீண்டும் ஐரோப்பாவில் இந்த மாதத்தில் படப்பிடிப்பை தொடங்க
உள்ளோம். பாடல் இசை, பின்னணி இசை உள்ளிட்ட இறுதிகட்ட
வேலைகள் நடந்து வருகின்றன. படத்தை ஜூன் மாதம் திரைக்கு
கொண்டு வர திட்டமிட்டுள்ளோம்.
-
இவ்வாறு அவர்கள் கூறினர்.
-
தி இந்து

அஜித்தின் 57-வது படத் தலைப்பு 'விவேகம்': ஜூனில் ரிலீஸ்

அஜித்தின் 57-வது படத் தலைப்பு 'விவேகம்': ஜூனில் ரிலீஸ்

Re: அஜித்தின் 57-வது படத் தலைப்பு 'விவேகம்': ஜூனில் ரிலீஸ்